ສຸດດາວອນ ຮອງອັນດັບ 2 ນາງສາວລາວ 2019

 ສຸດດາວອນ ປັດສາພັນ ຕົວແທນຈາກ ແຂວງຈໍາປາສັກ ໄດ້ຮັບຕໍາແໜ່ງຮອງອັນດັບ 2 ນາງ ສາວລາວ 2019 ຊຶ່ງໄດ້ຮັບມິດຕະພາບ ແລະເກັບກ່ຽວປະສົບການຫຼາຍຢ່າງຈາກເວທີລວມທັງ ໄດ້ຮູ້ຈັກການປັບຕົວເພື່ອພັດທະນາ ຄວາມຮູ້ຄວາມສາມາດເພີ່ມຂຶ້ນ ດ້ວຍ.

ນາງ ສຸດດາວອນ ປັດສາພັນ ຮອງອັນດັບ2 ນາງສາວລາວ 2019 ອາຍຸ 21 ປີ ຕົວແທນແຂວງ ຈໍາປາສັກ ໄດ້ສະແດງຄວາມຮູ້ສືກດີໃຈ ແລະບໍ່ຄິດມາກ່ອນວ່າຈະມາຮອດຈຸດນີ້ໄດ້ເລີ່ມນັບແຕ່ ມື້ເກັບຕົວສຸດດາວອນ ໄດ້ເກັບກ່ຽວ ປະສົບການໃນເວທີດັ່ງກ່າວຢ່າງຫຼວງຫຼາຍບໍ່ວ່າຈະເປັນການວາງ ຕົວ, ການຍ່າງ ຫຼື ການນັ່ງ ແລະ ນໍາມາພັດທະນາໃຫ້ດີຂຶ້ນນອກຈາກນີ້, ກໍຍັງໄດ້ໝູ່ເພື່ອນຈາກເວ ທີນີ້ທັງ 39 ຄົນ ຈາກທົ່ວປະເທດ ພ້ອມທັງໄດ້ມິດຕະພາບດີໆທີ່ມີຄວາມຮັກແພງເປັນຫ່ວງເຊິ່ງກັນ ແລະກັນ.

ການທີ່ນ້ອງໄດ້ຮັບຕຳແໜ່ງອັດມີກຽດນີ້ກໍຕ້ອງເປັນແບບຢ່າງໃຫ້ແກ່ນ້ອງໆເຍົາວະຊົນ ແລະ ຊາວໜຸ່ມໃນການເຜີຍແຜ່ວັດທະນະທຳໃຫ້ຊາວຕ່າງຊາດໄດ້ຮັບຮູ້ ແລະຈະເອົາປະສົບການທີ່ໄດ້ມາພັດທະນາຕົວເອງ ແລະນ້ອງຈະທັງຕັ້ງໃຈສຶກສາຮໍ່າຮຽນໃຫ້ເປັນ ຄົນມີຄວາມຮູ້,ຄວາມສາມາດລວມທັງການພັດທະນາ, ການຮຽນປັບບຸກຄະລິກ,ການຮຽນຮູ້ຄວາມ ງາມຈາກພາຍໃນສູ່ພາຍນອກ,ໃຫ້ເປັນຄົນດີໃນສັງຄົມ ແລະຮູ້ໜ້າທີ່ຮັບຜິດຊອບຂອງຕົນເອງ.

ໃນນາມທີ່ໄດ້ຮັບຕຳແໜ່ງຮອງ ອັນດັບ 2 ນາງສາວລາວ 2019 ຊຶ່ງເປັນທູດດ້ານວັດທະນະທຳສຸດ ດາວອນ ປັດສາພັນ ຈະເປັນແບບຍ່າງທີ່ດີໃນການຮັກສາຮິດຄອງ ປະເພນີລາວເຮົາ ແລະຮັກສາກຽດ ສັກສີຂອງແມ່ຍິງລາວເຮົາຢ່າງ ພາກພູມໃຈ, ຊຶ່ງບັນດາທ່ານສາມາດຕິດຕາມຂໍ້ມູນຂ່າວສານນ້ອງ ສຸດດາວອນ ໄດ້ທາງ Facebook ສ່ວນຕົວ: Jenny patsaphanh ແລະIG jensouda06.

--------------

ຮຽບຮຽງໂດຍ: ແພງຕາ

แชร์