ນິຣະດາ ຈອມເພັດ ຈັດກິດຈະກໍາສະແດງ ວັດທະນະທໍາອາຊຽນ

 ໃນວັນທີ 20 ທັນວາ 2019, ໂຮງຮຽນນິຣະດາຈອມເພັດ ຈັດກິດຈະກໍາສະແດງວັດທະນະທໍາອາຊຽນຂຶ້ນທີ່ໂຮງຮຽນດັ່ງກ່າວເພື່ອໃຫ້ນັກຮຽນໄດ້ຮຽນຮູ້ກ່ຽວກັບສິລະ ປະວັດທະນະທໍາທີ່ເປັນເອກະລັກຂອງບັນດາປະເທດສະມາຊິກອາຊຽນ.

 ທ່ານ ນີລາວັນ ວີຣະຖາວອນ ຜູ້ອໍານວຍການໂຮງຮຽນນິຣະດາຈອມເພັດ ກ່າວເປີດງານວ່າ: ງານສະແດງວັດທະນະທໍາອາຊຽນຈັດຂຶ້ນເປັນຄັ້ງທໍາອິດເພື່ອໃຫ້ນັກຮຽນໄດ້ຮຽນຮູ້ກ່ຽວກັບສິລະປະວັດທະນະທໍາອັນເປັນເອກະລັກຂອງບັນດາປະເທດສະມາຊິກອາຊຽນ,ເພາະອາຊຽນມີຄວາມສໍາຄັນຫຼາຍ ແລະ ສປປ ລາວ ກໍເປັນປະເທດໜຶ່ງທີ່ນອນໃນສະມາຊິກອາຊຽນ.

----------

 ສະນັ້ນໂຮງຮຽນນິຣະດາຈອມເພັດຈຶ່ງຈັດກິດຈະກໍາດັ່ງກ່າວຂຶ້ນໂດຍແບ່ງອອກເປັນ 2 ເວທີຄື: ວທີຂອງອະນຸບານ ແລະປະຖົມຊຶ່ງມີການສະແດງສິລະປະຕາມຄວາມສາມາດຂອງນ້ອງນ້ອຍ; ສ່ວນອີກເວທີເປັນເວທີຂອງນັກຮຽນ ມສ ກໍຄືມັດທະຍົມຕອນຕົ້ນ ແລະຕອນປາຍໂດຍມີກິດຈະກໍາສະແດງວັດທະນະທໍາ, ການປະກວດເດີນແບບ, ຖາມ-ຕອບອາຊຽນ ແລະການຈັດບຸດທີ່ສະແດງໃຫ້ເຫັນວັດທະນະທໍາທີ່ເປັນເອກະລັກຂອງແຕ່ລະປະເທດເປັນຕົ້ນແມ່ນອາຫານ-ເຄື່ອງດື່ມ, ດົນຕີ, ບັນດາສະ ຖານທີ່ສໍາຄັນຕ່າງໆ ທີ່ເປັນເອກະລັກທາງປະຫວັດສາດ, ທໍາມະຊາດ ແລະວັດທະນະທໍາ.

___________

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์