ເຜີຍລາຍລະອຽດກ້ອງສາມຕົວຂອງ iPhoneXI ອາດປ່ຽນມາໃຊ້ດິໄຊແນວນອນແທນ

   ລາຍງານຈາກ Steve Hemmerstoffer ຫຼືທີ່ຮູ້ຈັກກັນໃນຊື່@OnLeaks ເຜີຍວ່າຕອນນີ້ມີທີມວິສາວະກອນຂອງ Apple ກຳລັງຕັດສີນໃຈປ່ຽນດິໄຊກ້ອງຂອງ iPhone XI ໃໝ່ໂດຍອາດພິຈາລະນາປ່ຽນດິໄຊຈາກແນວຕັ້ງເປັນແນວນອນ.

   ກ່ອນໜ້ານີ້ມີພາບເຣນເດີກ້ອງສາມຕົວອອກມາສອງແບບຄືແບບສີ່ຫຼ່ຽມວາງຕຳແໜ່ງທີ່ດ້ານຊ້າຍບົນຂອງດ້ານຫຼັງຄ້າຍຄືກ້ອງຂອງ Huawei Mate 20 Series ແລະອີກແບບຄືແບບແນວນອນວາງໄວ້ດ້ານບົນເຄິ່ງກາງຂອງເຄື່ອງໃນສ່ວນສະເປັກນັ້ນ CompareRaja ຢືນຢັນວ່າກ້ອງຂອງ iPhone XI ຈະມີສາມຕົວຕົວທີສາມມີຄວາມລະອຽດຢູ່ທີ່ 10-14 ລ້ານພິກເຊລຍັງບໍ່ໄດ້ຮັບການຢືນຢັນຕົວເລກທີ່ແນ່ນອນວ່າຈະເປັນເລນກ້ອງຫຍັງແຕ່ອາດຈະໃຊ້ເຊນເຊີ 3D ຂອງ Sony ເພື່ອເພີ່ມປະສິດທິພາບ AR ໃຫ້ດີຍິ່ງຂຶ້ນສົງຄາມຈຳນວນພິກເຊລບົນສະມາດໂຟນໄດ້ຈົບລົງໄປດົນແລ້ວເພາະຈຳນວນພິກເຊລທີ່ຫຼາຍບໍ່ໄດ້ບົ່ງບອກວ່າສະມາດໂຟນຈະສາມາດສ້າງຮູບທີ່ງາມໄດ້ສະເໝີໄປ.

   ໃນສ່ວນຂອງກ້ອງໜ້າຈະຖືກເພີ່ມຄວາມລະອຽດເປັນ 10 ລ້ານພິກເຊລ Face ID ຈະຖືກພັດທະນາໃຫ້ດີຂຶ້ນ ແລະຖືກເຊື່ອງໄວ້ໃຕ້ໜ້າຈໍເພື່ອໃຫ້ຮອຍບາກນ້ອຍລົງການສະແດງຜົນບົນເນື້ອທີ່ໜ້າຈໍເພີ່ມຂຶ້ນ ແລະສຸດທ້າຍທີ່ໜ້າເສຍດາຍຄື iPhone XI ອາດຈະຍັງໃຊ້ພອດ Lightning ເໝືອນເດີມຍັງບໍ່ປ່ຽນໄປໃຊ້ USB-C ເລີຍ.

แชร์