ເມືອງໝື່ນຮັບຮອງ 2 ບ້ານ ເປັນບ້ານວັດທະນະທຳ

  ພິທີປະກາດຮັບຮອງບ້ານ ໂພນງາມ ແລະບ້ານນາຍາວ ເປັນບ້ານວັດທະນະທຳແຫ່ງທີ 15,16 ຂອງເມືອງໝື່ນ ໄດ້ຈັດຂຶ້ນໃນອາ ທິດຜ່ານມາທີ່ຫ້ອງການບ້ານໂພນ ງາມ ໂດຍໃຫ້ກຽດເຂົ້າຮ່ວມຂອງ ທ່ານ ພູວອນ ບຸນວິໄລ ເຈົ້າເມືອງ-ເມືອງໝື່ນ, ມີທ່ານ ສີບັນດອນ ສີອາພອນ ຮອງຫົວໜ້າພະແນກຖະແຫຼງຂ່າວ, ວັທະນະທຳ ແລະທ່ອງ ທ່ຽວແຂວງວຽງຈັນ, ທ່ານ ສຸວັນນີ ທຳມີພົນ ຮອງຫົວໜ້າຫ້ອງ ການຖະແຫຼງຂ່າວ, ວັດທະນະທຳ ແລະທ່ອງທ່ຽວເມືອງ, ມີກຳມະ ການພັກເມືອງ, ຫົວໜ້າຫ້ອງການ ພ້ອມທັງນາຍບ້ານທັງສອງບ້ານ ແລະແຂກຖືກເຊີນເຂົ້າຮ່ວມຢ່າງ ພ້ອມພຽງ.

ທ່ານ ສຸວັນນີ ທຳມີພົນ ຮອງຫົວໜ້າຫ້ອງການຖະແຫຼງຂ່າວ,ວັດທະນະທຳ ແລະທ່ອງທ່ຽວເມືອງໄດ້ຜ່ານບົດປະເມີນການສ້າງຄອບຄົວ ແລະບ້ານວັດທະນະທຳບ້ານ ໂພນງາມ ແລະບ້ານນາຍາວ ໂດຍ ປະຕິບັດຕາມຄໍາສັ່ງ ເລກທີ 09/ກມສພ ວ່າດ້ວຍ: ການສ້າງບ້ານ ແລະກຸ່ມບ້ານພັດທະນາຕາມ 4 ເນື້ອໃນ 4 ຄາດໝາຍ,ຄໍາສັ່ງແນະນໍາເລກທີ 03/ກມສພ ວ່າດ້ວຍ:ການສ້າງບ້ານເປັນຫົວໜ່ວຍພັດທະນາສ້າງບ້ານໃຫຍ່ໃຫ້ກາຍເປັນຕົວເມືອງນ້ອຍໃນຊົນນະບົດແລະມະຕິຂອງກົມການເມືອງ ເລກທີ 03/ກມສພ ວ່າດ້ວຍ:ການສ້າງແຂວງເປັນຫົວໜ່ວຍຍຸດທະສາດ,ສ້າງເມືອງເປັນຫົວໜ່ວຍເຂັ້ມແຂງ ຮອບດ້ານ,ສ້າງບ້ານເປັນຫົວໜ່ວຍພັດທະນາ,ຈາກນັ້ນທ່ານ ຈັນທະວົງ ນາຍບ້ານ-ບ້ານໂພງາມໄດ້ຕ່າງໜ້າສອງບ້ານຂຶ້ນຜ່ານບົດສະຫຼຸບການຈັດຕັ້ງປະຕິບັດສ້າງບ້ານວັດທະນະທໍາແລະທິດທາງແຜນການຕໍ່ໜ້າໃນນັ້ນບ້ານໂພນງາມ ແລະບ້ານນາຍາວມີທັງໝົດ 689 ຄອບຄົວ,ແບ່ງອອກເປັນ 44 ໜ່ວຍສາມັກຄີ,ມີພົນລະເມືອງທັງໝົດ 5.306 ຄົນ, ຍິງ 2.606 ຄົນ,ປະກອບມີ 2 ຊົນເຜົ່າຄື:ເຜົ່າລາວລຸ່ມ ແລະເຜົ່າມົ້ງ,ປະຊາຊົນສ່ວນຫຼາຍໄດ້ມີອາຊີບປູກຝັງ-ລ້ຽງສັດເປັນຕົ້ນຕໍ,ຄ້າຂາຍເປັນອາຊີບສໍາຮອງ,ນອກນັ້ນກໍ່ຍັງເປັນພະນັກງານ-ລັດຖະກອນ ແລະເອກະຊົນຈໍານວນໜຶ່ງ, ທັງ 2 ບ້ານມີພື້ນຖານໂຄງລ່າງເອື້ອອໍານວຍຄວາມ ສະດວກໃຫ້ແກ່ການຜະລິດມີເນື້ອ ທີ່ປູກເຂົ້າທັງໝົດ 407,72 ເຮັກຕາໃນນີ້ບ້ານໂພນງາມມີ:252 ເຮັກຕາ,ສ່ວນບ້ານນາຍາວມີ: 155,72 ເຮັກຕາ, ສະມັດຕະພາບຜະລິດ 3,5 - 4 ໂຕນຕໍ່ເຮັກຕາ, ສະເລ່ຍ ເຂົ້າເປືອກໃສ່ຫົວຄົນ 500 ກິໂລ ກຣາມຕໍ່ຄົນຕໍ່ປີ.

ທ້າຍພິທີທ່ານ ພູວອນບຸນວິໄລ ໄ້ດ້ເໜັນໜັກໃຫ້ທຸກຄົນຈົ່ງຮັກສາມູນເຊື້ອວັດທະນະອັນດີນີ້ງາມນີ້ໄວ້ພ້ອມທັງໃຫ້ຮັດແໜ້ນຄວາມສາມັກຄີໄວ້ໃຫ້ໝັ່ນຄົງສືບຕໍ່ຮອດລູກຫຼານມີແບບແຜນການດຳລົງຊິວິດ ປອດໄສ, ຮັກສາ ແລະເສີມຂະຫຍາຍມູນເຊື້ອອັນດີງາມຂອງຊາດ,ມີຄວາມຊ່ວຍເຫຼືອຍາດຕິພີ່ນ້ອງເຮືອນໄກ້ເຮືອນຄຽງໃນຍາມທຸກຍາກ,ນັບຖືລະບຽບກົດໝາຍຕ່າງໆ ປະກອບສ່ວນເຂົ້າໃນວຽກງານ ຂອງບ້ານ, ບໍ່ສ້າງຄວາມຫຍຸ້ງຍາກໃຫ້ແກ່ການຈັດຕັ້ງບ້ານ, ສ້າງເງື່ອນໄຂໃຫ້ລູກຫຼານໄດ້ເຂົ້າໂຮງຮຽນ, ໃຫ້ຊີວິດການເປັນຢູ່ດີຂຶ້ນເລື້ອຍໆ.

-----------------

ພາບ ແລະ ຂ່າວຈາກ: ໜັງສືພິມເສດຖະກິດ-ສັງຄົມ

แชร์