ໜ່ວຍພັກ ວຕ ຄຳມ່ວນດຳເນີນກອງປະຊຸມໃຫຍ່ຄັ້ງທີ III

  ກອງປະຊຸມໃຫຍ່ຄັ້ງທີ III ຂອງໜ່ວຍພັກພະແນກວິທະຍາສາດ ແລະເຕັກໂນໂລຊີ ວຕ ແຂວງຄໍາມ່ວນ ຈັດຂຶ້ນໃນວັນທີ 11 ທັນ ວາ 2019 ໂດຍການເປັນປະທານຂອງສະຫາຍ ນາງ ໄພບູນ ໄຊ ຍະກຸມມານ ເລຂາໜ່ວຍພັກ, ຫົວໜ້າພະແນກວິທະຍາສາດ ແລະ ເຕັກໂນໂລຊີ, ເປັນກຽດເຂົ້າຮ່ວມມີສະຫາຍ ບຸນມາ ສຸດສະດາວອນ ຄະນະປະຈຳພັກແຂວງ, ຫົວໜ້າອົງການໄອຍະການປະຊາຊົນແຂວງ, ມີຕາງໜ້າຄະນະຈັດຕັ້ງແຂວງ, ກວດກາພັກແຂວງ, ບັນດາໜ່ວຍພັກພະແນກການອ້ອມຂ້າງຕະຫຼອດເຖິງສະມາຊິກພັກພາຍໃນໜ່ວຍພັກຕົນເຂົ້າຮ່ວມ.

ສະຫາຍ ນາງ ໄພບູນ ໄຊຍະກຸມມານ ເລຂາໜ່ວຍພັກໄດ້ຜ່ານຮ່າງລາຍງານການເມືອງພ້ອມທັງຕີລາຄາການນຳພາຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ II ຂອງຄະນະພັກໃນໄລຍະ 5 ປີ ຜ່ານມາຊຶ່ງໜ່ວຍພັກພະແນກວິທະຍາສາດ ແລະ ເຕັກໂນໂລຊີມີສະມາຊິກພັກທັງໝົດ 15 ສະຫາຍ, ໃນໄລຍະຜ່ານມາຄະນະໜ່ວຍພັກໄດ້ແບ່ງວຽກງານການຊີ້ນຳໆພາໃນການບໍລິຫານໃຫ້ສະມາຊິກພັກ, ພະນັກງານແຕ່ລະສະຫາຍຮັບຜິດຊອບໂດຍໄດ້ໂຄສະນາ, ຊຸກຍູ້ໃຫ້ບຸກຄົນ,ນິຕິບຸກຄົນ ແລະຫົວໜ່ວຍທຸລະກິດເຂົ້າມາຈົດທະບຽນເຄື່ອງໝາຍການຄ້າໄດ້ 14 ຫົວໜ່ວຍ, ຈົດທະບຽນມາດຕະຖານ ແລະ ຜະລິດຕະພັນສິນຄ້າແຫ່ງຊາດໄດ້ 2 ຫົວໜ່ວຍ, ເຄື່ອນໄຫວຕິດ ຕາມ, ກວດກາປະເພດສິນຄ້າປອມແປງ, ລອກຮຽນແບບທີ່ລະເມີດກົດໝາຍຊັບສິນທາງປັນຍາ, ສິນຄ້າໝົດອາຍຸ ແລະສິນຄ້າທີ່ລະເມີດເຄື່ອງໝາຍການຄ້າໄດ້ທັງໝົດ 152 ລາຍການ ລວມມູນ ຄ່າ 400 ລ້ານກວ່າກີບ, ເຄື່ອນ ໄຫວຕິຕາມ ແລະກວດສອບບໍລິ ມາດຫົວຈ່າຍ ແລະ ຄຸນນະພາບນໍ້າມັນເຊື້ອໄຟໃນທົ່ວແຂວງ ແລະ ກວດກາເຄື່ອງຫຸ້ມຫໍ່ສິນຄ້າປະເພດຕ່າງໆ ພ້ອມທັງຊິງຊັ່ງນໍ້າໜັກທົ່ວໄປ, ຊິງຊັ່ງຄຳຢູ່ຕາມທ້ອງຕະ ຫຼາດ, ຫ້າງຮ້ານຕ່າງໆ ແລະ ໄດ້ສົມທົບກັບລັດວິສາຫະກິດໄຟຟ້າ, ນໍ້າປະປາລົງຕິດຕາມກວດກາມາດຕະຖານໝໍ້ນັບໄຟຟ້າ ແລະ ໝໍ້ແທກ ນໍ້າປະປາໃນທົ່ວແຂວງ, ໄດ້ຮ່ວມກັບກະຊວງວິທະຍາສາດ ແລະ ເຕັກໂນໂລຊີເປີດຫ້ອງກວດສອບຄຸນນະພາບນໍ້າມັນເຊື້ອໄຟຢູ່  2 ດ່ານຄື: ດ່ານຂົວມິດຕະພາບ 3 ຄຳມ່ວນ-ນະຄອນພະນົມ ແລະ ດ່ານນາເພົ້າ-ຈາຫຼໍສາມາດສ້າງລາຍຮັບເຂົ້າງົບປະມານແຫ່ງຊາດໄດ້ທັງໝົດຈຳນວນ 200 ລ້ານກວ່າກີບ.

  ກອງປະຊຸມໃຫຍ່ຄັ້ງທີ III ຂອງໜ່ວຍພັກພະແນກວິທະຍາສາດ ແລະເຕັກໂນໂລຊີ ແຂວງຄຳມ່ວນ ຍັງໄດ້ຜ່ານບົດສຳຫຼວດການຊີ້ນຳໆພາລວມຂອງຄະນະໜ່ວຍພັກໃນໄລຍະ 5 ປີທີ່ຜ່ານມາພ້ອມທັງດຳເນີນການປ່ອນບັດເລືອກເອົາຄະນະໜ່ວຍພັກໃນຊຸດໃໝ່ຊຶ່ງກອງປະຊຸມໄດ້ເຫັນດີເປັນເອກະພາບເລືອກເອົາສະຫາຍ ນາງ ແຕງອ່ອນ ລິນສົມພູ ເປັນເລຂາໜ່ວຍພັກ, ສະຫາຍ ຄຳແດງ ສີບຸນເຮືອງ ເປັນຮອງເລຂາ ແລະ ສະຫາຍ ນາງ ແສງຈັນ ໄພຍະແສງ ເປັນຄະນະໜ່ວຍພັກໃນຊຸດໃໝ່.

__________

ຂຽນໂດຍ: ກອງຄຳ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์