ຜົນກອງປະຊຸມໃຫ່ຍ ອົງຄະນະພັກກອງບັນຊາການທະຫານແຂວງນ້ຳທາ

  ພາຍຫຼັງທີ່ກອງບັນຊາການທະຫານແຂວງຫຼວງນໍ້າທາເປີດກອງປະຊຸມໃຫຍ່ຄັ້ງທີ V ຂອງອົງຄະນະພັກກອງບັນຊາການທະຫານແຂວງມາເປັນເວລາ 2 ວັນ (ແຕ່ ວັນທີ 12 ຫາ 13 ທັນວາ), ມາໃນວັນທີ 13 ທັນວາ 2019 ໄດ້ປິດ ລົງດ້ວຍຜົນສໍາເລັດພາຍໃຕ້ການເປັນປະທານໂດຍສະຫາຍ ພົນຈັດ ຕະວາ ອີ່ນແກ້ວ ມະນິຈັນ ເລຂາອົງຄະນະພັກກອງບັນຊາການທະຫານແຂວງຫຼວງນໍ້າທາເປັນກຽດເຂົ້າຮ່ວມໂດຍສະຫາຍ ເພັດຖາວອນ ພິລະວັນ ເລຂາພັກແຂວງເຈົ້າແຂວງໆຫຼວງນໍ້າທາ.

ສະໜັບສະໜຸນໂດຍ: HONDA

  ສະຫາຍພົນຈັດຕະວາ ອິນແກ້ວ ມະນີຈັນ ເລຂາອົງຄະນະພັກກອງບັນຊາການທະຫານແຂວງໄດ້ກ່າວວ່າ: ກອງປະຊຸມນີ້ຈັດຂຶ້ນເພື່ອເປັນການປະຕິບັດຫຼັກການນໍາພາ ແລະ ການຈັດຕັ້ງຂອງພັກແນ່ໃສ່ປັບປຸງພັກທາງດ້ານການເມືອງ-ແນວຄິດ, ການຈັດຕັ້ງ ແລະ ແບບແຜນວິທີນໍາພາໂດຍກອງປະຊຸມໄດ້ຮັບຮອງເອົາບົດລາຍງານການເມືອງດ້ານດີ, ດ້ານອ່ອນ, ສາເຫດ ແລະຮັບຮອງເອົາທິດທາງແຜນການຄາດໝາຍສູ້ຊົນຂອງຄະນະພັກກອງບັນຊາການ 5 ປີຕໍ່ໜ້າ,ຮັບຟັງການປະກອບຄໍາເຫັນຂອງບັນດາສະຫາຍຜູ້ແທນ ແລະ ແຂກເຂົ້າຮ່ວມກອງປະຊຸມ, ປ່ອນບັດເລືອກຕັ້ງເອົາຄະນະກອງບັນຊາການແຂວງຊຸດໃໝ່, ເພື່ອເປັນຫຼັກແຫຼ່ງນໍາພາຈັດຕັ້ງປະຕິບັດມະຕິກອງປະຊຸມໃຫ່ຍທີ່ໄດ້ກໍານົດເຊິ່ງມີຜູ້ສະໝັກ 15 ສະຫາຍ, ປ່ອນເອົາ 11 ສະຫາຍ, ກອງປະຊຸມເປັນເອ ກະສັນປະຊາທິປະໄຕເລືອກໄດ້ ສະຫາຍ ພົນຈັດຕະວາ ອິນແກ້ວ ມະນີຈັນເປັນເລຂາອົງຄະນະພັກກອງບັນຊາການທະຫານແຂວງ, ສະຫາຍ ພັນໂທ ຄໍາເຫຼັກ ສາຍພວນເປັນປະທານກວດກາພັກ ແລະ ສະຫາຍ ພັນໂທ ຄໍາອ້ອຍ ລໍຕະກຸນ ເປັນຮອງປະທານກວດກາພ້ອມດ້ວຍຄະນະອີກ 8 ສະຫາຍ , ພ້ອມນັ້ນຜູ້ແທນກອງປະຊຸມຍັງໄດ້ໃຊ້ສິດເລືອກຕັ້ງປ່ອນບັດເອົາຜູ້ແທນສົມບູນ-ສໍາຮອງເຂົ້າຮ່ວມກອງປະຊຸມໃຫ່ຍຄັ້ງທີ 8 ຂອງແຂວງຫຼວງນໍ້າທາ, ມີຜູ້ສະໝັກ 29 ສະຫາຍ, ເລືອກເອົາ 24 ສະຫາຍ.ໂອກາດດຽວກັນນີ້ກອງປະຊຸມຍັງໄດ້ມອບເງິນ ແລະ ກະຕ່າຂອງຂວັນໃຫ້ແກ່ການນໍາຂັ້ນສູງຂອງແຂວງ ແລະກອງບັນຊາການຕື່ມອີກ.

ຈາກນັ້ນ ສະຫາຍ ເພັດຖາວອນ ພິລະວັນ ໄດ້ສະແດງຄວາມຍ້ອງຍໍຊົມເຊີຍຕໍ່ໝາກຜົນການຊີ້ນໍາໆພາຂອງຄະນະພັກຊຸດເກົ່າທີ່ໄດ້ນໍາພາພະນັກງານສະມາຊິກພັກ-ນັກ ຮົບປະຕິວັດ, ເຊື່ອມຊຶມ ແລະຈັດຕັ້ງປະຕິບັດມະຕິກອງປະຊຸມໃຫ່ຍຄັ້ງທີ X ຂອງພັກ, ມະຕິຄັ້ງ ທີ່ IV ຂອງອົງຄະນະພັກກະຊວງປ້ອງກັນປະເທດ, ມະຕິຄັ້ງທີ VIII ຂອງຄະນະບໍລິຫານງານພັກແຂວງ, ມະຕິກອງປະຊຸມໃຫ່ຍຄັ້ງທີ IV ຂອງຄະນະພັກກອງບັນຊາການທະຫານແຂວງດ້ວຍຜົນສໍາເລັດຫຼາຍດ້ານ ແລະ ສະຫາຍຍັງໄດ້ປຸກລະດົມໃຫ້ກໍາລັງໃຈ, ໃຫ້ຄວາມເຊື້ອໝັ້ນຕໍ່ຄະນະຊຸດໃໝ່ທີ່ຈະສຶບຕໍ່ນໍາພາຈັດຕັ້ງປະຕິບັດມະຕິກອງປະຊຸມໃຫ່ຍຄັ້ງທີ V ຂອງຄະນະພັກກອງບັນຊາການທະຫານແຂວງໃຫ້ໄດ້ຮັບຜົນສໍາເລັດຫຼາຍຂຶ້ນກວ່າເກົ່າ.

____________

ຂຽນໂດຍ: ກິ່ນນາລົມ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

ບໍລິການໂຄສະນາທາງເຟສບຸກ ແລະເວັບໄຊ

ໂທ: 021 313645, 316511

 

แชร์