ນ້ອງນັກຮຽນແຂວງຄຳມ່ວນ ໄດ້ຮັບທຶນການສຶກສາ

  ເອັດສຊີຈີ ສືບຕໍ່ມອບທຶນການສຶກສາໃຫ້ນ້ອງນັກຮຽນໃນລະດັບຊັ້ນມັດທະຍົມຕອນປາຍແຕ່ ມ5 ຫາ ມ7 ໃນໂຄງການ “SCG Sharing The Dream” ຊຶ່ງເປັນປີທີ່ 8 ຕິດຕໍ່ກັນ, ສຳລັບໃນສົກປີ 2019-2020 ນີ້ແມ່ນຈະມອບຈໍານວນ 300 ທຶນໃນນັ້ນຢູ່ນະຄອນຫຼວງວຽງຈັນ160 ທຶນ,ແຂວງຄໍາມ່ວນ 140 ທຶນ ແລະຍັງຈະສືບຕໍ່ມອບໃນລະດັບປະລິນຍາຕີເປັນປີທີ 2 ຫຼັງຈາກທີ່ໄດ້ມອບໄປແລ້ວຈຳນວນ 10 ທຶນໃນປີຜ່ານມາໂດຍຄັດເລືອກຈາກນ້ອງທີ່ເຄີຍໄດ້ຮັບທຶນໃນໄລຍະຜ່ານມາທີ່ມີຄວາມມຸ່ງໝັ້ນໃນການ ໄຝ່ຫາຄວາມຮູ້ ແລະໃຊ້ຄວາມຮູ້ທີ່ມີເປັນສິ່ງຊຸກຍູ້ສົ່ງເສີມຄວາມສຳເລັດໃນອະນາຄົດ.

  ເອັດສຊີຈີແມ່ນກຸ່ມບໍລິສັດຊັ້ນນຳທີ່ມຸ່ງສ້າງຄວາມຍືນຍົງໃນອາຊຽນໄດ້ສານຕໍ່ໂຄງການ SCG Sharing The Dream ເປັນປີທີ 8 ໃນ ສປປ ລາວ ຊຶ່ງຖືວ່າເປັນ ອີກໜຶ່ງໂຄງການກິດຈະກຳເພື່ອສັງຄົມຂອງ SCG ທີ່ສົ່ງເສີມການພັດທະນາສັກກະຍາພາບເຍົາວະຊົນຂອງປະເທດໃນອາຊຽນທີ່ SCG ໄດ້ເຂົ້າໄປດຳເດີນກິດຈະການເພື່ອສົ່ງເສີມໂອກາດທາງການສຶກສາໃຫ້ເຍົາວະຊົນທີ່ເປັນຄົນເກັ່ງ ແລະດີ, ມີຄວາມກະຕືລືລົ້ນທີ່ຈະສຶກສາຕໍ່ແຕ່ຂາດເຂີນທຶນການສຶກສາໄດ້ມີໂອກາດພັດທະນາຕົນເອງເພື່ອເປັນຄົນທີ່ດີຂອງຊາດ.

 ທ່ານ ວໍຣະການ ພົງສິຣິກຸນ ຜູ້ອຳນວຍການໃຫຍ່ບໍລິສັດຄຳມ່ວນຊີມັງ ຈຳກັດ ຊຶ່ງຕັ້ງຢູ່ບ້ານໂພວາ ເມືອງມະຫາໄຊ ແຂວງຄຳມ່ວນ ທີ່ເປັນເຄືອຂອງບໍລິສັດ SCG ກ່າວວ່າ: SCG ເຊື່ອວ່າປະເທດ ຊາດຈະເຂັ້ມແຂງໄດ້ກໍ່ຕ້ອງເລີ່ມ ຈາກຄົນທີ່ມີຄຸນນະພາບ ຊຶຶຶຶຶຶຶຶຶ່ງບໍ່ໄດ້ ໝາຍເຖິງແຕ່ຄົນເກັ່ງ ຫຼື ຄົນທີ່ມີຄວາມສາມາດຢ່າງດຽວແຕ່ຕ້ອງເປັນຄົນດີນຳສະນັ້ນ SCG ຈຶ່ງ ຊຸກຍູ້ໂຄງການຕ່າງໆ ທີ່ຊ່ວຍພັດທະນາບຸກຄະລາກອນຂອງປະເທດ ຜ່ານການສົ່ງເສີມດ້ານການສຶກສາຊຶ່ງເປັນທີ່ມາຂອງໂຄງການ SCG Sharing The Dream ໃນພູມິພາກອາຊຽນເຊັ່ນ: ສປປ ລາວ, ໄທ, ຫວຽດນາມ, ອິນໂດເນເຊຍ, ຟິລິບປິນ, ກຳປູເຈຍ ແລະມຽນມາໂດຍປະຈຸບັນໂຄງການໄດ້ມອບທຶນການສຶກສາໃຫ້ນັກຮຽນປີລະ 6.000 ທຶນໃນທົ່ວພູມິພາກອາຊຽນເພື່ອຮ່ວມພັດທະນາບັນດາປະເທດທີ່ SCG ເຂົ້າໄປດຳເນີນທຸລະກິດ.

ສະໜັບສະໜຸນໂດຍ: HONDA

 ໂຄງການ SCG Sharing The Dream ດຳເນີນໂຄງການທີ່ ສປປ ລາວ ຕໍ່ເນື່ອງເປັນປີທີ 8 ໂດຍໄດ້ຮັບການຮ່ວມມືຈາກສະມາຄົມຮ່ວມນໍ້າໃຈກັບເດັກນ້ອຍລາວຮັບສະໝັກນັກຮຽນຊັ້ນມັດທະຍົມສຶກສາປີທີ 5-7 ຈາກໂຮງຮຽນຕ່າງໆໃນເຂດເປົ້າໝາຍນະຄອນຫຼວງວຽງຈັນ ແລະແຂວງຄຳມ່ວນ ເພື່ອຄັດສັນເຍົາວະຊົນຄົນດີ, ມີ ຄວາມກະຕັນຍູ ແລະມຸ່ງໝັ້ນສ້າງຝັນດ້ານການສຶກສາໂດຍມີຄະນະກຳມະການຄັດເລືອກຈາກຂະແໜງສຶກສາທິການ ແລະພະນັກງານຂອງ SCG, ສຳລັບທຶນທີ່ຈະໄດ້ ຮັບໃນລະດັບມັດທະຍົມສຶກສາແມ່ນ 1.700.000 ກີບຕໍ່ທຶນພ້ອມອຸປະກອນການຮຽນອີກຈຳນວນໜຶ່ງ ແລະລັບດັບມະປະລິນຍາຕີແມ່ນ 5.100.000 ກີບ, ນອກ ຈາກການ ສະໜັບສະໜູນດ້ານການເງິນແລ້ວຍັງມີກິດຈະກຳເພື່ອພັດທະນາສັກກະຍາພາບ ແລະເສີມສ້າງຄຸນນະທຳຕະຫຼອດໄລຍະຂອງໂຄງການຕື່ມອີກ.

   ພິທີມອບ-ຮັບທຶນການສຶກສາດັ່ງກ່າວຈັດຂຶ້ນໃນວັນທີ 12 ທັນວາ 2019 ທີ່ສະໂມສອນຫຼັກ 4 ແຂວງຄຳມ່ວນ ໂດຍມີທ່ານ ວໍຣະການ ພົງສິຣິກຸນ ຜູ້ອຳນວຍການໃຫຍ່ບໍລິສັດຄຳມ່ວນຊີມັງຈຳກັດ, ທ່ານ ວົງເພັດ ຈິດປັນຍາ ຫົວໜ້າຫ້ອງວ່າການແຂວງຄຳມ່ວນ, ທ່ານ ນັນຕະໄຊ ອິນທະສອນ ຮອງຫົວໜ້າພະແນກສຶກສາທິການ ແລະກີລາແຂວງຄຳມ່ວນ, ມີກົງສູນ ແຫ່ງຣາຊະອານາຈັກໄທປະຈຳ ແຂວງສະຫວັນນະເຂດ, ຄະນະການນໍາຈາກເມືອງ,ພະແນກການອ້ອມຂ້າງ, ສະມາຄົມຮ່ວມນໍ້າໃຈກັບເດັກນ້ອຍລາວ, ພະນັກງານຄູ-ອາຈານ ແລະພາກສ່ວນທີ່ກ່ຽວຂ້ອງຕະຫຼອດເຖິງນ້ອງນັກຮຽນທີ່ໄດ້ຮັບທຶນເຂົ້າຮ່ວມ.

ສະໜັບສະໜຸນໂດຍ: HONDA

--------------------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์