ຜົ້ງສາລີ ອະນຸມັດງົບປະມານການລົງທຶນລັດ 34 ຕື້ກວ່າກີບ

  ຈາກ 233 ໂຄງການລົງທຶນຂອງລັດມູນຄ່າ 37,06 ຕື້ກີບ ທີ່ແຂວງຜົ້ງສາລີໄດ້ອະນຸມັດຈັດຕັ້ງປະຕິບັດໃນປີ 2019 ໂດຍມີທັງທຶນປົກກະຕິ, ທຶນພັດທະນາຊົນນະ ບົດ-ລຶບລ້າງຄວາມທຸກຍາກ, ທຶນຈັດສັນພູມລຳເນົາ, ທຶນໂຄງການຟື້ນຟູໄພພິບັດ ແລະອື່ນໆ ຊຶ່ງມາຮອດປະຈຸບັນແມ່ນສາມາດອະນຸມັດງົບປະມານການລົງທຶນໄດ້ທັງ ໝົດ 208 ໂຄງການມູນຄ່າ 34,02 ຕື້ກີບ ກວມ 91,80% ຂອງງົບປະມານທຶນທັງໝົດ.

  ອີງຕາມຂໍ້ມູນຈາກແຂວງຜົ້ງສາລີໃຫ້ຮູ້ວ່າ: ໃນປີ 2019 ລັດຖະບານໄດ້ອະນຸມັດໂຄງການລົງທຶນຂອງລັດໃຫ້ແຂວງຜົ້ງສາລີທັງໝົດ 233 ໂຄງການ ລວມມູນຄ່າ ທັງໝົດ 37,06 ຕື້ກີບ ໃນນີ້ ທຶນປົກກະຕິຈຳນວນ 179 ໂຄງການມູນຄ່າ 18,24 ຕື້ກີບ, ທຶນພັດທະນາຊົນນະບົດ ແລະ ລຶບລ້າງຄວາມ ທຸກຍາກ 9 ໂຄງການ ມູນຄ່າ 3,71 ຕື້ກີບ, ທຶນຈັດສັນພູມລຳເນົາ 16 ໂຄງການ ມູນຄ່າ 1,6 ຕື້ກີບ, ທຶນພັດທະນາຕົວເມືອງໃໝ່ 1 ໂຄງ ການ ມູນຄ່າ 5,94 ຕື້ກີບ, ທຶນບູລິມະສິດ 2 ໂຄງການມູນຄ່າ 4,1 ຕື້ກີບ ແລະ ທຶນໂຄງການຟື້ນຟູໄພພິບັດ 26 ໂຄງການມູນຄ່າ 3,33 ຕື້ ກີບ, ຊຶ່ງມາຮອດປະຈຸບັນສາມາດອະນຸມັດງົບປະມານການລົງທຶນລັດໄດ້ທັງໝົດ 208 ໂຄງການມູນຄ່າ 34,02 ຕື້ກີບກວມ 91,80% ຂອງງົບປະມານທຶນທັງໝົດໃນນັ້ນ: ບ້ວງທຶນປົກກະຕິອະນຸມັດ 171 ໂຄງການມູນຄ່າ 21,52 ຕື້ກີບ ກວມ 95,99% ຂອງທຶນປົກກະຕິ; ບ້ວງທຶນພັດທະນາຊົນນະບົດ ແລະລຶບລ້າງຄວາມທຸກຍາກອະນຸມັດ 7 ໂຄງການມູນຄ່າ 3,14 ຕື້ກີບ ກວມ 84,81%; ບ້ວງທຶນຈັດສັນພູມລຳເນົາອະນຸມັດ 14 ໂຄງການມູນຄ່າ 1,54 ຕື້ກີບ ກວມ 92,29%; ບ້ວງທຶນພັດທະນາຕົວເມືອງໃໝ່ອະນຸມັດ 1 ໂຄງການມູນຄ່າ 5,94 ຕື້ກີບກວມ 100%; ບ້ວງທຶນຟື້ນຟູໂຄງການໄພພິບັດອະນຸມັດ 15 ໂຄງການ ມູນຄ່າ 1,8 ຕື້ກີບ ກວມ 56,52% ແລະ ບ້ວງລາຍຮັບເກີນແຜນປີ 2018 ຈໍານວນ 9 ໂຄງການ ມູນຄ່າ 1,98 ຕື້ກີບ.

ສະໜັບສະໜຸນໂດຍ: HONDA

  ນອກຈາກໂຄງການລົງທຶນຂອງລັດແລ້ວແຂວງຜົ້ງສາລີຍັງໄດ້ອະນຸມັດໂຄງການລົງທຶນຂອງພາກເອກະຊົນໂດຍໃນ 9 ເດືອນ ທີ່ຜ່ານມາໄດ້ອະນຸມັດໂຄງການລົງທຶນພາຍໃນ ແລະ ຕ່າງປະເທດຈໍານວນ 6 ໂຄງການ ມູນຄ່າ 11,97 ລ້ານໂດລາສະຫະລັດ, ຈົດທະບຽນ 3,56 ລ້ານໂດລາ ໃນນີ້, ໂຄງການລົງທຶນຂອງເອກະຊົນພາຍ ໃນ 3 ໂຄງການມູນຄ່າ 1,8 ລ້ານໂດລາ ແລະ ໂຄງການລົງທຶນເອກະຊົນຕ່າງປະເທດ 3 ໂຄງການມູນຄ່າ 10,17 ລ້ານໂດລາ, ຊຶ່ງບັນດາ ໂຄງການດັ່ງກ່າວໄດ້ສຸມໃສ່ຂະແໜງກະສິກຳ-ປ່າໄມ້ 4 ໂຄງການມູນຄ່າ 6,67 ລ້ານໂດລາ, ອຸດສາຫະກຳ-ຫັດຖະກຳ 1 ໂຄງການມູນຄ່າ 4,17 ລ້ານໂດລາ ແລະ ຂະແໜງການບໍລິການ 1 ໂຄງການ ມູນຄ່າ 1,12 ລ້ານໂດລາ.

  ມາຮອດປະຈຸບັນທົ່ວແຂວງຜົ້ງສາລີ ມີໂຄງການລົງທຶນເອກະຊົນທັງໝົດ 113 ໂຄງການເປັນມູນຄ່າ 365 ລ້ານກວ່າໂດລາ, ຈົດທະບຽນ 109,87 ລ້ານໂດລາ ໃນນີ້ການລົງທຶນພາຍໃນ 45 ໂຄງການມູນຄ່າ 105,28 ລ້ານໂດລາ ແລະການລົງທຶນຕ່າງປະເທດ 68 ໂຄງການ ມູນຄ່າ 259,76 ລ້ານໂດລາ,ຊຶ່ງໃນໄລຍະ 9 ເດືອນຜ່ານມາໄດ້ນໍາທຶນເຂົ້າມາຈັດຕັ້ງປະຕິບັດບັນດາໂຄງການດັ່ງກ່າວມູນຄ່າ 33,76 ລ້ານໂດລາໃນນີ້ໂຄງການລົງທຶນພາຍໃນ 2,88 ລ້ານໂດລາ ແລະ ໂຄງການລົງທຶນຕ່າງປະເທດ 30,88 ລ້ານໂດລາ.

----------------

ຂຽນໂດຍ: ກິ່ງລັດຕະນະ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

 

แชร์