ອົດສະຕຣາລີກຽມຮັບມືກັບຄື້ນຄວາມຮ້ອນ

  ສຳນັກອຸຕຸນິຍົມວິທະຍາອົດສະຕຣາລີເປີດເຜີຍວ່ານັບຕັ້ງແຕ່ວັນທີ 18 ທັນວາ ເປັນຕົ້ນໄປອົດສະຕຣາລີຈະມີຄື້ນຄວາມຮ້ອນປົກຄຸມຫຼາຍພື້ນທີ່ຄາດວ່າ ອຸນຫະພູມຈະສູງເຖິງ 50,7 ອົງສາເຊ.

ຕາມຂ່າວຕ່າງປະເທດລາຍງານວ່າສຳນັກງານອຸຕຸນິຍົມວິທະຍາຂອງອົດສະຕຣາລີ (ບີໂອ ເອັມ) ລາຍງານວ່ານັບຕັ້ງແຕ່ວັນທີ 18 ທັນວາເປັນຕົ້ນໄປອຸນຫະພູມໃນຫຼາຍພື້ນທີ່ຂອງອົດສະຕຣາລີອາດສູງເຖິງ 40 ອົງສາເຊ, ນອກຈາກນີ້ຄື້ນຄວາມຮ້ອນທີ່ມາຈາກຝັ່ງຕາເວັນຕົກຂອງປະເທດຍັງອາດເຮັດໃຫ້ອົດສະຕຣາລີປະສົບກັບອຸນຫະພູມທີ່ສູງຂຶ້ນເປັນປະຫວັດສາດຊຶ່ງສະຖິຕິຂອງອຸນຫະພູມທີ່ຮ້ອນທີ່ສຸດຂອງອົດສະຕຣາລີອາດມີໂອກາດທຳລາຍສະຖິຕິປີ 1960 ທີ່ເຄີຍຈຸລະດັບທີ່ 50,7 ອົງສາເຊຄາດວ່າອຸນຫະພູມຈະຮ້ອນຂຶ້ນໃນອາທິດໜ້າ ແລະ ອາດຈະທຳລາຍສະຖິຕິຄວາມຮ້ອນໃນຫຼາຍພື້ນທີ່ທາງພາກໃຕ້ ຂອງອົດສະຕຣາລີໃນໄລຍະ 7 ວັນຕໍ່ໜ້າ.

ທັງນີ້ອຸນຫະພູມໃນແຕ່ລະເມືອງມີທ່າອຽງສູງຂຶ້ນຕໍ່ເນື່ອງເຊັ່ນ: ເມືອງເພີຣທາງຕາເວັນຕົກຂອງອົດສະຕຣາລີຄາດວ່າອຸນຫະພູມຈະສູງເຖິງ 40 ອົງສາເຊ ໃນ ວັນທີ 21 ທັນວາ ແລະ 41 ອົງ ສາເຊໃນວັນທີ 22 ທັນວາ ຂະນະທີ່ອຸນພູມໃນເມືອງເມລເບິນຈະຢູ່ ທີ່ 41 ອົງສາເຊໃນວັນທີ 20 ທັນວາເປັນຕົ້ນໄປ.

-----------------

ໜັງສືພີມເສດຖະກິດ-ສັງຄົມ

แชร์