ປະທານປະເທດ ເນັ້ນຂະແໜ່ງການຕ່າງປະເທດເພີ່ມທະວີເອົາໃຈໃສ່ຫຼາຍບັນຫາສຳຄັນ

  ກອງປະຊຸມວຽກງານການຕ່າງປະເທດຄັ້ງທີ XIV ຂອງກະຊວງການຕ່າງປະເທດໄດ້ປິດລົງຢ່າງເປັນທາງການໃນວັນທີ 13 ທັນວາ 2019 ທີ່ສູນ ICTC ນະຄອນ ຫຼວງວຽງຈັນ ໂດຍກ່ອນປິດກອງະຊຸມທ່ານປະທານປະເທດ ແຫ່ງ ສປປ ລາວ ໄດ້ເປັນກຽດເຂົ້າຮ່ວມໂອ້ລົມພ້ອມເນັ້ນໃຫ້ຂະແໜງການຕ່າງປະເທດເພີ່ມທະວີເອົາໃຈໃສ່ຈັດຕັ້ງປະຕິບັດຫຼາຍບັນຫາສຳຄັນເພື່ອເສີມຂະຫຍາຍຈຸດດີ, ແກ້ໄຂຂໍ້ຄົງຄ້າງເຮັດໃຫ້ວຽກງານການຕ່າງປະເທດມີໝາກຜົນສໍາເລັດຫຼາຍຂຶ້ນກວ່າເກົ່າໃນຕໍ່ໜ້າ.

  ກອງປະຊຸມດັ່ງກ່າວດຳເນີນພາຍໃຕ້ຄໍາຂວັນ “ການທູດປ້ອງກັນເຫດ ແລະບຸກທະລຸເພື່ອພາລະກິດປົກປັກຮັກສາ ແລະສ້າງສາພັດທະນາປະເທດຊາດ” ແລະ “ເພີ່ມທະວີປະສິດທິພາບການຈັດຕັ້ງປະຕິບັດຜົນການເຄື່ອນໄຫວການຕ່າງປະເທດໃຫ້ປາກົດຜົນເປັນຮູບປະທໍາ” ພາຍໃຕ້ເປັນປະທານ ທ່ານ ສະເຫຼີມໄຊ ກົມມະສິດ ລັດຖະ ມົນຕີກະຊວງການຕ່າງປະເທດພ້ອມດ້ວຍຂະແໜງການຕ່າງປະເທດທີ່ກ່ຽວຂ້ອງຂັ້ນສູນກາງ ແລະທ້ອງຖິ່ນເຂົ້າຮ່ວມ.

  ໃນໂອກາດນີ້ເປັນກຽດເຂົ້າຮ່ວມໂອ້ລົມຕໍ່ກອງປະຊຸມດັ່ງກ່າວ ທ່ານ ບຸນຍັງ ວໍລະຈິດ ປະທານປະທານແຫ່ງ ສປປ ລາວ ໄດ້ເນັ້ນໃຫ້ຂະແໜງການຕ່າງປະເທດເພີ່ມທະວີເອົາໃຈໃສ່ຈັດຕັ້ງປະຕິບັດຍຸດທະສາດເພີ່ມມິດຫຼຸດຜ່ອນສັດຕູໂດຍມີການພົວພັນຮ່ວມມືລະຫວ່າງບັນດາທູດປະເທດເພື່ອນມິດໃຫ້ມີຄວາມສະໜິດແໜ້ນກົມກຽວກັນ ແລະ ຍາດແຍ່ງເອົາການຊ່ວຍເຫຼືອສະໜັບສະໜູນຈາກຕ່າງປະເທດເພີ່ມທະວີຈັດຕັ້ງຜັນຂະຫຍາຍຂໍ້ຕົກລົງຕ່າງໆທີ່ໄດ້ເຊັນຂໍ້ຕົກລົງກັບບັນດາປະເທດໃຫ້ມີໝາກຜົນເສີມຂະຫຍາຍວຽກງານການຕ່າງປະເທດໃຫ້ກວ້າງຂວາງ; ສືບຕໍ່ປະບັດແນວທາງ ເປັນເອກະລາດ ສັນຕິພາບ ປະຊາຕິປະໄຕ ຕາມແນວທາງການຕ່າງປະເທດຢ່າງສະ

ເໝີຕົ້ນສະເໝີປາຍ; ເພີ່ມທະວີການພົວພັນຮ່ວມມືກັບປະເທດເພື່ອນມິດຍຸດທະສາດໂດຍສະເພາະ ສສ ຫວຽດນາມ ແລະເສີມຂະຫຍາຍຍຸດທະສາດການຮ່ວມມືໃຫ້ໝັ້ນຄົງຍາວນາມລາວ-ຈີນຕາມທິດ 4 ດີ ໃຫ້ເກີດດອກອອກຜົນໃນແຕ່ລະດ້ານເພີ່ມທະວີເຄື່ອນໄຫວໃນອາຊຽນ ແລະຍົກລະດັບການຮ່ວມມືກັບບັນດາປະເທດເພື່ອນມິດເປັນຕົ້ນແມ່ນທາງດ້ານການເມືອງ, ເສດຖະກິດ-ສັງຄົມ ບົນພື້ນຖານຕ່າງຝ່າຍຕ່າງໄດ້ຮັບຜົນປະໂຫຍດ; ສູ້ຊົນແກ້ໄຂບັນຫາຊາຍແດນບັນດາປະເທດໃກ້ຄຽງດ້ວຍສັນຕິວິທີ, ສືບຕໍ່ວຽກງານປັກຫຼັກໝາຍໃຫ້ສຳເລັດ ແລະ ສ້າງຊາຍແດນແຫ່ງມິດຕະພາບ ແລະ ການຮ່ວມມື.

ສະໜັບສະໜຸນໂດຍ: HONDA

   ພ້ອມນີ້, ທ່ານປະທານປະເທດຍັງຮຽກຮ້ອງໃຫ້ທຸກຂະແໜງການຕ້ອງໃຫ້ການຮ່ວມມືຢ່າງເອົາຈິງເອົາຈັງກັບກະຊວງການຕ່າງປະເທດຍາດແຍ່ງທຶນການຊ່ວຍເຫຼືອຈາກຕ່າງປະເທດ, ພົບປະຮ່ວມມືກັບບັນດາປະເທດເພີ່ມທະວີວຽກງານການຄູ້ມຄອງວຽກງານການຕ່າງປະເທດໃຫ້ຖືກຕ້ອງໂດຍສະເພາະວຽກງານຜ່ານປະຕູດຽວເພື່ອເຮັດໃຫ້ວຽການການຕ່າງປະເທດມີຄວາມຖືກຕ້ອງເອົາໃຈໃສ່ວຽກງານພົວພັນກັບຕ່າງປະເທດຢູ່ສູນກາງ ແລະ ທ້ອງຖິ່ນໃຫ້ກວ້າງຂວາງ; ເອົາໃຈໃສ່ພິເສດໃນການຄຸ້ມ ຄອງບັນດາອົງການຈັດຕັ້ງສາກົນທີ່ບໍ່ສັງກັດລັດຖະບານທີ່ຈັດຕັ້ງປະຕິບັດຢູ່ບັນດາທ້ອງຖິ່ນເພື່ອຫຼີກເວັ້ນປາກົດການຫຍໍ້ທໍ້ທີ່ອາດຈະເກີດຂຶ້ນໃນສັງຄົມ ແລະ ເອົາໃຈໃສ່ໂຄສະນາເຜີຍແຜ່ວຽກງານການຕ່າງປະເທດໃຫ້ໄປໃນລ່ວງດຽວກັນຕ້ານການໂຄສະນາເຜີຍຂ່າວປອມຈາກກຸ່ມຄົນທີ່ບໍ່ຫວັງດີສ້າງຄວາມປັ່ນປ່ວນຕໍ່ສັງຄົມທີ່ມີຜົນກະທົບ ຕໍ່ການຈັດຕັ້ງຂອງພັກ-ລັດ.

_____________

ຂຽນໂດຍ:  ແພງຕາ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์