ລາວ-ຈີນ ຫາລືຮ່ວມມືດ້ານການສຶກສາ ໃນຕໍ່ໜ້າ

  ວັນທີ 16 ທັນວາຜ່ານມາ ທີ່ສໍານັກງານກະຊວງສຶກສາທິການ ແລະກີລາ, ທ່ານ ນາງ ດາລາ ວອນ ກິດຕິພັນ ຮັກສາການ ຫົວໜ້າຫ້ອງການກະຊວງສຶກສາທິການ ແລະກີລາໄດ້ໃຫ້ກຽດຕ້ອນ ຮັບການເຂົ້າຢ້ຽມພົບປະຂອງທ່ານ ໂຈຈິເຢ້ ຮອງປະທານຄະນະທີ່ປຶກ ສາການເມືອງແຂວງຈຽງຊູ ສປ ຈີນ ພ້ອມດ້ວຍຄະນະ, ມີຫົວໜ້າ-ຮອງຫົວໜ້າຫ້ອງການ, ກົມ ແລະຄະນະຮັບຜິດຊອບວຽກງານກ່ຽວຂ້ອງເຂົ້າຮ່ວມ.

ການພົບປະໃນຄັ້ງນີ້,ປຶກສາຫາລືກ່ຽວກັບການຮ່ວມມືດ້ານການສຶກສາໃນຕໍ່ໜ້າໂດຍສະເພາະແມ່ນຈະໃຫ້ທຶນການສຶກສາແກ່ນັກ ສຶກສາລາວທີ່ໄປສຶກສາທີ່ແຂວງ ຈຽງຊູ ແລະເນື່ອງໃນໂອກາດທີ່ ທາງຄະນະທີ່ປຶກສາການເມືອງ ແຂວງຈຽງຊູ ສປ ຈີນໄດ້ມາຢ້ຽມຢາມມະຫາວິທະຍາໄລ ຊູໂຈ ທີ່ ສປປ ລາວ, ໂດຍໄດ້ມີການລາຍ ງານກ່ຽວກັບສະພາບລວມຂອງ ແຂວງຈຽງຊູ ສປ ຈີນ ທີ່ມີພົນລະ ເມືອງ 80 ລ້ານກວ່າຄົນ, ມີນັກສຶກສາລາວ ຈໍານວນ 2.000 ກວ່າຄົນ ແລະໃນຕໍ່ໜ້າແຂວງຈຽງ ຊູ ຈະມີນະໂຍບາຍໃຫ້ທຶນແກ່ບັນ ດາປະເທດອາຊຽນ, ໃນນັ້ນມີ ສປປ ລາວ ອີກດ້ວຍ, ນອກນີ້, ຍັງໄດ້ມີການສົນທະນາກ່ຽວກັບມະຫາວິທະຍາໄລ ຊູໂຈ ຢູ່ ສປປ ລາວ ນໍາອີກ.

ທ່ານ ນາງ ດາລາວອນ ກິດຕິພັນ ໄດ້ກ່າວສະແດງຂອບໃຈຕໍ່ຄະນະດັ່ງກ່າວທີ່ຈະໃຫ້ການຊ່ວຍເຫຼືອ ແກ່ ສປປ ລາວ ແລະຫວັງຢ່າງຍິ່ງ ວ່າຈະໃຫ້ທຶນນັກສຶກສາ ສປປ ລາວ ໂດຍສະເພາະນັກສຶກສາທີ່ໄປສຶກ ສາທີ່ແຂວງຈຽງຊູ ໃຫ້ຫຼາຍຂຶ້ນ.

 ---------------   

ພາບ: ຂ່າວ  ໂດຍ: ວົງມະນີ

• 20/12/2019