5 ຮູບເງົາທີ່ມີຄົນຄົ້ນຫາຂໍ້ມູນຫຼາຍທີ່ສຸດ ປີ 2019

  ປີ 2019 ເປັນອີກປີໜຶ່ງທີ່ມີຮູບເງົາອອກມາເປັນຈຳນວນຫຼາຍ ແຕ່ອີກສິ່ງໜຶ່ງທີ່ຢັ້ງຢືນໄດ້ວ່າຮູບເງົາເລື່ອງໃດເປັນທີ່ນິຍົມກໍມາຈາກການຄົ້ນຫາຂໍ້ມູນໃນ Google ນີ້ລະຕໍ່ໄປນີ້ແມ່ນ 5 ອັນດັບ ຮູບເງົາ ທີ່ມີຄົນຄົ້ນຫາຂໍ້ມູນຫຼາຍທີ່ສຸດຜ່ານທາງ Google ບໍລິການເວັບໄຊ ຊອກຄົ້ນຂໍ້ມູນຍັກໃຫຍ່ຂອງໂລກ.

ອັນດັບ 5: ອະຄວາແມນ (Aquaman) ຮູບເງົາຮີໂຣ່ມາ ແຮງຈາກຝັ່ງ DC ຮູບເງົາເລົ່າ ເລື່ອງລາວຂອງອາເທີຜູ້ຊຶ່ງເປັນ ລູກຊອດລະຫວ່າງມະນຸດ ແລະ ຊາວແອັດແລນທຽນ ຊຶ່ງມີຄວາມ ສາມາດສື່ສານກັບສັດນໍ້າໄດ້, ລາວ ຕ້ອງຕາມຫາສາມງ່າມແຫ່ງແອັດ ແລນອາວຸດໃນຕຳນານ ແລະປົກປ້ອງໂລກໃຕ້ມະຫາສະໝຸດບໍ່ໃຫ້ຖືກທຳລາຍ, ຮູບເງົາເລື່ອງນີ້ສາ ມາດກວດລາຍຮັບໄປໄດ້ 1,148 ລ້ານໂດລາ.

ອັນດັບ 4: ທອຍສະຕໍຣີ 4  (Toy Story 4) ການກັບມາຂອງ ວູດດີ້, ບັສໄລເຢຍ ແລະສະມາຊິກ ເຄື່ອງຫຼິ້ນໂຕອື່ນໆ ໃນການເດີນທາງຄັ້ງໃໝ່, ຮູບເງົາເລື່ອງນີ້ເປັນ ທີ່ຮູ້ຈັກກັນດີເພາະນີ້ແມ່ນພາກ 4 ແລ້ວ ແລະກໍກວດລາຍໄດ້ເຖິງ 1,073 ລ້ານໂດລາ.

ອັນດັບ 3: ກັບຕັນມາເວລ (Captian Marvel) ເລື່ອງ ລາວຂອງຊູເປີຣີໂຣ່ຊົງພະລັງທີ່ ສຸດໃນຈັກກະວານສາວ ຊຶ່ງມີຊື່ແທ້ວ່າ ແຄຣໍ ແດນເວີ ແຕ່ຮູ້ຈັກກັນໃນວົງການຍອດມະນຸດວ່າກັບຕັນມາເວລ, ຮູບເງົາຈາກ MarvelStudios ເລື່ອງນີ້ກວາດລາຍ ໄດ້ໄປທັງໝົດ 1,128 ລ້ານໂດລາ.

ອັນດັບ 2: ໂຈກເກີ (Joker)ຮູບເງົາທີ່ສ້າງປາກົດການໃໝ່ໃນ ທົ່ວໂລກ ໂຈກເກີ ເລົ່າເລື່ອງລາວ ຂອງໜຸ່ມຕົວຕະຫຼົກຊື່ ອາເທີ ທີ່ບໍ່ປະສົບຄວາມສຳເລັດ ແລະຖືກຂົ່ມ ເຫງຈາກສັງຄົມຈົນມາຮອດມື້ໜຶ່ງ ໄດ້ກາຍມາເປັນສິ່ງທີ່ກັບມາເອົາ ຄືນສັງຄົມໃນຊື່ຂອງ ໂຈກເກີ. ຮູບເງົາເລື່ອງນີ້ກວາດລາຍໄດ້ເຖິງ 1,051 ລ້ານໂດລາ.

ອັນດັບ 1: Avengers: End game ບໍ່ແປກໃຈທີ່ເລື່ອງນີ້ຢູ່ທີ່ ອັນດັບໜຶ່ງທີ່ມີຄົນຄົ້ນຫາຂໍ້ມູນຫຼາຍທີ່ສຸດເນື່ອງຈາກເປັນພາກຈົບຂອງມະຫາກາບ Avengers ທີ່ຍືດເຍື້ອຍາວນານມາຫຼາຍປີ.ພ້ອມນີ້ຮູບເງົາເລື່ອງນີ້ຍັງສ້າງປາກົດການການເປັນຮູບເງົາທີ່ສ້າງ ລາຍຮັບຫຼາຍທີ່ສຸດແຊງໜ້າແຊັມເກົ່າຢ່າງ Avatar ໄປໄດ້ດ້ວຍລາຍໄດ້ທົ່ວໂລກ 2,798 ລ້ານ ໂດລາ.

----------------------

ພາບ ແລະຂ່າວຈາກໜັງ: ສືພິມເສດຖະກິດ-ສັງຄົມ

แชร์