ນໍ້າດື່ມໂລມາຄຳປອມລະບາດ, ໂຮງງານແຈ້ງເຕືອນຜູ້ບໍລິໂພກລະວັງ

  ວັນທີ 18 ທັນວາ 2019 ໂຮງງານຜະລິດນໍ້າດື່ມ ແລະນໍ້າກ້ອນໂລມາຄຳໄດ້ອອກແຈ້ງການລະບຸວ່າ: ທີມງານຄຸ້ມຄອງກວດກາຄຸນນະພາບຂອງໂຮງງານໄດ້ລົງໄປຕິດ ຕາມກວດກາການບໍລິການ ແລະຈຳໜ່າຍຜະລິດຕະພັນຂອງໂຮງງານຢູ່ທ້ອງຕະຫຼາດໄລຍະມໍ່ໆນີ້, ໄດ້ພົບເຫັນລູກຄ້າຈຳນວນໜຶ່ງ, ຜູ້ຈຳໜ່າຍໄດ້ສົມທົບກັບໂຮງງານຜະລິດນໍ້າດື່ມບາງແຫ່ງພາຍໃນແຂວງສະຫວັນນະເຂດ ໄດ້ພ້ອມກັນສ່ວຍໂອກາດນຳເອົາຕຸກນໍ້າດື່ມເປົ່າຂະໜາດ 20 ລິດ ທີ່ມີເຄື່ອງໝາຍໂລໂກໂລມາຄຳໄປຮ່າຍບັນຈຸນໍ້າດື່ມ ແລະເປົ່າຊີມຝາ, ຊີມກັອກສີຂາວທີ່ບໍ່ແມ່ນຊີມເຄື່ອງໝາຍຂອງໂລມາຄຳ, ຜູ້ກ່ຽວໄດ້ສວຍໃຊ້ເພື່ອຜົນປະໂຫຍດທາງການຄ້າຂອງຕົນໂຮງງານເຫັນວ່າການກະທຳດັ່ງກ່າວໄດ້ມີການລະເມີດສິດຊັບສິນທາງປັນຍາເຄື່ອງໝາຍການຄ້າທີ່ທາງໂຮງງານຜະລິດນໍ້າດື່ມ ແລະນໍ້າກ້ອນໂລມາຄຳໄດ້ຈົດທະບຽນຖືກຕ້ອງຕາມລະບຽບກົດໝາຍ.

  ດັ່ງນັ້ນ, ທາງທີມງານຄຸ້ມຄອງກວດກາຄຸນນະພາບຂອງໂຮງງານຈຶ່ງແຈ້ງໃຫ້ທ່ານຜູ້ຊົມໃຊ້ນໍ້າດື່ມໂລມາຄຳຂະໜາດຕຸກ20 ລິດຮູ້ວ່າ: ໄດ້ມີເຫດການດັ່ງກ່າວນີ້ເກີດ ຂຶ້ນບາງບ່ອນແທ້ຈິ່ງຂໍຄວາມຮ່ວມມືຈາກທ່ານຜູ້ຊົມໃຊ້ນໍ້າດື່ມໂລມາຄຳຂະໜາດຕຸກ 20 ລິດ ຈົ່ງພ້ອມກັນມີສະຕິຕິດຕາມກວດກາແຕ່ລະຕຸກໃຫ້ຄັກແນ່ກ່ອນການບໍລິ ໂພກຖ້າມີການສົງໄສ, ມີຄວາມຜິດປົກກະຕິກະລຸນາແຈ້ງມາຍັງໂຮງງານເບີໂທຕິດຕໍ່: 041212 181, ຫ້ອງຂາຍ 041 252 699.

  ຕໍ່ເຫດການທີ່ເກີດຂຶ້ນດັ່ງກ່າວທາງໂຮງງານໄດ້ຮຽກຮ້ອງໃຫ້ຜູ້ລະເມີດສິດຈົ່ງຢຸດຕິການກະທຳຜິດ ແລະລະເມີດສິດທີ່ຜ້ານມາປະຈຸບັນກຳລັງດຳເນີນການປະສານງານຈັດການບັນຫາທີ່ກ່າວມານັ້ນກັບອົງການຈັດຕັ້ງທີ່ກ່ຽວຂ້ອງເພື່ອດຳເນີນຕາມລະບຽບກົດໝາຍຂອງບ້ານເມືອງ.

_____________

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

ບໍລິການໂຄສະນາທາງເຟສບຸກ ແລະເວັບໄຊ

ໂທ: 021 313645, 316511

แชร์