ຊີອີໂອ “ໂບອິ້ງ” ລາອອກຍ້ອນວິກິດ 737 ແມ໊ກຊ

   ທ່ານ ເດນນິສ ມຸຍເລນເບີກ ປະທານເຈົ້າໜ້າທີ່ຄະນະບໍລິຫານ (ຊີອີໂອ) ບໍລິສັດໂບອິ້ງ ປະກາດລາອອກໃນວັນທີ 23 ທັນວາ ມີຜົນໃນທັນທີຫຼັງຈາກທີ່ໂບອິ້ງຕ້ອງປະເຊີນກັບວິກິດອັນເກີດຈາກເຫດເຮືອບິນລຸ້ນ 737 ແມ໊ກຊຕົກເຖິງສອງຄັ້ງ ແລະ ຍອດຂາຍຂອງບໍລິສັດຫຼຸດລົງຕໍ່ເນື່ອງ.

ການລາອອກຂອງ ທ່ານ ມຸຍ ເລນເບີກມີຂຶ້ນຫຼັງຈາກທີ່ໂບອິ້ງໄດ້ປະກາດຍຸຕິການຜະລິດເຮືອບິນລຸ້ນ 737 ແມ໊ກຊຊົ່ວຄາວເລີ່ມຕັ້ງແຕ່ເດືອນມັງກອນປີໜ້າ ທັງນີ້ເຮືອບິນໂບອິ້ງລຸ້ນ 737 ແມ໊ກຊ ຖືກສັ່ງຫ້າມບິນຕັ້ງແຕ່ເດືອນມີນາເນື່ອງຈາກບັນຫາລະບົບຊອຟແວຣຄວບຄຸມການບິນທີ່ເຮັດໃຫ້ເຮືອບິນຂອງສາຍການບິນໄລອ້ອນແອຣ ແລະ ເອທິໂອເປຍແອຣລາຍຕົກເຮັດໃຫ້ມີຜູ້ເສຍຊີວິດທັງໝົດ 346 ຄົນໂບອິ້ງລະບຸໃນຖະແຫຼງການວ່າການປ່ຽນແປງຕຳແໜ່ງ ຂອງຜູ້ບໍລິຫານຄັ້ງນີ້ເປັນເລື່ອງຈຳເປັນເພື່ອຟື້ນຟູຄວາມເຊື່ອໝັ້ນໃນບໍລິສັດໃຫ້ໄດ້ຮັບຄວາມເຫັນດີຈາກໜ່ວຍງານຄວບຄຸມກົດລະບຽບການບິນ (ເອຟເອເອ) ແລະ ເຮັດໃຫ້ຜູ້ໂດຍສານແລະສາຍການບິນທີ່ເປັນລູກຄ້າມີຄວາມໝັ້ນໃຈໃນບໍລິສັດໂບອິ້ງຕື່ມອີກ.

ທ່ານ ເດວິດ ຄາລຮູນ ຊຶ່ງເປັນ ປະທານກຳມະການບໍລິຫານຂອງ ໂບອິ້ງຈະເຂົ້າມາຮັບຕຳແໜ່ງຊີອີໂອແທນໃນວັນທີ 13 ມັງກອນ ປີໜ້າຊຶ່ງຫຼັງຈາກ ທ່ານ ມຸຍເລນເບີກລາອອກລາຄາຫຸ້ນຂອງໂບອິ້ງປິດວັນຈັນເພີ່ມຂຶ້ນ 2,7%.

-------------------

ໜັງສືພີມເສດຖະກິດ-ສັງຄົມ

• 25/12/2019