ແຂ່ງຂັນກີລາອະນຸບານ ທົ່ວເມືອງສີໂຄດຕະບອງ

 ຫ້ອງການສຶກສາທິການ ແລະກີລາເມືອງສີໂຄດຕະບອງຈັດແຂ່ງຂັນກີລາຊັ້ນອະນຸບານປະຈຳສົກຮຽນ 2019-2020 ພາຍໃນເມືອງສີໂຄດຕະບອງ ເພື່ອເປັນການຂໍ່ານັບຮັບຕອນກອງປະຊຸມໃຫຍ່ ຄັ້ງທີ VII ຂອງອົງຄະນະພັກເມືອງສີໂຄດຕະບອງ ໂດຍມີ ໂຮງຮຽນທີ່ເຂົ້າຮ່ວມ 38 ແຫ່ງ ແຂ່ງຂັນແບ່ງອອກເປັນ 2 ປະເພດ ຄື: ໂຍນບານເຂົ້າກະຕ່າ ແລະເຕະບານເຂົ້າໂກນນ້ອຍ.

ວັນທີ 14 ທັນວາຜ່ານມາ ທີ່ ໂຮງຮຽນມິດຕະພາບວຽງຈັນ-ໂຮ່ຈີມິນ (ມ ປາຍສີໂຄດຕະບອງ ເກົ່າ) ສກມ ສີໂຄດຕະບອງ ໄດ້ຈັດການແຂ່ງກີລາອານຸຊົນຊັ້ນ ອະນຸບານທີ່ໂຮງຮຽນມິດຕະພາບວຽງຈັນໂຮ່ຈີມິນໂດຍໃຫ້ກຽດເຂົ້າຮ່ວມ ແລະມອບລາງວັນຂອງ ທ່ານ ມະນີຫົງ ຈັນທະວົງສາ ຫົວໜ້າຫ້ອງການສຶກສາທິການ ແລະ ກີລາເມືອງສີໂຄດຕະບອງ ແລະ ທ່ານ ເກດສະໜາ ທອງມະນີວົງ ຮອງຫົວໜ້າຫ້ອງການສຶກສາທິການ ແລະກີລາເມືອງສີໂຄດຕະ ບອງ ພ້ອມບັນດາພະນັກງານ, ຄູ-ອາຈານ, ນ້ອງນັກຮຽນ ແລະ ພໍ່ແມ່ຜູ້ປົກຄອງເຂົ້າຮ່ວມ.

ໃນການແຂ່ງຂັນກີລາຊັ້ນອະ ນຸບານສົກຮຽນ 2019-2020 ໃນຄັ້ງນີ້ມີໂຮງຮຽນທີ່ເຂົ້າຮ່ວມທັງໝົດ 38 ໂຮງຮຽນເຂົ້າຮ່ວມ ແຂ່ງ ໂດຍແຂ່ງຂັນ 2 ປະເພດກີ ລາກໍຄື: ໂຍນບານເຂົ້າກະຕ່າມີ 19 ທີມເຂົ້າຮ່ວມແຂ່ງຂັນ ແລະ ເຕະບານເຂົ້າໂກນນ້ອຍມີ 19 ທີມ ເຂົ້າຮ່ວມແຂ່ງຂັນເຊັ່ນກັນຜ່ານການແຂ່ງຂັນຜົນປະກົດວ່າ: ປະເພດເຕະບານເຂົ້າໂກນນ້ອຍອັນດັບ ທີ 1 ໂຮງຮຽນອະນຸບານແສງວິໄລ ຮັບຂັນລາງວັນພ້ອມເງິນຈຳນວນ 2,5 ແສນກີບ, ອັນດັບທີ 2 ໂຮງ ຮຽນອະນຸບານປີຍະດາ ຮັບຂັນລາງວັນພ້ອມເງິນ 2 ແສນກີບ,ອັນດັບທີ 3 ໂຮງຮຽນອະນຸບານ ລິນດ້າ ຮັບຂັນລາງວັນພ້ອມເງິນ 1,5 ແສນກີບ ແລະອັນດັບທີ 4 ໂຮງຮຽນອະນຸບານວັນນະພາ ຮັບເງິນລາງວັນ 1 ແສນກີບ, ສໍາລັບ ປະເພດໂຍນບານເຂົ້າກະຕ່າ ອັນດັບທີ 1 ໂຮງຮຽນອະນຸບານຮຸ່ງ ເຮືອງ ຮັບຂັນລາງວັນພ້ອມເງິນ 2,5 ແສນກີບ, ສ່ວນອັນດັບທີ 2 ໂຮງຮຽນອະນຸບານລິນດ້າ ຮັບຂັນ ລາງວັນພ້ອມເງິນ 2 ແສນກີບ,ອັນດັບທີ 3 ໂຮງຮຽນອະນຸບານ ສະເຫຼີມສຸກ ຮັບຂັນລາງວັນພ້ອມ ເງິນ 1,5 ແສນກີບ ແລະອັນດັບທີ 4 ຮັບເງິນລາງວັນ 1 ແສນກີບ.

--------------------------

ພາບ ແລະຂ່າວຈາກໜັງ: ສືພິມເສດຖະກິດ-ສັງຄົມ

แชร์