ປາກຕະພານຄອງແຊັມຊ່ວງເຮືອ ທີ່ອ່າງນໍ້າວັງແຄນ

  ເພື່ອເປັນການອານຸລັກຮັກສາ, ຂະນົບທຳມຽມຮິດຄອງປະເພນີ ແລະວັດທະນະທຳອັນດີງາມຂອງຊາດກໍ່ຄືຂອງທ້ອງຖິ່ນໃຫ້ໝ້ັນຄົງ, ໃຫ້ໄດ້ເຫັນຮອດເຊັ່ນລູກ, ເຊັ່ນຫຼານ ແລະທັງເປັນການສ້າງສາຍສຳພັນຄວາມສາມະຄີແໜ້ນແຟ້ນກັບກົມກອງ,ຫ້ອງການ ແລະບ້ານໃກ້ຄຽງໃຫ້ມີຄວາມໜັກແໜ້ນຂຶ້ນຕື່ມ,ທັງເປັນການສົ່ງເສີມການທ່ອງທ່ຽວ ແລະດຶງດູດນັກທ່ອງທ່ຽວທັງພາຍໃນ ແລະຕ່າງປະເທດໃຫ້ເຂົ້າມາທ່ຽວຊົມນັບມື, ນັບຫຼາຍຂຶ້ນ. 

ສະໜັບສະໜຸນໂດຍ: HONDA

  ສຳລັບການຈັດງານແຂ່ງຂັນຊ່ວງເຮືອປີນີ້ມີທັງໝົດ 31 ທີມ, ລຸ້ນ 8 ສີພາຍມີ 24 ທີມ, ຍິງມີ 6 ທີມ ຮຸ່ນ 12 ສີພາຍຊາຍທົ່ວໄປມີ 7 ທີມ ແລະມີເຮືອທັງໝົດ 7 ລຳ, ຜ່ານການແຂ່ງຂັນຮຸ່ນ 8 ສີພາຍ ຍິງທີ 1 ໄດ້ແກ່ບ້ານປາກຕະພານໄດ້ຮັບຂັນໜຶ່ງໝ່ວຍ ແລະເງິນສົດ 1,5 ລ້ານກີບ, ທີ 2 ທີມອົງການຈັດຕັ້ງມະຫາຊົນໄດ້ຮັບເງິນສົດ 1 ລ້ານກີບ, ທີ 3 ທີມຫ້ອງການການເງິນເມືອງໄດ້ຮັບເງິນສົດ 7 ແສນກີບ, ຮຸ່ນ 8 ສີພາຍຊາຍ, ທີ 1 ໄດ້ແກ່ທີມບ້ານປາກຕະພານໄດ້ຮັບຂັນ 1 ໜວ່ຍ, ພ້ອມເງິນສົດ 2 ລ້ານ ກີບ, ທີ 2 ໄດ້ແກ່ທີມຫ້ອງການການ ເງິນເມືອງໄດ້ຮັບເງິນສົດ 1,5  ລ້ານກີບ ແລະທີ 3 ທີມຫ້ອງການກະສີ ກໍາເມືອງໄດ້ຮັບເງິນສົດ 1 ລ້ານກີບ, ສ່ວນເຮືອທີ່ຕົກຮອບຊາຍ-ຍິງ ຮຸ່ນ 8 ສີພາຍ ແມ່ນໄດ້ຮັບລາງວັນ ຊົມເຊີຍທີມລະ 3 ແສນກີບ, ຮຸ່ນ12 ສີພາຍຊາຍທົ່ວໄປທີ 1 ໄດ້ແກ່ທີມເຮືອ ຕມ ປາກຕະພານ 2 ໄດ້ຮັບຂັນ 1 ໜ່ວຍພ້ອມເງິນສົດ 3 ລ້ານກີບ, ທີ 2 ທີມສາວນ້ອຍ ປະພັດສອນໄດ້ຮັບເງິນສົດ 2 ລ້ານກີບ ແລະທີ 3 ໄດ້ແກ່ທີມຫ້ອງ ການກະສີກຳ 2 ໄດ້ຮັບເງິນສົດ 1,5 ລ້ານກີບ, ສໍາລັບເຮືອທີ່ຕົກຮອບແມ່ນໄດ້ຮັບລາງວັນຊົມເຊີຍ ທີມລະ 5 ແສນກີບ.

  ຈາກນັ້ນທ່ານ ສົມໃຈ ອຸ່ນຈິດ ເຈົ້າເມືອງລະຄອນເພັງ ແລະທ່ານ ໜູໃຊ ຈັນດາວົງ ຮອງເຈົ້າເມືອງລະຄອນເພັງ, ທັງແມ່ນປະທານຈັດງານແຂ່ງຂັນຊ່ວງເຮືອປະຈຳປີ 2019 ກໍ່ໄດ້ໃຫ້ກຽດຂື້ນມອບຂັນລາງປະເພດຕ່າງໃຫ້ແກ່ນັກກີລາສີພາຍເຮືອຊ່ວງປະເພດຕ່າງໆ, ຊຶ່ງພິທີດັ່ງກ່າວໄດຈັດຂຶ້ນໃນວັນທີ 14 ທັນວາ ປີ 2019 ນີ້ອ່າງນໍ້າວັງ ແຄນເມືອງລະຄອນເພັງ ແຂວງສາລະວັນ, ໃຫ້ກຽດເຂົ້າຮ່ວມມີທ່ານຮອງເລຂາພັກແຂວງ, ຮອງເຈົ້າແຂວງ, ຄະນະປະຈຳພັກແຂວງ,ກຳມະການພັກແຂວງ ແລະຄະນະປະຈຳພັກເມືອງ ແລະກຳມະການພັກເມືອງ, ຕະຫຼອດຮອດຊາວມວນຊົນພາຍໃນເມືອງເຂົ້າຮ່ວມຊົມ, ຮ່ວມເຊຍເຮືອບ້ານຂອງຕົນຢ່າງຫຼວງຫຼາຍ.

--------------------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์