ກອງປະຊຸມສະຫຼຸບວຽກງານຈັດຕັ້ງ, ກໍ່ສ້າງພັກ-ພະນັກງານ ທົ່ວປະເທດ

   ກອງປະຊຸມສະຫຼຸບວຽກງານຈັດຕັ້ງ, ກໍ່ສ້າງພັກ-ພະນັກງານທົ່ວປະເທດປະຈໍາປີ 2019 ໄດ້ໄຂຂຶ້ນໃນລະຫວ່າງວັນທີ 19-20 ທັນວາທີ່ແຂວງໄຊຍະບູລີ, ເຂົ້າຮ່ວມເປັນກຽດມີທ່ານ ຈັນສີ ໂພສີຄໍາ ກໍາມະການກົມການເມືອງ, ເລຂາທິການສູນກາງພັກ, ເລຂາຄະນະພັກ, ຫົວໜ້າຄະນະຈັດຕັ້ງສູນກາງພັກ, ມີທ່ານ ພົງສະຫວັນ ສິດທະວົງ ກໍາມະການສູນກາງພັກ, ເລຂາພັກແຂວງ, ເຈົ້າແຂວງໄຊຍະບູລີ, ມີຫົວໜ້າ, ຮອງຫົວໜ້າຄະນະຈັດຕັ້ງບັນດາແຂວງທົ່ວປະ ເທດ, ນະຄອນຫຼວງ, ມີຫົວໜ້າກົມຈັດຕັ້ງກະຊວງ, ອົງການ, ຫົວໜ້າ ກົມ, ຮອງກົມ, ມີເລຂາພັກເມືອງ-ເຈົ້າເມືອງ ແລະ ຄະນະຈັດຕັ້ງບັນດາ ເມືອງທົ່ວ ແຂວງໄຊຍະບູລີເຂົ້າຮ່ວມ.

ທ່ານ ພົງສະຫວັນ ສິດທະ ວົງ ໄດ້ຂຶ້ນກ່າວຕ້ອນຮັບບັນດາຜູ້ແທນກອງປະຊຸມທີ່ມາຈາກບັນດາ ແຂວງທົ່ວປະເທດແລ້ວ, ທ່ານ ຈັນສີ ໂພສີຄໍາ ກໍາມະການກົມ ການເມືອງ, ເລຂາທິການສູນກາງພັກ, ເລຂາຄະນະພັກ, ຫົວໜ້າຄະນະຈັດຕັ້ງສູນກາງພັກ, ກໍ່ໄດ້ກ່າວໄຂກອງປະຊຸມຢ່າງເປັນທາງການ,  ໂດຍກອງປະຊຸມຄັ້ງນີ້ໄດ້ພ້ອມກັນສັງເກດຕີລາຄາການຈັດຕັ້ງປະຕິບັດມະຕິກອງປະຊຸມວຽກງານຈັດຕັ້ງທົ່ວປະເທດຄັ້ງທີ X ກໍຄືມະຕິກອງປະຊຸມວຽກງານຈັດຕັ້ງ, ກໍ່ສ້າງພັກ-ພະນັກງານທົ່ວປະເທດປະຈຳປີ 2018 ແລະ ຕີລາຄາສະພາບການຈັດຕັ້ງປະຕິບັດວຽກງານຈັດຕັ້ງ, ກໍ່ສ້າງພັກ-ພະນັກງານປະຈຳປີ 2019, ພ້ອມທັງຄົ້ນຄວ້າກຳນົດທິດທາງວຽກງານຈຸດສຸມໃນປີ 2020 ໃນນີ້ໄດ້ລົງເລິກຕີລາຄາຜົນສຳເລັດໃນການກະກຽມ ແລະ ດຳເນີນກອງປະຊຸມໃຫຍ່ຂັ້ນຮາກຖານພັກ ແລະ ກອງປະຊຸມໃຫຍ່ອົງຄະນະພັກເມືອງບ່ອນທີ່ໄດ້ເຮັດສຳເລັດໄປແລ້ວ, ພ້ອມກັນນັ້ນກໍໄດ້ປຶກສາຫາລືການສືບຕໍ່ກະກຽມ ແລະ ດຳເນີນກອງປະຊຸມໃຫຍ່ຂັ້ນເມືອງທຽບເທົ່າກອງປະຊຸມໃຫຍ່ຂັ້ນແຂວງນະຄອນຫຼວງ, ກະຊວງອົງການໃນປີ 2020 ເພື່ອໃຫ້ຖືກຕ້ອງຕາມເນື້ອໃນຂອງຄຳສັ່ງ 04/ຄລສພ ແລະ ບົດແນະນຳຂອງຂະແໜງການທີ່ກ່ຽວຂ້ອງຂັ້ນສູນກາງ.

ຈາກນັ້ນ ທ່ານ ວັນໄຊ ພອງ ສະຫວັນ ຮອງເລຂາຄະນະພັກ, ຮອງຫົວໜ້າຄະນະຈັດຕັ້ງສູນກາງພັກໄດ້ຂຶ້ນຜ່ານຮ່າງບົດສະຫຼຸບຕີລາຄາສະພາບການຈັດຕັ້ງປະຕິບັດວຽກງານຈັດຕັ້ງ, ກໍ່ສ້າງພັກພະນັກງານໄລຍະ 1 ປີຜ່ານມາ, ຊຶ່ງທ່ານໄດ້ຍົກໃຫ້ເຫັນດ້ານດີ, ດ້ານອ່ອນ, ຂໍ້ຄົງຄ້າງຈາກການປະຕິບັດໜ້າທີ່ວຽກງານຂອງຄະນະຈັດຕັ້ງທົ່ວປະເທດ, ໃນໄລຍະ 1 ປີຜ່ານມາແມ່ນໄດ້ຫັນເອົາພະນັກງານລົງຊ່ວຍບັນດາເມືອງທົ່ວປະເທດເພື່ອຊີ້ນໍາໆພາກະກຽມກອງປະຊຸມໃຫຍ່ຂັ້ນບ້ານ ແລະ ກອງປະຊຸມອົງຄະນະພັກເມືອງທັງ 3 ດ້ານ: ດ້ານຂະບວນການ, ດ້ານເນື້ອໃນ ແລະ ດ້ານບຸກຄະລາກອນ, ມາຮອດປະຈຸບັນທົ່ວປະເທດໄດ້ສໍາເລັດການດໍາເນີນກອງປະຊຸມໃຫຍ່ຮາກຖານບ້ານ ແລະ ຮາກຖານອ້ອມຂ້າງເມືອງນະຄອນ 98%, ອົງຄະນະພັກເມືອງນະຄອນສໍາເລັດ 42 ເມືອງນະຄອນໃນຈໍານວນ 12 ແຂວງ, ທົ່ວປະເທດມີໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນທັງໝົດ 6.375 ໜ່ວຍ, ມີສະມາຊິກພັກທັງໝົດ 329.804 ສະຫາຍ, ຍິງ 82.177 ສະຫາຍ, ກອງປະຊຸມດັ່ງກ່າວຜູ້ເຂົ້າຮ່ວມແມ່ນໄດ້ປະກອບຄໍາຄິດຄໍາເຫັນ, ຮັບຟັງການໂອ້ລົມຂອງທ່ານ ຈັນສີ ໂພສີ ຄໍານຳອີກ.

-----------------

ຂ່າວ: ອຸ່ນເຮືອນ ໂພທິລັກ

แชร์