ຫົງສາ ເຜີຍແຜ່ຄຳສັ່ງກ່ຽວກັບຄວາມຮັບຜິດຊອບການຜະລິດ

   ເມືອງຫົງສາໄດ້ຈັດກອງປະຊຸມເຜີຍແຜ່ຄຳສັ່ງຂອງທ່ານເຈົ້າແຂວງເລກທີ 253 ກ່ຽວກັບການເພີ່ມທະວີຄວາມຮັບຜິດຊອບໃນການເກັບກູ້ຜົນຜະລິດລະດູຝົນປີ 2019 ແລະ ກະກຽມໃຫ້ແກ່ການຜະລິດລະດູແລ້ງ ປີ 2020, ພ້ອມຜ່ານຮ່າງນິຕິກຳຂອງທ່ານເຈົ້າແຂວງໄດ້ຈັດຂຶ້ນຢູ່ທີ່ສະໂມສອນເມືອງ, ໃນອາທິດຜ່ານມາເປັນປະທານຂອງທ່ານຈັນເພັງ ອູ່ທອງ ຄຳ ຄະນະປະຈຳພັກເມືອງຫົວໜ້າຫ້ອງການແຜນການ ແລະ ການລົງທຶນເມືອງ, ມີທ່ານ ຄຳມ່ວນ ບຸນຍາວົງ ຫົວໜ້າພະແນກບໍລິຫານຈັດຕັ້ງພະແນກກະສິກຳ ແລະ ປ່າໄມ້ແຂວງໄຊຍະບູລີ, ມີຫົວ ໜ້າ-ຮອງຫົວໜ້າຫ້ອງການ, ກົມກອງ, ນາຍບ້ານ, ນັກທຸລະກິດຜູ້ ປະກອບການພ້ອມດ້ວຍພະນັກງານຫ້ອງການກະສິກຳ ແລະ ປ່າໄມ້ເມືອງເຂົ້າຮ່ວມ.

ໃນກອງປະຊຸມຜູ້ເຂົ້າຮ່ວມໄດ້ຮັບຟັງການເຜີຍແຜ່ຄຳສັ່ງຂອງທ່ານເຈົ້າແຂວງເລກທີ 253/ ຈຂ. ຊຍ, ລົງວັນທີ 1 ພະຈິກ 2019, ກ່ຽວກັບການເພີ່ມທະວີຄວາມຮັບ ຜິດຊອບໃນການເກັບກູ້ຜົນຜະລິດລະດູຝົນປີ 2019 ແລະກະກຽມໃຫ້ແກ່ການຜະລິດລະດູແລ້ງປີ 2020, ເພື່ອເປັນການຍູ້ແຮງການຜະລິດລະດູແລ້ງປີ 2020 ໃຫ້ບັນ ລຸຕາມຄາດໝາຍທີ່ວາງໄວ້, ເປັນ ການຕອບສະໜອງໃຫ້ແກ່ການຜະ ລິດສະບຽງອາຫານເພື່ອຮັບໃຊ້ການບໍລິໂພກພາຍໃນ ແລະ ເປັນສິນຄ້າສົ່ງອອກຢ່າງແຂງແຮງ, ແນໃສ່ເຮັດໃຫ້ຂະບວນການຜະລິດກາຍເປັນຂອງມະຫາຊົນຢ່າງຟົດຟື້ນ, ຫຼັງຈາກນັ້ນກໍ່ໄດ້ຮັບຟັງການຜ່ານຮ່າງຂໍ້ຕົກລົງຂອງທ່ານເຈົ້າແຂວງໄຊຍະບູລີ ວ່າດ້ວຍການຄຸ້ມຄອງ ແລະ ພັດທະນາຊົນລະປະທານຢູ່ແຂວງໄຊຍະບູລີ, ຮ່າງຂໍ້ຕົກລົງຂອງທ່ານເຈົ້າແຂວງໄຊຍະບູລີວ່າດ້ວຍກອງທຶນສົ່ງເສີມກະສິກຳຍືນຍົງ.

ກອງປະຊຸມຄັ້ງນີ້ຜູ້ເຂົ້າຮ່ວມຍັງໄດ້ພ້ອມກັນປະກອບຄຳຄິດເຫັນໃສ່ຮ່າງນິຕິກຳດັ່ງກ່າວເພື່ອເຮັດໃຫ້ມີເນື້ອໃນສົມບູນແທດເໝາະກັບສະພາບຄວາມເປັນຈິງສາມາດນຳໄປຈັດຕັ້ງປະຕິບັດໃຫ້ມີປະສິດທິພາບສູງສຸດ.

------------------

ຂ່າວ: ໄກເພັດ ຄຳມູງແກ້ວ

• 19/12/2019