ຖວທ ໄຊຍະ ແລະສູນອະນຸລັກຊ້າງ ມອບເຄື່ອງໃຫ້ບ້ານກ້ອງທ່ຽງ

  ພະແນກຖະແຫຼງຂ່າວວັດທະນະທໍາ ແລະທ່ອງທ່ຽວ ແຂວງໄຊຍະບູລີ ແລະ ສູນອະນຸລັກຊ້າງລາວໄດ້ນໍາເອົາເຄື່ອງນຸ່ງຫົ່ມ ແລະເງິນຈໍານວນໜຶ່ງມອບໃຫ້ພໍ່ແມ່ປະ ຊາຊົນບ້ານກ້ອງທ່ຽງ ເມືອງໄຊສະຖານ.

 ບ້ານກ້ອງທ່ຽງເປັນບ້ານໜຶ່ງທີ່ນອນໃນເຂດ 21 ບ້ານຂອງເມືອງໄຊສະຖານມີເນື້ອທີ່ທັງໝົດ 948,03 ເຮັກຕາ, ເນື້ອທີ່ສ່ວນໃຫຍ່ເປັນເຂດພູດອຍກວມເອົາ 95%, ມີ 5 ໜ່ວຍງານ, ມີ 17 ຈຸງານ, ມີ 7 ໜ່ວຍຄຸ້ມຄອງພົນລະເມືອງມີ 89 ຄອບຄົວ, ມີ 85 ຫຼັງຄາເຮືອນ, ພົນລະເມືອງທັງໝົດ 456 ຄົນ, ຍິງ 235 ຄົນ ສ່ວນຫຼາຍ ເປັນເຜົ່າໄປຼ່ ກວມ 95% ອາຊີບຕົ້ນຕໍແມ່ນເຮັດໄຮ່, ປູກເຂົ້າ, ປູກພືດກະສິກໍາ ແລະລ້ຽງສັດໃນທົ່ວບ້ານຍັງມີຄອບຄົວທຸກຍາກ 8 ຄອບຄົວ, ເຄື່ອງທີ່ນໍາມາມອບໃນຄັ້ງນີ້ປະກອບມີເຄື່ອງນຸ່ງຫົ່ມປະເພດເສື້ອກັນໜາວໂສ້ງ, ສິ້ນ ແລະ ເງິນສົດ 3 ລ້ານກີບເພື່ອມອບໃຫ້ປະຊາຊົນໃນບ້ານດັ່ງກ່າວ; ສ່ວນເງິນແມ່ນຈະໄດ້ນໍາໃຊ້ຊື້ອຸປະ ກອນກໍ່ສ້າງ, ຫ້ອງນໍ້າໂຮງຮຽນປະຖົມບ້ານກ້ອງທ່ຽງຍ້ອນວ່າຫ້ອງນໍ້າໃນໂຮງຮຽນຍັງບໍ່ທັນຖາວອນ.

  ໃຫ້ກຽດມອບເຄື່ອງດັ່ງກ່າວໂດຍ ທ່ານ ຈັນທີ ສີມະນີຈັນ ຫົວໜ້າພະແນກ ຖວທ ແຂວງ, ກ່າວຮັບທ່ານຖືນາຍບ້ານໆກ້ອງທ່ຽງໂດຍເປັນສັກຂີພິຍານຂອງ ທ່ານ ສີສະໝອນ ນາມວົງ ຮອງເຈົ້າເມືອງໄຊສະຖານພ້ອມດ້ວຍພະນັກງານພະແນກ ຖວທ ແຂວງ ແລະ ພໍ່ແມ່ປະຊາຊົນພາຍໃນບ້ານເຂົ້າຮ່ວມ.

------------------

ຂຽນໂດຍ: ບຸນທີ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์