ສຳເລັດກອງປະຊຸມໃຫຍ່ ຂອງໜ່ວຍພັກ ມັດທະຍົມສຶກສາແຂວງສາລະວັນ

  ວັນທີ 16 ທັນວາ ຜ່ານມາ ໜ່ວຍພັກມັດທະຍົມສຶກສາພະແນກສຶກສາທິການ ແລະກີລາ ແຂວງໄດ້ສໍາເລັດກອງປະຊຸມໃຫຍ່ ຄັ້ງທີ I ຂອງຕົນ,ໂດຍການເປັນປະທານຂອງສະຫາຍ ບຸນທຽມ ຈັນທະຈອນ ເລຂາໜ່ວຍພັກມັດທະຍົມສຶກສາ,ໃຫ້ກຽດເຂົ້າຮ່ວມ ຂອງສະຫາຍ ສີລິສັກ ຖະໜອມຮັກ ເລຂາຄະນະພັກຮາກຖານພະແນກສຶກສາທິການ ແລະກີລາ, ມີ ຄະນະພັກ, ເລຂາໜ່ວຍພັກອ້ອມ ຂ້າງ, ບັນດາທ່ານຈາກຄະນະກວດກາແຂວງ, ຄະນະໂຄສະນາອົບຮົມແຂວງ ແລະສະມາຊິກສົມ ບູນເຂົ້າຮ່ວມ.

ສະຫາຍ ບຸນທຽມ ຈັນທະຈອນ ໄດ້ຜ່ານບົດລາຍງານການຈັດຕັ້ງ ປະຕິບັດວຽກງານໃນໄລຍະຜ່ານ ມາ, ໂດຍລວມແມ່ນໄດ້ຕີລາຄາ ດ້ານຕັ້ງໜ້າ, ຂໍ້ຄົງຄ້າງ ແລະບົດຮຽນທີ່ຖອດຖອນໄດ້ທີ່ໄດ້ສະແດງໃຫ້ເຫັນເຖີງຜົນງານໃນການຊີ້ນຳໆພາວຽກງານໃນແຕ່ລະດ້ານໂດຍສະເພາະແຕ່ລະຂະແໜງ,ໜ່ວຍພັກມັດທະຍົມສຶກສາປະກອບ ມີ 3 ຂະແໜງ ຄື:ຂະແໜງມັດທະ ຍົມ,ຂະແໜງສຶກສາກ່ອນໄວຮຽນ-ປະຖົມສຶກສາ ແລະຂະແໜງພັດ ທະນາຄູ, ມີສະມາຊິກພັກທັງໝົດ 10 ສະຫາຍ, ຍິງ 2 ສະຫາຍ, ໄດ້ເຂົ້າຮ່ວມຕົວຈິງ 8 ສະຫາຍ, ຍິງ 2 ສະຫາຍ, 5 ປີຜ່ານມາ ໄດ້ເອົາໃຈໃສ່ໃນການສຶກສາອົບຮົມການເມືອງແນວຄິດເປັນກົກ ແລະເປັນວຽກທີ່ສຳຄັນໃນການເຕົ້າໂຮມຄວາມສາມັກຄີເປັນປຶກແຜ່ນ ແລະເອົາໃຈໃສ່ປັບປຸງການຈັດຕັ້ງໃຫ້ສອດຄ່ອງໃນດ້ານແບບແຜນ ການນຳພາ, ແບບແຜນວິທີເຮັດວຽກ,ທັງໄດ້ຊຸກຍູ້ການພັດທະນາ ວຽກງານວິຊາສະເພາະກໍ່ຄືວຽກ ງານການສຶກສາເປັນຕົ້ນ:ວຽກມັດທະຍົມສຶກສາ ຊຶ່ງໄດ້ຊຸກຍູ້ໃຫ້ ການຊ່ວຍເຫຼືອໃນການບໍລິຫານ-ຄຸ້ມຄອງໂຮງຮຽນ,ສ້າງໂຮງຮຽນຕົວແບບ ແລະສ້າງໂຮງຮຽນຕົວແບບປອດສິ່ງເສບຕິດ ໂດຍເລັງໃສ່ປະຕິບັດ 3 ຂໍ້ແຂ່ງຂັນ, 3 ລັກສະນະ ແລະ5 ຫຼັກມູນ,ທັງໄດ້ຈັດ ສົ່ງນັກຮຽນໄປຮຽນຕໍ່ວິຊາຊີບ,ວິທະຍາໄລທັງພາຍໃນ ແລະຕ່າງປະເທດ,ສຳລັບວຽກສຶກສາກ່ອນ ໄວຮຽນແມ່ນສາມາດຈັດຕັ້ງປະຕິບັດໄດ້ຕາມຄາດໝາຍທີ່ວາງໄວ້, ປະຈຸບັນອັດຕາເຂົ້າຮຽນໃໝ່ສຸດທິ ເດັກໃນເກນອາຍຸ 3-5 ປີ, ອັດຕາ ການເລື່ອນຂັ້ນ ແລະອັດຕາການ ລອດເຫຼືອແມ່ນມີທ່າອ່ຽງດີຂຶ້ນ ເປັນກ້າວໆ,ນອກນັ້ນໄດ້ເອົາໃຈໃສ່ ການພັດທະນາຄູເປັນຕົ້ນ:ໄດ້ມີການຕິດຕາມນັກຮຽນຄູຝຶກຫັດວິ ຊາຊີບ, ປະເມີນຄວາມຕ້ອງການຝຶກອົບຮົມຄູສອນຊັ້ນປະຖົມສຶກສາ, ຕິດຕາມທົດລອງຫຼັກສູດໃໝ່ ແລະອື່ນໆ,ຈາກນັ້ນກອງປະຊຸມ ກໍໄດ້ຜ່ານບົດສຳຫຼວດການນຳພາ ລວມຂອງໜ່ວຍພັກ, ຜ່ານມາດ ຖານເງື່ອນໄຂຜູ້ທີ່ຈະສະໝັກເລືອກ ຕັ້ງເປັນເລຂາໜ່ວຍພັກຊຸດໃໝ່.

ກອງປະຊຸມຄັ້ງນີ້ໄດ້ມີການປ່ອນບັດເລືອກຕັ້ງເອົາຄະນະໜ່ວຍພັກ ຊຸດໃໝ່ ຊຶ່ງມີຜູ້ສະໝັກ 5 ສະຫາຍ, ຍິງ1ສະຫາຍ, ເລືອກເອົາ 3 ສະຫາຍ,ຜ່ານການປ່ອນບັດ ແລະ ຕາມການຕົກລົງເຫັນດີໃນກອງປະຊຸມຄັ້ງປະຖົມມະລຶກໄດ້ເລືອກເອົາ ສະຫາຍ ສຸນີ ນາມມະບົວລີ ເປັນ ເລຂາໜ່ວຍພັກມັດທະຍົມສຶກສາ   ຊຸດໃໝ່,ສະຫາຍ ນາງ ຄຳຄ່ອງ ຈັນທະວົງສັກ ເປັນຮອງເລຂາ, ສະຫາຍ ບຸນປາຄອງ ຄໍາພິໄລ ເປັນຄະນະທັງເປັນປະທານກວດກາພັກ ແລະ ເລືອກເອົາສະຫາຍ ຄຳຜົງ ໄຊສົງຄາມ ເປັນຮອງປະທານກວດກາ.

---------------------------

ພາບ ແລະຂ່າວຈາກໜັງ: ສືພິມເສດຖະກິດ-ສັງຄົມ

แชร์