ຈັບສອງຜົວເມຍຄ້າຢາເສບຕິດ

 ວັນທີ 21 ທັນວາຜ່ານມາ, ທາງເຈົ້າໜ້າທີ່ພະແນກຕໍາຫຼວດສະກັດກັ້ນ ແລະຕ້ານຢາເສບຕິດຫ້ອງຕໍາຫຼວດ ປກສ ແຂວງໄຊຍະບູລີ ໄດ້ຮັບແຫຼ່ງຂ່າວຈາກພົນລະເມືອງດີວ່າມີບຸກຄົນບໍ່ດີເຄື່ອນໄຫວຄ້າ-ຂາຍຢາເສບຕິດຢູ່ລະຫວ່າງເມືອງໄຊຍະບູລີ ແຂວງໄຊຍະບູລີ ຫາ ເມືອງນານ ແຂວງຫຼວງພະບາງຈຶ່ງໄດ້ນໍາໜ່ວຍງານວິຊາສະເພາະລົງເຄື່ອນໄຫວຕິດຕາມຈຶ່ງໄດ້ພົບເຫັນເປົ້າໝາຍ ແລະໄດ້ເຂົ້າກັກຕົວທ້າວ ຈ່ຽວເຟີຍ ອາຍຸ 57 ປີ ແລະນາງ ຈ່ຽວອ່ຽນ ອາຍຸ  56 ປີ ທັງສອງເປັນຜົວເມຍກັນຢູ່ບ້ານດອນຕູມ, ເມືອງນານ ແຂວງຫຼວງພະບາງ ພ້ອມດ້ວຍວັດຖຸຂອງກາງຢາບ້າຈໍານວນ 6 ພັນເມັດ ເງິນກີບ 14 ລ້ານກີບ, ເງິນບາດ 40 ພັນບາດ ປຶ້ມເງິນຟາກປະຢັດ 2 ຫົວ ແລະໂທລະສັບມືຖື 2 ເຄື່ອງ, ຈາກນັ້ນທາງເຈົ້າໜ້າທີ່ຈຶ່ງໄດ້ປະສານສົມທົບກັບກອງບັນຊາການ ປກສ ເມືອງ ແລະ ໄອຍະການເມືອງນານໄດ້ເຂົ້າກວດເຄຫະສະ ຖານ (ເຮືອນ)ຂອງຜູ້ກ່ຽວຈຶ່ງໄດ້ພົບເຫັນຢາບ້າຈໍານວນ 1.200 ເມັດ,ຢາຝີ່ນ 4 ກ້ອນນ້ອຍ,ຢາຝີ່ນສົດ 1 ກ້ອນນ້ອຍ ຊຶ່ງລວມຢາບ້າທີ່ຍຶດໄດ້ທັງໝົດແມ່ນ 7.200 ເມັດ ຈາກນັ້ນທາງເຈົ້າໜ້າທີ່ຈິ່ງໄດ້ນໍາຕົວທັງສອງມາສືບສວນ-ສອບສວນ ແລະດໍາເນີນຄະດີຕາມລະບຽບກົດໝາຍ.

____________

ຂຽນໂດຍ: ແສງທອງ ທອງສະໄໝ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์