ປ່າສະຫງວນພູແດນດິນ ແຫຼ່ງທ່ອງທ່ຽວ ທາງທໍາມະຊາດ

 ປ່າສະຫງວນພູແດນດິນ ຜົ້ງສາລີ ເປັນສະຖານທີ່ທ່ຽວທີ່ມີມົນສະເໜ່ທາງທຳມະຊາດທີ່ໜ້າສົນໃຈຊວນໃຫ້ໄປສຳຜັດກັບບັນຍາກາດແບບສົດໆ ແລະໜ້າຕື່ນ ເຕັ້ນ ຊຶ່ງເໝາະສົມທີ່ສຸດໃນການ ຍ່າງທ່ຽວຊົມທໍາມະຊາດອາກາດ ບໍລິສຸດຍິ່ງຍາມອາກາດແບບນີ້ຖ້າ ໄດ້ສໍາຜັດຄືຈະເຢັນສະບາຍຄາຍ ຄຽດໄດ້ເປັນຢ່າງດີຄວາມອຸດົມສົມ ບູນດ້ານທໍາມະຊາດ, ອາກາດທີ່ ແສນບໍລິສຸດຂອງປ່າສະຫງວນດັ່ງກ່າວໄດ້ສ້າງແຮງຈູງໃຈແກ່ບັນດານັກທ່ອງທ່ຽວທັງພາຍໃນແລະ ຕ່າງປະເທດໃຫ້ເດີນທາງມາທ່ຽວ ຊົມຢ່າງຫຼວງຫຼາຍໃນແຕ່ລະປີ, ນອກນັ້ນຍັງເປັນອີກສະຖານທີ່ ທ່ອງທ່ຽວໜຶ່ງທີ່ທ່ານບໍ່ຄວນພາດ ເມື່ອໄດ້ມາຢາມແຂວງຜົ້ງສາລີ ຕ້ອງມາທ່ຽວສະຖານທີ່ແຫ່ງນີ້ ໃຫ້ໄດ້.

  ເຂດປ່າສະຫງວນດັ່ງກ່າວໄດ້ເປັນປ່າທີ່ໄດ້ຮັບການຢ້ຽມຢາມ ຫຼາຍທີ່ສຸດເນື່ອງຈາກປ່າສະຫງວນ ພູແດນດິນໄດ້ກາຍເປັນປາຍທາງການທ່ອງທ່ຽວແບບອະນຸລັກສັດນໍ້າ,ສັດປ່າໃຫ້ດຳລົງຄົງຕົວ ແລະ ຂະຫຍາຍຕົວຕາມທຳມະຊາດແລະຊີວະນາໆພັນກໍຄືການທ່ອງ ທ່ຽວຍ່າງປ່າດົງເລິກທີ່ມີຄວາມ ຕື່ນເຕັ້ນ ແລະການພະຈົນໄພ ແລະ ປ່າສະຫງວນພູແດນດິນກຳລັງ ເປັນທີ່ນິຍົມຂອງຊາວລາວ ແລະ ຕ່າງປະເທດຫາກທ່ານໃດມັກການ ທ່ອງທ່ຽວແບບປະຈົນໄພແບບທຳມະຊາດ ໄດ້ເຫັນສັດແບບໃກ້ຊິດ ຕ້ອງມາທີ່ນີ້.

ສໍາລັບປ່າສະຫງວນພູແດນດິນ ຕັ້ງຢູ່ທາງທິດຕາເວັນອອກຂອງ ເມືອງຜົ້ງສາລີ ຊຶ່ງມີຊາຍແດນທິດ ຕາເວັນອອກຕິດກັບ ສສ ຫວຽດ ນາມ, ທິດໃຕ້ຕິດກັບເມືອງສຳພັນ, ທິດເໜືອຕິດກັບເມືອງຍອດອູ ຫ່າງ ຈາກເທສະບານແຂວງປະມານ 76 ກິໂລແມັດ.

 ---------------   

ພາບ: ຂ່າວ  ໂດຍ: ວົງມະນີ

• 20/12/2019