ຈັບຜົວເມຍຄ້າຢາເສບຕິດ

 ໃນກາງເດືອນຕຸລາ 2019 ຜ່ານມານີ້ເຈົ້າໜ້າທີ່ພະແນກຕໍາຫຼວດ ປກສ ເມືອງ ແລະແຂວງໄຊຍະບູລີ ໄດ້ຮັບແຫຼ່ງຂ່າວຈາກພົນລະເມືອງດີວ່າ: ມີກຸ່ມບໍ່ດີເຄື່ອນໄຫວຄ້າ-ຂາຍຢາເສບຕິດໃຫ້ໄວໜຸ່ມຢູ່ຂອບເຂດຟາມລ້ຽງສັດປາງບົງ; ເຂດບ້ານແກ້ວ ແລະບ້ານນາທັງ ເມືອງໄຊຍະບູລີ ຈິ່ງໄດ້ນໍາໜ່ວຍງານວິຊາສະເພາະລົງເຄື່ອນໄຫວຕິດ ຕາມເຫັນວ່າມີມູນຄວາມຈິງແທ້ຕົກມາເວລາປະມານ 14:25 ໂມງ ຂອງວັນທີ 22 ຕຸລາ 2019 ເຈົ້າໜ້າທີ່ຈຶ່ງໄດ້ເຂົ້າກັກຕົວ ທ້າວ ກວຍຫີນ ອາຍຸ 67 ປີ ປະຊາ ຊົນພ້ອມຂອງກາງຢາບ້າຈໍານວນ 40 ເມັດ ແລະ ນາງ ເຊັງ ອາຍຸ 60 ປີ ອາຊີບປະຊາຊົນພ້ອມຂອງກາງຢາບ້າຈໍານວນ 731 ເມັດທັງສອງຜົວ-ເມຍ ຢູ່ບ້ານນາຊໍ່າ-ຜາຊ້າງ ເມືອງ ໄຊຍະບູລີ ແຂວງໄຊຍະບູລີ.

 ໃນເວລາຕໍ່ມາຂອງວັນດຽວກັນເຈົ້າໜ້າກໍໄດ້ເຂົ້າກັກຕົວ ທ້າວ ສ້ອຍ ອາຍຸ 20 ປີ ປະຊາຊົນຢູ່ບ້ານແກ້ວ ເມືອງໄຊຍະບູລີ ແຂວງໄຊຍະບູລີ ພ້ອມຂອງກາງຢາບ້າຈໍານວນ 16 ເມັດ.

ສະໜັບສະໜຸນໂດຍ: HONDA

  ຜ່ານການສືບສວນ-ສອບສວນ ຂອງເຈົ້າໜ້າທີ່ຜູ້ກ່ຽວທັງສາມໄດ້ຮັບສາລະພາບວ່າຢາບ້າແມ່ນຂອງຕົນເອງແທ້ເຈົ້າໜ້າທີ່ຈຶ່ງໄດ້ນໍາພວກກ່ຽວທັງສາມມາດໍາເນີດຄະດີຕາມລະບຽບກົດໝາຍ.

___________

ຂຽນໂດຍ: ສາຄອນ ໄຊສົມຮັກສາ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์