ອັດຕະປື ສະຫຼອງບຸນນະມັດສະການພະເຈົ້າໄຊຍະເສດຖາທິລາດ

  ແຂວງອັດຕະປື ຈັດງານບຸນນະມັດສະການວັດທາດພະເຈົ້າໄຊຍະເສດຖາທິລາດ ປະຈໍາປີ 2019 ຖືເປັນງານບຸນໃຫຍ່ອັນ ສໍາຄັນທີ່ຍັງສືບສານຮັກສາໄວ້ໃຫ້ ພໍ່ແມ່ປະຊາຊົນພາຍໃນແຂວງ, ຊາວຕ່າງແຂວງ ແລະຊາວຕ່າງ ປະເທດໄດ້ເຂົ້າຮ່ວມຮັບຊົມກາບໄຫວ້ບູຊາສິ່ງສັກສິດຄູ່ບ້ານຄູ່ເມືອງໃນແຕ່ລະປີເປັນຈໍານວນຫຼວງຫຼາຍ ຊຶ່ງປີນີ້ພະແນກຖະແຫຼງຂ່າວ, ວັດທະນະທຳ ແລະທ່ອງທ່ຽວແຂວງກໍ່ໄດ້ຈັດໃຫ້ມີຫຼາຍກິດຈະກຳເພື່ອ ສ້າງໃຫ້ບັນຍາກາດໃນງານສະເຫຼີມສະຫຼອງງານບຸນນະມັດສະ ການລະນຶກເຖິງຄຸນພະເຈົ້າໄຊຍະ ເສດຖາທິລາດໄດ້ມີບັນຍາກາດ ຊຶ່ງ ນອກຈາກຄວາມມ່ວນຊື່ນທາງດ້ານກຳລັງໃຈແລ້ວຍັງເປັນການສ້າງຄວາມສ່ວຍງາມທາງດ້ານ ການສົ່ງເສີມການທ່ອງທ່ຽວດ້ານວັດທະນະທຳ ແລະປະຫວັດສາດ ດຶງດູດນັກທ່ອງທ່ຽວເຂົ້າມາທ່ຽວໃຫ້ນັບມື້ນັບຫຼາຍຂຶ້ນນຳອີກ.

ໃນງານບຸນນະມັດສະການພະເຈົ້າໄຊຍະເສດຖາທິລາດ ປະຈຳປີ 2019 ໄດ້ມີກິດຈະກຳອັນຫຼາກ ຫຼາຍເພື່ອໃຫ້ບັນດາທ່ານທີ່ໄດ້ເຂົ້າມາທ່ຽວຊົມພາຍໃນງານໄດ້ມີບັນ ຍາກາດສະໜຸກສະໜານເຊັ່ນ: ວັນ ທີ 5-9 ທັນວາ ມີການວາງສະແດງຈຳໜ່າຍສິນຄ້າຕະຫຼາດນັດ ແລະຜະລິດຕະພັນສິນຄ້າທ້ອງຖິ່ນ ມາຈາກທຸກພາກສ່ວນໃນທົ່ວເມືອງ; ມາໃນຄືນວັນທີ 10 ທັນວາ ມີ ງານສະເເດງສິລະປະ-ວັດທະນະທຳ ແລະປະກວດນັກຮ້ອງສຽງດີ; ຄືນວັນທີ 11 ທັນວາ 2019 ມີງານ ປະກວດນາງສາວເມືອງຄືນວັນທີ 12 ທັນວາ ມີງານສະແດງສິລະປະທ້ອງຖິ່ນຂອງເມືອງ ຊຶຶຶຶ່ງລວມ ມີລາຍການສະເເດງທັງໝົດ 13 ລາຍການ; ວັນທີ 13 ໄດ້ມີການ ປະດັບຕົບແຕ່ງກອງບຸນ 1 ກອງໂດຍເປັນການປະກອບສ່ວນສັດທາ ລວມຂອງປະຊາຊົນບັນດາເຜົ່າ ແລະແຮ່ປະສາດເຜິ້ງ, ແຮ່ຕົ້ນກອງ ຫຼອນ ລວມມີພາກລັດ, ເອກະຊົນ ແລະອອກຕົນຍາດໂຍມໃນທົ່ວ ແຂວງເຂົ້າຮ່ວມທັງໝົດ 43 ພາກ ສ່ວນ, ໄດ້ເຂົ້າຮ່ວມພິທີຮັບຟັງທຳ ມະເທສະໜາ, ຕອນຄ່ຳຄືນມີການ ວຽງທຽນ ແລະຟ້ອນລຳວົງຢ້ອນ ຍຸກຕາມຮີດຄອງປະເພນີລາວ, ໃນວັນທີ 14 ທັນວາ2019 ກົງກັບ ມື້້ແຮມ 3 ຄໍ່າເດືອນ 1ປີ ພສ 2562 ໄດ້ມີພິທີຕັກບາດຖວາຍສັງຂະທານມີພະສົງ 17 ອົງຊຶ່ງໄດ້ມີພະນັກງານການນຳຂັ້ນແຂວງ,ການນຳຂັ້ນເມືອງ,ພະນັກງານ-ລັດຖະກອນ,ພໍ່ແມ່ປະຊາຊົນ ແລະ ອອກຕົນຍາດໂຍມເຂົ້າຮ່ວມຢ່າງຫຼວງຫຼາຍ, ໃນເວລາດຽວກັນມີງານປະກວດເທສະການເຂົ້າປຸ້ນພື້ນເມືອງສົ່ງເສີມເອກະລັກ ແລະຮັກສາວັດທະນະທຳໃຫ້ຍືນຍົງ ໂດຍ ໄດ້ມີບັນດາພາກສ່ວນເຂົ້າຮ່ວມປະກວດທັງໝົດ 8 ພາກສ່ວນ ແລະ ຜ່ານການປະກວດໄດ້ຮັບລາງວັນສະເລີດແມ່ນໂຮງຮຽນ ມສ ເຊດຖາ ມີຂອງຂວັນລາງວັນ 6 ແສນ ກີບ:ລາງວັນຮອງອັນດັບສອງແມ່ນບ້ານຟັ່ງແດງມີຂອງຂວັນ ລາງວັນ 5 ແສນກີບ ແລະລາງວັນຮອງອັນດັບ 3 ແມ່ນ ບ້ານຊ້າຍ ມີຂອງຂວັນລາງວັນ 4 ແສນກີບ.

ນອກຈາກນັ້ນໃນງານບຸນນະມັດສະການປີນີ້ຍັງໄດ້ມີການຈັດກິດຈະກຳແຂ່ງຂັນກີລາເຮືອຊ່ວງ ຕາມຮອຍຕຳນານພະເຈົ້າໄຊຍະເສດຖາທິລາດ ທີ່ໄດ້ສືບສານວັດ ທະນະທຳຮີດຄອງປະເພນີອັນດີ ງາມນັ້ນ ແລະໄດ້ມີບັນດານັກສີພາຍເຂົ້າຮ່ວມແຂ່ງຂັນທັງໝົດ 43 ພາກສ່ວນ, ຜົນການແຂ່ງຂັນ ລາງວັນຊະນະເລີດແມ່ນເຮືອເຕ ຊິນ 88 ມີຂອງຂວັນລາງວັນ 1 ລ້ານກີບ ພ້ອມຂັນໜຶ່ງໜ່ວຍ; ຮອງ ຊະນະເລີດແມ່ນເຮືອກຳມະບານ ເມືອງໄຊເສດຖາ ມີຂອງຂວັນລາງວັນ  7  ແສນກີບ ແລະຮອງອັນດັບ 3 ແມ່ນເຮືອຫວຍໂຊກໄຊ ມີຂອງ ຂວັນລາງວັນ 5 ແສນກີບ.

-----------------------

ພາບ ແລະຂ່າວຈາກໜັງ: ສືພິມເສດຖະກິດ-ສັງຄົມ

แชร์