ແມ່ຍິງເມືອງເຊບັ້ງໄຟດຳເນີນກອງປະຊຸມຄັ້ງທີ 2

   ກອງປະຊຸມຄົບຄະນະບໍລິຫານງານສະຫະພັນແມ່ຍິງເມືອງເຊບັ້ງໄຟແຂວງຄຳມ່ວນຄັ້ງທີ 2 ສະໄໝທີ V ພ້ອມທັງປັບປຸງກົດລະບຽບກອງທຶນບັນເທົາທຸກໄດ້ຈັດຂຶ້ນໃນວັນທີ 11 ທັນວາ 2019 ທີ່ ຫ້ອງວ່າການເມືອງເຊບັ້ງໄຟ ໂດຍການເປັນປະທານຂອງທ່ານ ນາງ ດາວພາສຸກ ທຳມະນີວົງ ປະທານຄະນະບໍລິຫານງານສະຫະພັນແມ່ຍິງເມືອງເປັນກຽດເຂົ້າຮ່ວມມີ ທ່ານ ຄຳພຸດ ນວນມະນີ ປະທານ ແນວລາວສ້າງຊາດເມືອງຜູ້ຊີ້ນຳ                                          ອົງການຈັດຕັ້ງມະຫາຊົນ ພ້ອມ ດ້ວຍຄະນະບໍລິຫານງານ, ຄະນະ ສະຫະພັນແມ່ຍິງຮາກຖານອ້ອມຂ້າງເມືອງ, ຮາກຖານບ້ານ ແລະ ຄະນະໜ່ວຍອ້ອມຂ້າງເມືອງ.

ທ່ານ ນາງ ດາວພາສຸກ ທຳ ມະນີວົງ ກ່າວເປີດກອງປະຊຸມພ້ອມທັງຜ່ານບົດສະຫຼຸບການເຄື່ອນໄຫວວຽກງານຮອບດ້ານໃນໄລຍະ 1 ປີ ແລະທິດທາງແຜນການ 1 ປີຕໍ່ ໜ້າເມືອງເຊບັ້ງໄຟປະກອບມີ 45 ບ້ານ, 6.606 ຄອບຄົວ, 6.356 ຫຼັງຄາເຮືອນ, ມີຈຳນວນພົນລວມ 33.148 ຄົນ, ຍິງ 16.489 ຄົນ, ມີສະມາຊິກສະຫະພັນແມ່ຍິງທັງ ໝົດຈຳນວນ 4.650 ຄົນ, ຫ້ອງການສະຫະພັນແມ່ຍິງມີພະນັກງານທັງໝົດ 9 ຄົນ, ອາສາ 2 ຄົນ, ໃນ ໄລຍະ 1 ປີຜ່ານມາໄດ້ເຄື່ອນໄຫວວຽກງານວິຊາສະເພາະຕາມພາລະບົດບາດຂອງຕົນໂດຍສະເພາະກໍ່ແມ່ນປັບປຸງອົງການຈັດຕັ້ງສະຫະພັນແມ່ຍິງໜ່ວຍຮາກຖານບ້ານ, ສ້າງໃຫ້ເອື້ອຍນ້ອງແມ່ຍິງມີຄວາມຕື່ນຕົວໃນການຈັດຕັ້ງປະຕິບັດໜ້າທີ່ວຽກງານ, ເອື້ອຍນ້ອງແມ່ຍິງມີຄວາມເຂົ້າໃຈ ແລະ ເຊື່ອມຊຶມແນວ ທາງນະໂຍບາຍຂອງ ພັກ,  ກົດໝາຍ ຂອງລັດ ແລະ ບັນດາມະຕິຄຳສັ່ງຕ່າງໆຂອງຂັ້ນເທິງພ້ອມນັ້ນກໍ່ໄດ້ຖືເອົາວຽກງານຂໍ້ແຂ່ງຂັ້ນ 3 ດີ ໄປຄຽງຄູ່ກັບການ ປັບປຸງການຈັດ ຕັ້ງໃນປີ 2019 ຈາກນັ້ນທ່ານ ນາງ ອາລຸນ ບຸນທະວົງ ໄດ້ຜ່ານ ບົດສະຫຼຸບການເຄື່ອນໄຫວຂອງກອງທຶນສົງເຄາະໃນໄລຍະ 1 ປີ ຜ່ານມາ ແລະທິດທາງແຜນການ 1 ປີຕໍ່ໜ້າ, ຜ່ານຮ່າງຂໍ້ຕົກລົງແຕ່ງຕັ້ງຄະນະຊີ້ນຳກອງທຶນສົງເຄາະ, ຜ່ານຮ່າງ ຊິກກອງທຶນເສກົດລະບຽບກອງທືນສົງເຄາະໃນທົ່ວເມືອງເຊບັ້ງໄຟມີສະມາຊິກກອງທຶນທັງໝົດ 3.312 ຄົນ, ຍິງ 3,221 ຄົນ, ຊາຍ 91 ຄົນ.ໃນໄລຍະ 1 ປີຜ່ານມາມີສະມາຍຊີວິດ 26 ຄົນ, ລາອອກ 14 ຄົນ, ສະໝັກເຂົ້າໃໝ່ 429 ຄົນ, ຍິງ 398 ຄົນ, ຊາຍ 31 ຄົນ, ມີເງິນແຮສະສົມທັງໝົດ 82,8 ລ້ານກີບ ສ່ວນທິດທາງແຜນການຕໍ່ໜ້າແມ່ນກະກຽມເປີດກອງປະຊຸມຄົບຄະນະບໍລິຫານງານສະຫະພັນແມ່ຍິງເມືອງສະຫຼຸບ ປະຈຳປີ ແລະ ປັບປຸງກົດລະບຽບກອງທຶນບັນເທົາທຸກ, ສືບຕໍ່ຜັນຂະຫຍາຍຂໍ້ຕົກລົງແຕ່ງຕັ້ງຄະນະ ຊີ້ນຳກອງທຶນ ແລະກົດລະບຽບ ກອງທຶນໃຫ້ກັບສະມາຊິກສະຫະ ພັນແມ່ຍິງບ້ານໃຫ້ໄດ້ 45 ບ້ານ, ສືບຕໍ່ຂະຫຍາຍເອົາສະມາຊິກກອງ ທຶນຕົ້ນເດືອນມັງກອນ 2020 ແລະ ຕົ້ນເດືອນກໍລະກົດ 2020 ໃຫ້ ໄດ້ 300 ຄົນ, ສືບຕໍ່ເກັບເງິນທົດແທນສະມາຊິກກອງທຶນເສຍຊີວິດທີ່ຍັງຄ້າງໃຫ້ສຳເລັດ.

ທ້າຍກອງປະຊຸມທ່ານ ຄຳພຸດ ນວນມະນີໄດ້ສະແດງຄວາມຍ້ອງຍໍຊົມເຊີຍຕໍ່ການຈັດຕັ້ງປະຕິບັດວຽກງານໃນຜ່ານມາພ້ອມທັງເນັ້ນໃຫ້ຄະນະບໍລິຫານງານ, ຄະນະສະຫະພັນແມ່ຍິງຮາກຖານອ້ອມຂ້າງເມືອງ, ຮາກຖານບ້ານ ແລະ ຄະນະໜ່ວຍອອ້ມຂ້າງເມືອງເອົາໃຈໃສ່ເຊີດຊູຄວາມຮັບຜິດຊອບ ແລະ ປະຕິບັດໜ້າທີ່ວຽກງານໃຫ້ບັນລຸເປົ້າໝາຍ ແລະ ກ້າວໜ້າຂຶ້ນໄປເລື້ອຍໆ.

----------------

ຂ່າວ: ສີສຸພັນ

แชร์