ຮົມຢາພື້ນເມືອງເປິດຕະຫຼາດນັດພື້ນບ້ານ

  ວັນທີ 14-15 ທັນວາ 2019 ຮ້ານຮົມຢາພື້ນເມືອງອໍກະນິກຊາວນາບ້ານໜອງດ້ວງໃຕ້ເມືອງສີໂຄດຕະບອງນະຄອນຫຼວງວຽງຈັນໄດ້ຈັດກິດຈະກໍາເປີດຕະຫຼາດນັດພື້ນບ້ານເພື່ອສົ່ງເສີມແມ່ຄ້າຊາວຂາຍໄດ້ນຳເອົາສິນຄ້າຫັດຖະກຳມາວາງຂາຍ ແລະສົ່ງເສີມໃຫ້ເດັກມີບ່ອນຫຼິ້ນກິດຈະກຳກິນອາຫານຜະລິດຕະພັນທີ່ເປັນວັດທະນະທຳລາວ.

ທ່ານ ນາງ ວຽງເພັດ ພົມມະວົງ ເຈົ້າຂອງຮ້ານຮົມຢາພື້ນເມືອງອໍກະນິກຊາວນາກ່າວວ່າ: ເນື່ອງຈາກວ່າຮ້ານຮົມຢາພື້ນເມືອງຂອງເຮົາເປັນບ່ອນຮົມຢາ ແລະຮັກສາສຸຂະພາບດ້ວຍສະໝຸນໄພທຳຈາກທຳມະຊາດທີ່ເປັນເອກະລັກຂອງວັດທະນະທຳລາວຈາກນັ້ນຈຶ່ງໄດ້ຈັດກິດຈະກຳເປີດທົດລອງຈັດສັນຕະຫຼາດພື້ນບ້ານເພື່ອໃຫ້ບັນດາແມ່ຄ້າຊາວຂາຍນຳເອົາສິນຄ້າຜະລິດຕະພັນພື້ນບ້ານນຳມາວາງຂາຍໂດຍບໍ່ໄດ້ເສຍຄ່າເຊົ່າຊຶ່ງມີ 16 ຮ້ານເຂົ້າຮ່ວມເຊັ່ນ: ຮ້ານຊຸດຜ້າໄໝລາວ, ອາຫານ, ເຂົ້າໜົມ, ໝາກໄມ້, ເຄື່ອງດື່ມຮັກສາສຸຂະພາບ, ຊາ, ກາເຟບູຮານ ແລະ ຜະລິດຕະພັນຫັດຖະກຳລາວອື່ນໆ ພິເສດສຳລັບເດັກນ້ອຍຍັງມີກິດຈະກຳໃຫ້ຫຼິ້ນອີກດ້ວຍໂດຍເນັ້ນໃສ່ຕຸກກະຕາ ແລະກິດຈະກຳຖ່າຍຮູບຊຸດລາວປະຍຸກ.

------

 ຈຸດປະສົງເພື່ອໃຫ້ແມ່ຄ້າຊາວຂາຍໄດ້ມີກິດຈະກຳຮ່ວມກັນທີ່ນຳເອົາຜະລິດຕະພັນຫັດຖະກຳແບບພື້ນບ້ານແຕ່ລະທ້ອງຖິ່ນມາວາງຂາຍ ແລະສົ່ງເສີມໃຫ້ເດັກມີບ່ອນຫຼິ້ນກິດຈະກຳຮູ້ຈັກຮີດຄອງປະເພນີວັດທະນະທຳລາວ.

__________

ຂຽນໂດຍ: ແພງຕາ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

ບໍລິການໂຄສະນາທາງເຟສບຸກ ແລະເວັບໄຊ

ໂທ: 021 313645, 316511

 

แชร์