ນໍ້າເຕົ້າຮູ້ຊົງເຄື່ອງ By ຕຸ້ຍໃຈດີ ເນັ້ນຄວາມສະອາດບໍລິການລູກຄ້າ

  ນໍ້າເຕົ້າຮູ້ຊົງເຄື່ອງ By ຕຸ້ຍໃຈດີເປັນຜະລິດຕະພັນເຄື່ອງດື່ມຊະນິດໜຶ່ງທີ່ທຳການຜະລິດຈາກສີມືຂອງຄົນລາວເພື່ອຕອບສະໜອງຕະຫຼາດຈຳໜ່າຍບໍລິການລູກຄ້າຫຼາຍແຫ່ງໃນນະຄອນຫຼວງວຽງຈັນໂດຍເນັ້ນເອົາການຜະລິດມີຄຸນນະພາບ, ສະອາດປອດໄພໃນດ້ານການຈຳໜ່າຍອອກສູ່ສັງຄົມ.

  ທ່ານນາງ ສີວິໄລ ໄຊໂຍທາ ເຈົ້າຂອງຮ້ານນໍ້າເຕົ້າຮູ້ຊົງເຄື່ອງ By ຕຸ້ຍໃຈດີໃຫ້ສຳພາດວ່າ: ເມື່ອກ່ອນຕົນເອງເປັນຄົນມັກຈະມີບັນຫາທາງດ້ານສຸຂະພາບ ແລະມັກຊື້ນໍ້າເຕົ້າຮູ້ມາກິນເພື່ອບຳລຸງສຸຂະພາບຮ່າງກາຍເຫັນວ່າໄດ້ຮັບຜົນດີເລີຍເກີດມີແຮງບັນດານໃຈຢາກມີກິດຈະການເປັນຂອງຕົວເອງຈົນໄດ້ຕັດສິນໃຈເຮັດການຜະລິດນໍ້າ ເຕົ້າຮູ້ຊົງເຄື່ອງ By ຕຸ້ຍໃຈດີນີ້ເປັນທຸລະກິດລ້ຽງຊີບຄອບຄົວສຳລັບຜະລິດຕະພັນນໍ້າເຕົ້າຮູ້ຂອງເຮົາກ່ອນຜະລິດຈະເລືອກເອົາວັດຖຸດິບສະອາດຍັງໃໝ່ເຂົ້າປຸງແຕ່ງໃສ່ກັບທັນຍາພືດສາມຕົວຫຼັກຄື: ເຂົ້າບຼາເລ, ງາດຳ ແລະ ຖົ່ວເຫຼືອງ, ຖົ່ວຂຽວເພື່ອເພີ່ມສານອາຫານໃຫ້ການບຳລຸງຮ່າງກາຍມີຄວາມໜາແໜ້ນຂຶ້ນ ແລະຊ່ວຍເພີ່ມປະລິມານວິຕາມິນຫຼາຍຂຶ້ນສ່ວນລາຄາແມ່ນຂາຍຖົງ 5 ພັນກີບ ໃນນີ້ແມ່ນໄດ້ມີລູກຄ້າສ່ວນໃຫຍ່ທີ່ໃຊ້ບໍລິການແມ່ນຢູ່ໃນນະຄອນຫຼວງວຽງຈັນໂດຍສະເພາະອອກງານດອງ, ງານສ້າງສັນ ແລະກິດຈະກຳເທສະການເຮັດບຸນເຮືອນຕ່າງໆ.

ນອກຈາກເນັ້ນຄຸນນະພາບມາດຕະຖານທີ່ດີແລ້ວພວກເຮົາຍັງບໍລິການຮັກສາສຳພັນທະມິດຕໍ່ລູກຄ້າ,ມີຄວາມຮັບຜິດຊອບຕໍ່ສັງຄົມ ແລະສ້າງໂປຣໂມຊັນສ່ວນຫຼຸດເລື້ອຍໆເພື່ອສືບຕໍ່ຂະຫຍາຍຕະຫຼາດໃຫ້ກ້າວໜ້າໃນການຈຳໜ່າຍຜະລິດຕະພັນໄດ້ຢ່າງສະດວກສະບາຍຊຶ່ງມັນບໍ່ພຽງຊ່ວຍໃຫ້ທຸລະກິດເຮົາດຳເນີນໄປໄດ້ແຕ່ຍັງໄດ້ຊ່ວຍສົ່ງເສີມການຄ້າທີ່ທຳການຜະລິດຈາກສີມືຂອງຄົນລາວມາສ້າງທຸລະກິດພັດທະນາປະເທດອີກດ້ວຍໃນອະນາຄົດຈະຜະລິດເພີ່ມປຸງແຕ່ງລົດຊາດໃໝ່.

  ສຳລັບທ່ານໃດທີ່ມັກດື່ມນໍ້າເຕົ້າຮູ້ບໍ່ຫວານຫຼາຍທີ່ສະອາດປອດໄພ ແລະບັນດາທ່ານທີ່ກຳລັງຈັດງານບຸນ, ງານດອງທີ່ຢາກໄດ້ນໍ້າເຕົ້າຮູ້ຫອມແຊບໆ ຫຼືຢາກເປັນຕົວ ແທນຈຳໜ່າຍກໍ່ສາມາດມາໃຫ້ຄຳປຶກກັບສາກັບນໍ້າເຕົ້າຮູ້ຊົງເຄື່ອງ By ຕຸ້ຍໃຈດີໄດ້ສະຖານທີ່ຕັ້ງຢູ່ບ້ານຈອມມະນີ ເມືອງໄຊທານີ ນະຄອນຫຼວງວຽງຈັນເຟສ໌ບຸກ: ນໍ້າ ເຕົ້າຮູ້ຊົງເຄື່ອງ By ຕຸ້ຍ ໃຈດີໂທລະສັບ: 020 5819 7509 ຫຼື 020 28180685.

-------------------

ຂຽນໂດຍ: ແພງຕາ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์