ທຫລ-ສຂ ປະກອບສ່ວນຮັກສາສະຖຽນລະພາບເງິນຕາຢູ່ພາກກາງ

   ທະນາຄານແຫ່ງ ສປປ ລາວ ພາກກາງ ແຂວງສະຫວັນນະເຂດ (ທຫລ-ສຂ) ແມ່ນໜຶ່ງໃນກົງຈັກ ການຈັດຕັ້ງຂອງ ທຫລ ທີ່ມີພາລະບົດບາດເປັນເສນາ ທິການໃຫ້ແກ່ຄະນະຜູ້ວ່າການ ທຫລ ໃນການຄຸ້ມຄອງມະຫາພາກທາງດ້ານການ ເງິນ-ເງິນຕາ ແລະສິນເຊື່ອໃນຂອບເຂດ 3 ແຂວງພາກກາງຄື: ສະຫວັນນະເຂດ, ຄໍາມ່ວນ ແລະບໍລິຄໍາໄຊ ພ້ອມທັງເປັນທີ່ປຶກສາ, ປະສານງານທາງດ້ານການເງິນ-ເງິນຕາ, ສິນເຊື່ອໃຫ້ແກ່ຄະນະພັກ ແລະ ອໍານາດການປົກຄອງທ້ອງ ຖິ່ນດັ່ງກ່າວເພື່ອຈັດຕັ້ງປະຕິບັດໜ້າທີ່ສົ່ງເສີມ ແລະປົກປັກຮັກສາສະຖຽນ ລະພາບຂອງເງິນກີບ, ຍົກສູງປະສິດທິພາບກົນໄກຊໍາລະໜີ້ ແລະຖານະການຊໍາລະໜີ້ຂອງສາຂາທະນາຄານທຸລະກິດ ແລະສະຖາບັນການເງິນໃນທ້ອງຖິ່ນທີ່ຕົນຮັບຜິດຊອບຕາມນະໂຍບາຍ ແລະ ອໍານວຍຄວບຄຸມວຽກງານເງິນຕາທີ່ ທຫລ ວາງອອກເພື່ອຮັບໃຊ້ແຜນພັດທະນາເສດຖະກິດ-ສັງຄົມຂອງທ້ອງຖິ່ນໃຫ້ຂະຫຍາຍຕົວ.

   ທ່ານ ວົງພະຈັນ ແສງສຸວັນ ວ່າການຫົວໜ້າສາຂາ ທຫລ-ສຂ ໄດ້ຢືນຢັນວ່າ: ໃນປີ 2018 ຜ່ານມານີ້ໄດ້ຄຸ້ມຄອງມະຫາພາກດ້ານເງິນຕາ, ເງິນຕາຕ່າງປະເທດ ແລະ ສົ່ງເສີມການນໍາໃຊ້ເງິນກີບຕາມລະບຽບກົດໝາຍເພື່ອສ້າງເງື່ອນໄຂ ແລະ ຄວາມສາມາດໃນການເຮັດໜ້າທີ່ຄຸ້ມຄອງມະຫາພາກດ້ານເງິນຕາ ໂດຍສະເພາະໄດ້ເຜີຍແຜ່ບັນດານິຕິກຳດັ່ງກ່າວດ້ວຍຫຼາຍຮູບການໂດຍຜ່ານສື່ຕ່າງໆໃນ 3 ແຂວງພາກກາງ ແລະລົງເຜີຍແຜ່ກົດໝາຍວ່າດ້ວຍການຄຸ້ມຄອງ ເງິນຕາຕ່າງປະເທດຢູ່ຂັ້ນທ້ອງຖິ່ນຫຼາຍຄັ້ງ, ຈັດຕັ້ງປະຕິບັດການຕິດລາຄາສິນຄ້າ, ບໍລິການ ແລະການຊຳລະເປັນເງິນກີບຢ່າງກວ້າງຂວາງ ແລະຮ້ານແລກ ປ່ຽນເງິນຕາໄດ້ຊຸກຍູ້ ແລະເປີດກວ້າງໃຫ້ຫົວໜ່ວຍທຸລະກິດດໍາເນີນທຸລະກໍາ ແລກປ່ຽນເງິນຕາ. ປະຈຸບັນມີຮ້ານແລກປ່ຽນເງິນຕາ 41 ຮ້ານຄື: ສະຫວັນນະເຂດ 27 ຮ້ານ, ຄໍາມ່ວນ 5 ຮ້ານ ແລະບໍລິຄໍາໄຊ 9 ຮ້ານ; ນອກນີ້, ຍັງຢັ້ງຢືນການນໍາເຂົ້າທຶນຢູ່ສາຂາ ທຫລ-ສຂ ຂອງ 46 ບໍລິສັດຄື: ສະຫວັນນະເຂດ 42 ບໍລິສັດ ແລະຄຳມ່ວນ 4 ບໍລິສັດ; ສືບຕໍ່ຄຸ້ມຄອງ-ກວດກາບັນດາສາຂາທະນາຄານທຸລະກິດ ແລະໜ່ວຍບໍລິການໃນຂອບເຂດ 3 ແຂວງ ພາກກາງຊຶ່ງມີສາຂາທະນາຄານທຸລະກິດ 24 ສາຂາ, ມີໜ່ວຍບໍລິການ 106 ໜ່ວຍ (ລວມທັງ 25 ໜ່ວຍບໍລິການ, 1 ຮ້ານແລກປ່ຽນທີ່ບໍ່ມີສາຂາຕັ້ງຢູ່); ໜ່ວຍແລກ ປ່ຽນ 13 ໜ່ວຍ; ຕູ້ຝາກເງິນ 2 ຕູ້ ແລະ ຕູ້ກົດເງິນສົດ ATMs 172 ຕູ້.

  ມາຮອດທ້າຍເດືອນ 11/2018 ສາຂາທະນາຄານທຸລະກິດ 22 ສາຂາ (ບໍ່ລວມເອົາຊັບສິນຂອງສາຂາທະນາຄານນະໂຍບາຍ ແລະ 22 ໜ່ວຍບໍລິການທີ່ບໍ່ ມີສາຂາຕັ້ງຢູ່) ມີຍອດເຫຼືອຊັບສິນທັງໝົດທຽບເທົ່າ 9.456 ຕື້ກີບ ເພີ່ມຂຶ້ນ 6,56% ທຽບໃສ່ທ້າຍປີ 2017, ໃນນີ້ ມີຊັບສິນທີ່ກໍ່ໃຫ້ເກີດລາຍໄດ້ ຫຼື (ຍອ ດເຫຼືອສິນເຊື່ອສຸດທິ) ທັງໝົດທຽບເທົ່າ 2.914 ຕື້ກີບ ກວມເອົາ 30,82% ຂອງຍອດເຫຼືອຊັບສິນທັງໝົດ ແລະຫຼຸດລົງ 9,96% ທຽບໃສ່ທ້າຍປີ 20 17; ມາຮອດທ້າຍເດືອນພະຈິກ 2018 ທົ່ວລະບົບສາຂາທະນາຄານທຸລະກິດມີແຫຼ່ງທຶນເພີ່ມຂຶ້ນ 2,89% ທຽບໃສ່ທ້າຍປີ 2017; ໃນນັ້ນ, ເງິນຝາກຂອ ງລູກຄ້າກວມເອົາ 93,50%, ເງິນຝາກອື່ນໆກວມເອົາ 4,43% ແລະສ່ວນເຫຼືອແມ່ນເງິນກູ້ຢືມ ແລະ ເງິນຝາກທະວີໂຊກ 2,07%; ສ່ວນທະນາຄານນະໂຍບາຍໄດ້ເຄື່ອນໄຫວຢູ່ສະຫວັນນະເຂດ ແລະ ແຂວງຄໍາມ່ວນ; ຮອດທ້າຍເດືອນ 11/2018 ມີຍອດເຫຼືອສິນເຊື່ອທັງໝົດທຽບເທົ່າກີບ 278,45 ຕື້ກີບ ຫຼຸດລົງ 4,09% ທຽບໃສ່ທ້າຍປີ 2017.

  ປະຈຸບັນສະຖາບັນການເງິນໃນ 3 ແຂວງພາກກາງມີ 19 ແຫ່ງໃນນີ້ມີໃບອະນຸຍາດທົດລອງ 1 ແຫ່ງ, 4 ສາຂາ ແລະ 8 ໜ່ວຍບໍ ລິການປະກອບມີສະຖາ ບັນການເງິນຈຸລະພາກທີ່ຮັບເງິນຝາກ “ສກຈຮ” 1 ແຫ່ງ, ສະຖາບັນການ ເງິນຈຸລະພາກທີ່ບໍ່ຮັບເງິນຝາກ “ສກຈບ” 7 ແຫ່ງ, ສະຫະກອນສິນເຊື່ອ ແລະເງິນຝາກປະຢັດ “ສສງ” 5 ແຫ່ງ ໃນນັ້ນມີທົດລອງ 1 ແຫ່ງ, ໂຮງຊວດຈຳ “ຮຊຈ” 5 ແຫ່ງ ແລະບໍລິສັດເຊົ່າສິນເຊື່ອ “ບຊຊ” 1 ແຫ່ງ. ໃນນັ້ນແຂວງສະ ຫວັນນະເຂດມີ 10 ແຫ່ງ, 4 ສາຂາ ແລະ 3 ໜ່ວຍບໍລິການ; ແຂວງຄໍາມ່ວນມີ 6 ແຫ່ງໃນນີ້ມີທົດລອງ 1 ແຫ່ງ, 1 ສາຂາ ແລະ 3 ໜ່ວຍບໍລິການ; ແຂ ວງບໍລິຄໍາໄຊມີ 3 ແຫ່ງ, 1 ສາຂາ ແລະ 2 ໜ່ວຍບໍລິການ; ດ້ານຖານະການເງິນຮອດເດືອນ 11/2018 ທຽບໃສ່ເດືອນຜ່ານມາມີຄື: ທຶນທັງໝົດມີ 63 ,51 ຕື້ກີບ ເພີ່ມຂຶ້ນຈາກ 59,94 ຕື້ກີບ, ຊັບສິນທັງໝົດມີ 289,17 ຕື້ກີບ ຫຼຸດລົງຈາກ 434,13 ຕື້ກີບ, ໜີ້ສິນມີ 312,51 ຕື້ກີບ ຫຼຸດລົງຈາກ 37 4,48 ຕື້ກີບ, ຍອດເຫຼືອເງິນກູ້ມີ 430,80 ຕື້ ກີບ ເພີ່ມຂຶ້ນຈາກ 207,28 ຕື້ ກີບ, ເງິນກູ້ຊັກຊ້າມີ 3,81 ຕື້ກີບ ຫຼຸດລົງຈາກ 4,94 ຕື້ກີບ, ຍອດເງິນຝາກມີ 311,49 ຕື້ກີບ ເພີ່ມຂຶ້ນຈາກ 295,57 ຕື້ກີບ, ລາຍຮັບມີ 76,80 ຕື້ກີບ ເພີ່ມຂຶ້ນຈາກ 66,63 ຕື້ກີບ, ລາຍຈ່າຍມີ 66,17 ຕື້ກີບ ເພີ່ມຂຶ້ນຈາກ 57,24 ຕື້ກີບ ແລະກໍາໄລ 10,62 ຕື້ກີບ ເພີ່ມຂຶ້ນຈາກ 9,39 ຕື້ກີບ.

ຜ່ານການວິເຄາະຂໍ້ມູນບົດລາຍງານຖານະການເງິນຮອດເດືອນ 11/2018 ອີງຕາມຜົນການປະເມີນຈາກການປະຕິບັດອັດຕາສ່ວນຄວາມໝັ້ນຄົງທາງກາ ນເງິນຂອງສະຖາບັນການເງິນ 15 ແຫ່ງໂດຍລວມເຫັນວ່າການດໍາເນີນງານຈັດຢູ່ໃນລະດັບ (ດີ) ມີ 9 ແຫ່ງ, ລະດັບ (ກາງ)ມີ 4 ແຫ່ງ ແລະລະດັບ (ອ່ອນ) ມີ 2 ແຫ່ງ.

  ທ່ານວ່າການຫົວໜ້າສາຂາ ທຫລ-ສຂ ໄດ້ນຳສະເໜີແຜນການໃນປີຕໍ່ໜ້ານີ້ຍັງຈະສືບຕໍ່ຈັດຕັ້ງປະຕິບັດນະໂຍບາຍເງິນຕາເພື່ອຮັກສາສະຖຽນລະພາບເງິນ ຕາໃຫ້ມີຄວາມໝັ້ນທ່ຽງ; ສືບຕໍ່ຄຸ້ມຄອງທະນາຄານທຸລະກິດ ແລະ ສະຖາບັນການເງິນໃຫ້ມີປະສິດທິຜົນຮັບປະກັນເຮັດໃຫ້ການເຄື່ອນໄຫວວຽກງານຂອງລະບົ ບທະນາຄານ-ສະຖາບັນການເງິນໃຫ້ມີຄວາມຄ່ອງຕົວເຂັ້ມແຂງ ແລະມີປະສິດທິພາບສູງ; ສືບຕໍ່ຕິດຕາມ-ກວດກາການຈັດຕັ້ງປະຕິບັດແຜນທຸລະກິດທະນາ ຄານ, ປະສານສົມທົບກັບອຳນາດການປົກຄອງຂັ້ນຕ່າງໆໃນການລະດົມທຶນດ້ວຍຫຼາຍຮູບການເພື່ອສະໜອງສິນເຊື່ອໃຫ້ສອດຄ່ອງຕາມແຜນພັດທະນາເສດ ຖະກິດ-ສັງຄົມຂອງທ້ອງຖິ່ນ; ສືບຕໍ່ຄຸ້ມຄອງ, ພັດທະນາເພື່ອຍົກລະດັບກອງທຶນພັດທະນາບ້ານໃຫ້ເຂັ້ມ ແຂງ, ຂະຫຍາຍສະຫະກອນສິນເຊື່ອໃຫ້ກວ້າງຂວາງ ແລະຫັນເຂົ້າສູ່ລະບຽບການຄຸ້ມຄອງຂອງທະນາຄານເທື່ອລະກ້າວ; ສູ້ຊົນເຮັດໃຫ້ລວມຍອດເງິນຝາກ ແລະຍອດສິນເຊື່ອຢູ່ໃນ 3 ແຂວງພາກກາງກວມອັດ ຕາສ່ວນ GDP  ໃນແຕ່ລະແຂວງຕາມກໍານົດທີ່ທາງ ສາຂາ ທຫລ-ສຂ ວາງອອກ ແລະຄວບຄຸມໜີ້ເກີນກຳນົດບໍ່ໃຫ້ເກີນ 3% ຂອງຍອດສິນເຊື່ອທັງໝົດຕາມຄາດໝາຍແຜນນະໂຍບາຍທີ່ກຳນົດໄວ້ ແລະເອົາໃຈໃສ່ເກັບຄືນໜີ້ທວງຍາກ (ໜີ້ນອກຜັງ) ໃຫ້ໄດ້ຢ່າງໜ້ອຍ 30% ຂອງຍອດສິນ ເຊື່ອທັງໝົດ.

แชร์