ຣັດເຊຍຫ້າມຂາຍສະມາດໂຟນຄອມພິວເຕີ ບໍ່ຕິດຕັ້ງຊອຟແວຣ

 ປະທານາທິບໍດີ Vladimir Putin  ຂອງຣັດເຊຍໄດ້ລົງນາມ ໃນກົດໝາຍທີ່ກຳນົດໃຫ້ສະມາດ ໂຟນ, ຄອມພິວເຕີ ແລະສະມາດ ທີວີທັງໝົດທີ່ຈະວາງຂາຍໃນຣັດ ເຊຍຕ້ອງຕິດຕັ້ງຊອຟແວຣຣັດເຊຍ ມາພ້ອມກັບຕົວເຄື່ອງ ຫຼື ທີ່ເອີ້ນວ່າ Pre-installed ຊຶ່ງຈະມີຜົນ ໃນວັນທີ 1 ກໍລະກົດ 2020 ເພື່ອ ໃນລະຫວ່າງນີ້ລັດຖະບານຈະໃຊ້ເວລາຈັດກຽມແອັບທັງຫຼາຍໃຫ້ ພ້ອມ ແລະບໍລິສັດທີ່ລະເມີດຈະຖືກປັບໃໝເປັນເງິນປະມານ 3.100 ໂດລາສະຫະລັດ.

ເນື່ອງຈາກບໍລິສັດເຕັກໂນໂລຊີຂະໜາດໃຫຍ່ໄດ້ເຂົ້າມາມີອິດທິ ພົນໃນຣັດເຊຍເຊັ່ນ: Apple ຂອງອາເມລິກາ,Samsung ຈາກ ສ.ເກົາຫຼີແລະ Huawei ຈາກ ສປ ຈີນດັ່ງນັ້ນລັດຖະບານຈຶ່ງນຳສະເໜີກົດໝາຍນີ້ເພື່ອຕ້ອງການ ຊ່ວຍໃຫ້ບໍລິສັດໄອທີຂອງຣັດເຊຍສາມາດແຂ່ງຂັນກັບບໍລິສັດເຕັກ ໂນໂລຊີຂະໜາດໃຫຍ່ໄດ້ນອກຈາກນີ້ຍັງຊ່ວຍໃຫ້ຜູ້ໃຊ້ໂດຍສະເພາະຜູ້ສູງອາຍຸບໍ່ຕ້ອງຫຍຸ້ງຍາກໃນການດາວໂຫຼດຕິດຕັ້ງແອັບ ເພາະຈະຕິດຕັ້ງມາພ້ອມອຸປະກອນນັ້ນເອງ.

ກົດໝາຍນີ້ຖືກວິພາກວິຈານ ຈາກຜູ້ຄ້າຍ່ອຍອຸປະກອນອິເລັກ ໂຕຣນິກ ໂດຍກ່າວວ່າລັດຖະບານ ບໍ່ໄດ້ປຶກສາກັບຜູ້ປະກອບການກ່ອນທີ່ສຳຄັນມີຄວາມກັງວົນວ່າຈະເປັນການກົດດັນ Apple ອອກ ສູ່ນອກປະເທດ ເພາະການຕິດຕັ້ງ ແອັບທີ່ບໍ່ແມ່ນຄູ່ຄ້າ ຫຼື Third-party ຊຶ່ງບໍ່ຕ່າງກັບການ Jail break ແລະສ່ຽງຕໍ່ການຄຸກຄາມ ຄວາມປອດໄພ.

ສະຫຼຸບງ່າຍໆວ່າບໍລິສັດຈະຖືກ ຟ້ອງຮ້ອງສະເໝີເມື່ອແອັບ Third-party  ລະເມີດຂໍ້ມູນ ຫຼື ສ້າງຄວາມເສຍຫາຍຕໍ່ຜູ້ໃຊ້ ຊຶ່ງອາດເປັນເຫດຜົນທີ່ Apple ຈະບໍ່ທົນກັບເລື່ອງນີ້.

----------------------

ພາບ ແລະຂ່າວຈາກ:ໜັງສືພິມເສດຖະກິດ-ສັງຄົມ

แชร์