5 ປີ ເມືອງຫົງສາ ສ້າງບ້ານວັດທະນະທໍາໄດ້ 11 ບ້ານ

  ໃນໄລຍະ 5 ປີ ຜ່ານມານີ້, ຄື: ແຕ່ປີ 2015-2019, ຫ້ອງານ (ຖວທ) ຖະແຫຼງຂ່າວວັດທະນະທຳ ແລະທ່ອງທ່ຽວເມືອງຫົງສາ ແຂວງໄຊຍະບູລີ ສາມາດສ້າງບ້ານວັດທະນະທຳໄດ້ 11 ບ້ານ ແລະສ້າງຄອບຄົວວັດທະນະທໍາໄດ້ 716 ຄອບຄົວ, ຊຶ່ງມາຮອດປະຈຸບັນ, ໃນທົ່ວເມືອງມີບ້ານວັດທະນະທຳທັງໝົດ 31 ບ້ານ ກວມ 93,93% ແລະຄອບຄົວວັດທະນະທຳ 5.227 ຄອບຄົວ ກວມ 93,82%.

  ທ່ານນາງ ແສງຊ້ອຍ ກອງສີ ຮອງໜ່ວຍງານວັດທະນະທຳຫ້ອງການ ຖວທ ເມືອງຫົງສາ ໃຫ້ຮູ້ວ່າ:ວຽກງານການສ້າງຄົນ, ສ້າງຄອບຄົວ, ສ້າງບ້ານແມ່ນອີງໃສ່ 5 ມາດຖານເງື່ອນໄຂຂອງຄອບຄົວວັດທະນະທຳເຊັ່ນ: ຕ້ອງມີເຮືອນຢູ່ເປັນຂອງຕົນເອງແຕ່ເຄິ່ງຖາວອນຂຶ້ນໄປ,ມີອາຊີບໝັ້ນທ່ຽງຖືກຕ້ອງຕາມກົດໝາຍ ແລະກຸ້ມກິນຕ້ອງເປັນຄອບຄົວສາມັກຄີຖືກຕ້ອງປອງດອງກັນສະເໝີພາບ ແລະ ບໍ່ສ້າງຄວາມຫຍຸ້ງຍາກໃຫ້ແກ່ອຳນາດການປົກຄອງ, ຕ້ອງເອົາໃຈໃສ່ລ້ຽງລູກຖືກຫຼັກອານາໄມອົບຮົມສັ່ງ ສອນລູກເປັນຄົນມີຄວາມກະຕັນຍູຕໍ່ຜູ້ທີ່ມີບຸນຄຸນ ແລະສົ່ງເສີມລູກໃຫ້ໄດ້ສຶກສາຮໍ່າຮຽນ, ຕ້ອງເປັນຄອບຄົວທີ່ດຳລົງຊີວິດປອດໃສຂາວສະອາດບໍ່ເຊື່ອຖືງົມງວາຍ, ຮັກສາວັດທະນະທຳຮີດຄອງປະເພນີອັນດີງາມຂອງຊາດ ແລະນັບຖືລະບຽບກົດໝາຍ, ຕ້ອງເປັນຄອບຄົວທີ່ມີຄວາມສາມັກຄີຄືຊ່ວຍເຫຼືອເພື່ອແຜ່ເຊິ່ງກັນ ແລະກັນພາຍໃນບ້ານປະກອບສ່ວນສາລະນະປະໂຫຍດຂອງບ້ານຂອງເມືອງ.

 ຜ່ານການຈັດຕັ້ງປະຕິບັດສ້າງຄອບຄົວ ແລະບ້ານວັດທະນະທຳໃນໄລຍະ 5 ປີ ຜ່ານມາເຫັນໄດ້ວ່າທົ່ວເມືອງສາມາດສ້າງບ້ານວັດທະນະທຳໄດ້ 11 ບ້ານ ແລະສ້າງຄອບ ຄົວວັດທະນະທຳໄດ້ 716 ຄອບຄົວ, ຊຶ່ງມາຮອດປະຈຸບັນໃນທົ່ວເມືອງມີບ້ານວັດທະນະທໍາທັງ ໝົດ 31 ບ້ານ ກວມ 93,93%, ຄອບຄົວວັດທະນະທໍາ 5.227 ຄອບຄົວກວມ 93,82% ແລະ ພົນລະເມືອງທັງໝົດ 26.367 ຄົນ ຍິງ 13.009 ຄົນ.

  ສ່ວນທິດທາງແຜນການ 5 ປີ ຕໍ່ໜ້າຫ້ອງການ ຖວທ ເມືອງຫົງສາ ຈະສືບຕໍ່ສ້າງບ້ານວັດທະນະທຳໃຫ້ຈຳນວນ 2 ບ້ານ ແລະຄອບຄົວວັດທະນະທຳໃຫ້ໄດ້  403 ຄອບຄົວທີຍັງເຫຼືອໃຫ້ສຳເລັດ.

---------------

ໂດຍ: ກິດຕິສັກ ບົວໄລ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

ບໍລິການໂຄສະນາທາງເຟສບຸກ ແລະເວັບໄຊ

ໂທ: 021 313645, 316511

แชร์