ໂຕ້ ດອນຝ້າຍ ຄວ້າຂັນປະທານເປຕັງ ນວ ຄັດເລືອກກີລາຮ່ວມຊຽງຂວາງ ເກມ 2020

  ທີມນັກກີລາເປຕັງຄູ່ຊາຍ ເຈົ້າຖິ່ນ ສະໂມສອນ ໂຕ້ ເປຕັງບ້ານດອນຝ້າຍ ທີມ 1 ປະກາດ ສັກດາຄອງແຊັມການແຂ່ງຂັນກີລາເປຕັງອ້ອມຂ້າງ 9 ຕົວເມືອງ ຊີງຂັນປະທານສະຫະພັນເປຕັງ ນະຄອນຫຼວງວຽງຈັນ (ນວ) ເມື່ອລະຫວ່າງວັນທີ 21-22 ທັນວານີ້ ເພື່ອເປັນຄັດເລືອກນັກກີລາເປຕັງຕາງໜ້າທັບນັກກີລານະຄອນ ຫຼວງວຽງຈັນ ເຂົ້າຮ່ວມງານມະຫາກຳກີລາແຫ່ງຊາດ ຄັ້ງທີ Xl ຫຼື ຊຽງຂວາງ ເກມ ທີ່ແຂວງຊຽງ ຂວາງ ຮັບກຽດເປັນເຈົ້າພາບລະ ຫວ່າງວັນທີ 22 ມີນາ ຫາ 1 ເມ ສາ 2020.

ການແຂ່ງຂັນກີລາເປຕັງອ້ອມຂ້າງ 9 ຕົວເມືອງ ຊີງຂັນປະທານສະຫະພັນເປຕັງ ນວ ປະຈຳປີ 2019 ໄດ້ມີຂຶ້ນເມື່ອວັນທີ 22 ທັນວາ ຜ່ານມາ ທີ່ສະໂມສອນໂຕ້ ເປຕັງບ້ານດອນຝ້າຍ ເມືອງ ຫາດຊາຍຟອງ ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມ ແລະມອບລາງວັນຂອງທ່ານ ຄຳເກີດ ຟອງສານຸວົງ ປະທານສະ ຫະພັນເປຕັງນະຄອນຫຼວງພ້ອມດ້ວຍຄະນະບໍລິຫານງານສະຫະພັນ ກີລາດັ່ງກ່າວ, ອຳນາດການປົກ ຄອງບ້ານ, ຄູຝຶກ ແລະນັກກີລາ, ກຳມະການຕັດສິນຕະຫຼອດຮອດກອງເຊຍຂອງທຸກພາກສ່ວນເຂົ້າຮ່ວມ.

ລາຍການດັ່ງກ່າວຈັດຂຶ້ນລະ ຫວ່າງວັນທີ 21-22 ທັນວາຜ່ານມາ ໂດຍມີບັນດາພາກສ່ວນເຂົ້າ ຮ່ວມເກືອບ 50 ທີມ ແຂ່ງຂັນເສຍ 2 ຄັ້ງຕົກຮອບເລີຍຜ່ານການແຂ່ງຂັນໃນນັດຊີງຊະນະເລີດຜົນປະກົດວ່າ:ເຈົ້າຖິ່ນສະໂມສອນ ໂຕ້ ເປຕັງບ້ານດອນຝ້າຍ ສາມາດໄລ່ເອົາຊະນະນັກກີລາຈາກສະໂມສອນນໍ້າດື່ມໂອລານ ໄປແບບສຸດມ່ວນ 11-6 ຄະແນນ ຄອງແຊັມລາຍ ການດັ່ງກ່າວພ້ອມເງິນສົດ 5 ລ້ານກີບໄປຄອງສ່ວນທີມນໍ້າດື່ມໂອລານໄດ້ພຽງອັນດັບທີ 2 ໄດ້ຮັບ ຂັນ ແລະເງິນສົດ 2 ລ້ານກີບ, ທີ 3 ທີມບໍລິວັດບີເອັດ ກໍ່ສ້າງໄດ້ຮັບຂັນ ແລະເງິນສົດ 1 ລ້ານກີບ ແລະທີ 4 ສະໂມສອນ ໂຕ້ ເປຕັງ ດອນຝ້າຍ 2 ໄດ້ຮັບລາງວັນຊົມເຊີຍຈຳນວນ ໜຶ່ງ.

ລາຍການນີ້ຈັດຂຶ້ນກໍເພື່ອເປັນການຄັດເລືອກນັກກີລາເປຕັງກຽມຕາງໜ້າທັບນັກກີລານະຄອນຫຼວງ ວຽງຈັນ ສົ່ງເຂົ້າຮ່ວມລ່າຫຼຽນຄຳໃນງານມະຫາກຳກີລາແຫ່ງຊາດ ຄັ້ງທີ Xl ຫຼື ຊຽງຂວາງ ເກມ ທີ່ ແຂວງຊຽງຂວາງ ຮັບກຽດເປັນ ເຈົ້າພາບລະຫວ່າງວັນທີ 22 ມີ ນາ ຫາ 1 ເມສາ 2020 ພ້ອມທັງ ເປັນການສ້າງຂະບວນການຊົມ ເຊີຍວັນສຳຄັນຕ່າງໆ ຂອງຊາດກໍ ຄືວັນຊາດທີ 2 ທັນວາ ຄົບຮອບ 44 ປີ ລະຫວ່າງວັນທີ 2 ທັນວາ 1975 ຫາ 2 ທັນວາ 2019 ແລະ ວັນຄ້າຍວັນເກີດຂອງທ່ານປະທານ ໄກສອນ ພົມວິຫານ ຄົບຮອບ 99 ປີ ໃຫ້ມີສີສັນຢ່າງຟົດຟື້ນ.

--------

ໂດຍ: ບຸນນິກ

แชร์