ຫົວເຫວີຍກຽມຍ້າຍສູນວິໄຈຈາກອາເມລິກາ ໄປການາດາແທນ

      ຕ້ອງຮັບມືຢ່າງລະມັດລະວັງຫຼາຍຂຶ້ນຫຼ້າສຸດຊີອີໂອຂອງຫົວເຫວີຍ, RenZhengfei ກໍອອກ ມາສະແດງຄວາມຄືບໜ້າຂອງບໍລິສັດເພີ່ມເຕີມແລ້ວ.RenZhengfei ໃຫ້ສຳພາດກັບ Canada’s Globe and Mail ວ່າສູນວິໄຈ ແລະພັດທະນາຂອງ Huawei ປະຈຳອາເມລິກາຈະຍ້າຍຖິ່ນຖານໄປປະຈຳທີ່ການາດາ ແທນສຳນັກຂ່າວຣອຍເຕີຍັງລາຍ ງານເພີ່ມວ່າບໍລິສັດອາດເລີ່ມຜະ ລິດອຸປະກອນໂຄງຂ່າຍນອກ ສປ ຈີນດ້ວຍ.

Ren ຍັງກ່າວເພີ່ມເຕີມເຖິງ ຈຸດປະສົງທີ່ຈະສ້າງໂຮງງານໃໝ່ ໃນເອີຣົບເພື່ອຜະລິດໂຄງຂ່າຍ 5G ໂດຍກົງໃນພາກພື້ນເພື່ອຢັບຢັ້ງ ຄວາມຢ້ານໃນຕົວແບຣນຫົວເຫວີຍ ຊຶ່ງລິເລີ່ມ ໂດຍອາເມລິກາພຽງ ເພາະເປັນແບຣນຈີນເທົ່ານັ້ນ.

ຫົວເຫວີຍທຸ່ມງົບປະມານໃນ ການດຳເນີນການຂອງສູນວິໄຈໄປ ປະມານ 510 ລ້ານໂດລາສະຫະ ລັດ ແລະເນື່ອງຈາກຂໍ້ຈຳກັດຂອງອາເມລິກາ ເຮັດໃຫ້ບໍລິສັດປັບຫຼຸດ ຈຳນວນພະນັກງານຈາກ 600 ຄົນ ເຫຼືອປະມານ 250 ຄົນເທົ່ານັ້ນ.

----------------------

ພາບ ແລະຂ່າວຈາກໜັງ: ສືພິມເສດຖະກິດ-ສັງຄົມ

แชร์