ເຊກອງ-ກວາງນາມ ແລກປ່ຽນບົດຮຽນດ້ານວັດທະນະທຳ ທ່ອງທ່ຽວ ແລະກີລາ

  ກອງປະຊຸມແລກປ່ຽນບົດຮຽນດ້ານວຽກງານວັດທະນະທຳ, ທ່ອງທ່ຽວ ແລະກີລາລະຫວ່າງຄະນະນໍາພະແນກຖະແຫຼ່ງຂ່າວ, ວັດທະນະທຳ ແລະທ່ອງທ່ຽວ (ຖວທ) ແຂວງເຊກອງ ສປປ ລາວ ກັບຄະນະນໍາພະແນກວັດທະນະທຳ-ກີລາ ແລະທ່ອງທ່ຽວແຂວງກວາງນາມ ສສ ຫວຽດນາມ ໄດ້ມີຂຶ້ນທີ່ພະແນກ ຖວທ ແຂວງເຊກອງ ໃນວັນທີ 19 ທັນວາ 2019.

  ທ່ານ ບູ່ໄຊ ໄຊຍະເສນ ຫົວໜ້າພະແນກ ຖວທ ແຂວງເຊກອງ ແລະທ່ານ ຕ່າວຫວຽດຮ່າຍ ຮອງຫົວໜ້າພະແນກວັດທະນະທຳ, ທ່ອງທ່ຽວ ແລະກີລາ ແຂວງກວາງນາມກໍໄດ້ຜັດປ່ຽນກັນລາຍງານສະພາບການພັດທະນາວຽກງານວັດທະນະທຳ, ວຽກງານທ່ອງທ່ຽວ ແລະ ກີລາພາຍໃນແຂວງຂອງຕົນໃຫ້ຮັບຊາບ; ຈາກນັ້ນ, ກໍໄດ້ມີການສົນທະນາການແລກປ່ຽນບົດຮຽນດ້ານວຽກງານການເສີມຂະຫຍາຍຄຸນຄ່າມໍລະດົກວັດທະນະທຳ, ການໂຄສະນາ ແລະ ພັດທະນາແຫຼ່ງທ່ອງທ່ຽວ, ການເຄື່ອນ ໄຫວວຽກງານກີລາກາຍຍະກຳເພື່ອໃຫ້ມີການພັດທະນາດີຂຶ້ນກວ່າເກົ່າ.

--------

  ການແລກປ່ຽນບົດຮຽນຄັ້ງນີ້ເປັນຄັ້ງທຳອິດ ແລະເປັນຂີດໝາຍວ່າການຮ່ວມມືລະຫວ່າງພະແນກຖະແຫຼ່ງຂ່າວ, ວັດທະນະທຳ ແລະທ່ອງທ່ຽວແຂວງເຊກອງກັບພະ ແນກວັດທະນະທຳ-ກີລາ ແລະທ່ອງທ່ຽວ ແຂວງກວາງນາມ ສສ ຫວຽດນາມ ຈະສືບຕໍ່ພົວພັນຮ່ວມມືນໍາກັນອີກໃນຕໍ່ໜ້າ.

__________

ຂຽນໂດຍ: ພຸດທະສອນ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

• 23/12/2019