ໜ່ວຍພັກຄະນະກວດກາສາລະວັນປະເມີນການກໍ່ສ້າງ

   ເມື່ອວັນທີ 10 ທັນວາ 2019, ໜ່ວຍພັກຄະນະກວດກາແຂວງສາລະວັນໄດ້ປະເມີນ ແລະ ກວດກາການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນປະຈຳປີ 2019, ໂດຍການເປັນປະທານຂອງ ສະຫາຍ ເລີດສະໝີ ຈັນສີຍະວົງ ເລຂາໜ່ວຍພັກຮາກຖານຄະນະກວດກາແຂວງ, ມີສະຫາຍ ແສງທອງ ສີອ່ອນສາ ຮອງເລຂາໜ່ວຍພັກຮາກຖານຄະນະກວດກາແຂວງ, ມີຄະນະພັກ, ສະມາຊິກພັກ-ພະນັກງານລັດຖະກອນເຂົ້າຮ່ວມ.

 ສະຫາຍ ແສງທອງ ສີອ່ອນສາ ຮອງເລຂາໜ່ວຍພັກຮາກຖານໄດ້ຜ່ານບົດສະຫຼຸບຕີລາຄາການກໍ່ສ້າງໜ່ວຍພັກປອດໃສ, ເຂັ້ມແຂງໜັກແໜ້ນແນໃສ່ເຮັດໃຫ້ໄດ້ຮັບການເຄື່ອນໄຫວຢ່າງຕໍ່ເນື່ອງຮັບປະກັນດ້ານຄຸນນະພາບ,  ເພື່ອເປັນແບບຢ່າງໃນການປັບປຸງແບບແຜນວິທີເຮັດວຽກຕ່າງໆຂອງໜ່ວຍພັກໃຫ້ກາຍເປັນໜ້າທີ່ຄວາມຮັບຜິດ ຊອບຂອງຄະນະກວດກາ, ຄະນະພັກແຕ່ລະຂັ້ນໃນການດຳເນີນຕີລາຄາດ້ວຍຕົນເອງ, ຕະຫຼອດໄລຍະຜ່ານມາຄະນະໜ່ວຍ ພັກ, ສະມາຊິກພັກໄດ້ເອົາໃຈໃສ່ເຊື່ອມຊຶມ, ກຳແໜ້ນ ແລະ ຮໍ່າຮຽນແນວທາງນະໂຍບາຍຕ່າງໆຂອງພັກຢ່າງເປັນປົກກະຕິ, ພ້ອມທັງໄດ້ນຳເອົາແນວທາງຕ່າງໆ ມາຫັນເປັນທິດທາງ, ແຜນການຂອງໜ່ວຍໃນ

ແຕ່ລະໄລຍະ,ສຶກສາອົບຮົມພະນັກງານນຳພາຫຼັກແຫຼ່ງ ແລະສະມາຊິກພັັັກທາງດ້ານແນວຄິດການເມືອງ,ການຈັດຕັ້ງ,ແບບແຜນການນຳພາ ແລະການນຳພາປະຕິບັດໜ້າທີ່ການເມືອງ ແລະ ຮ່ວມກັັນຕີລາຄາການນຳພາລວມຂອງຄະນະໜ່ວຍພັກ, ສະມາຊິກພັກທັງດ້ານຕັ້ງໜ້າ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ເພື່ອຊອກຫາສາເຫດຕ່າງໆໃນການຊີ້ນຳໆພາ, ໂດຍຖືເອົົາການກວດກາ, ຕີລາຄາ ແລະປະເມີນສະມາຊິກພັກເປັນປະຈຳ ແລະຕໍ່ເນື່ອງ, ທັັງສົ່ງເສີີມດ້ານດີ, ດັັດແປງແກ້ໄຂສິ່ງບໍ່ສອດ ຄ່ອງໃຫ້ໄດ້ຮັບການແກ້ໄຂ. ຜ່ານການປະເມີນສາມາດຕີລາຄາ ແລະຈັດປະເພດໜ່ວຍພັກແຂງ, ສະມາຊິກພັກແຂງ 20 ສະຫາຍ, ຍິງ 3 ສະຫາຍກວມເອົາ 100% (ຂອງສະມາຊິກພັກມີໜ້າຕົວຈິງ), ໜ່ວຍພັກມີຄະແນນລວມ 9,5 ຄະແນນ ຈັດປະເພດໜ່ວຍພັກແຂງ ແລະຄະນະໜ່ວຍພັກ, ສະມາຊິກພັກເຫັນດີເປັນເອກະພາບກຽມສະເໜີອົງຄະນະພັກແຂວງສາລະວັນພິຈາລະນາຮັບຮອງເອົາໜ່ວຍພັກຄະນະກວດກາແຂວງເປັນໜ່ວຍພັກ,ປອດໃສ,ເຂັ້ມແຂງ ແລະໜັກແໜ້ນປະຈຳປີ 2019.

  ໜ່ວຍພັກຄະນະກວດກາແຂວງເປັນໜ່ວຍພັກເອກະລາດທີ່ຂຶ້ນກັບອົງຄະນະພັກແຂວງພາຍໃຕ້ກາຍຊີ້ນຳໆພາຂອງຄະນະປະຈຳພັກແຂວງ, ມີຄະນະໜ່ວຍພັກ 3 ສະ ຫາຍ, ສະມາຊິກພັກທັງໝົດ 23 ສະຫາຍ, ຍິງ 4 ສະຫາຍ (ສະມາຊິກພັກສຳຮອງ 1 ສະຫາຍ), ປະຈຸບັນສະມາຊິກພັກມີໜ້າຕົວຈິງ 20 ສະຫາຍ, ຍິງ 3 ສະ ຫາຍ.

__________

ຂຽນໂດຍ: ທິດລານີ ໂຄດໂຍທາ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์