ຊືເຟີງສືບຕໍ່ຂຸດຄົ້ນຜະລິດຄຳ-ທອງ ຄຽງຄູ່ກັບການພັດທະນາຊຸມຊົນ

  ຂຽນໂດຍ: ຝູເຊີຍເຊີນ, ປະທານລ້ານຊ້າງ ມິເນໂຣນສ໌ ລິມິເຕັດ ແລະ ທ່ານ ພໍ ແຮຣິສ, ຜູ້ຈັດການໃຫຍ່ລ້ານຊ້າງມິເນໂຣນສ໌ລິມິເຕັດ.

  ໃນວັນທີ 30 ພະຈິກ 2018, ບໍລິສັດຊືເຟິງໄດ້ຂຶ້ນມາເປັນເຈົ້າຂອງໃໝ່ໃນບໍລິສັດລ້ານຊ້າງມິເນໂຣນສ໌ລິມິເຕັດ (LXML) ຕໍ່ຈາກອາດີດຮຸ້ນສ່ວນບໍລິສັດ MMG ລິມິເຕັດ, ດ້ວຍເປົ້າໝາຍເພື່ອພັດທະນາບໍລິສັດໃຫ້ກ້າວສູ່ການເປັນບໍລິສັດຂຸດຄົ້ນຄຳທີ່ຖືກຮັບຮູ້ໃນທົ່ວໂລກຂອງຊືເຟິງ, ບໍລິສັດຈຶ່ງໄດ້ຕັດສິນໃຈມາລົງທຶນໃສ່ໂຄງການຢູ່ຕ່າງປະເທດໂຄງການທຳອິດຄືໂຄງການຂຸດຄົ້ນຄຳ-ທອງເຊໂປນທີ່ເມືອງວິລະບູລີ ແຂວງສະຫວັນນະເຂດ.

  ໃນປີ 2019, ພວກເຮົາສາມາດຫຼຸດຜ່ອນອັດຕາການບາດເຈັບໄດ້ເປັນຢ່າງດີມາຮອດປະຈຸບັນ, ອັດຕາຄວາມຖີ່ເກີດການບາດເຈັບ ຫຼື TRIFR (Total recorda bleinjury frequency rate) ຂອງພວກເຮົາເທົ່າ 0,4 ຊຶ່ງຫຼຸດຄາດໝາຍທີ່ຕັ້ງໄວ້ທີ່ 0,6 ແລະ ທັງເປັນການປັບປຸງຈາກປີກາຍໄດ້ 39%, ສົມທຽບໃສ່ບໍລິສັດອື່ນໆໃນອຸດສາຫະກຳດຽວກັນກັບພວກເຮົາ, ຜົນງານດ້ານຄວາມປອດໄພນີ້ຖືວ່າດີເລີດ ແລະເປັນໜຶ່ງໃນບໍລິສັດທີ່ດີທີ່ສຸດໃນໂລກຄວາມປອດໄພແມ່ນວຽກແມ່ນທຸລະກິດຂອງພວກເຮົາ.

  ປີຜ່ານມາບໍລິສັດຊືເຟິງໄດ້ມາຮັບໜ້າທີ່ເປັນເຈົ້າຂອງໂຄງການຄຳ-ທອງເຊໂປນໃນເວລາທີ່ມີຄວາມທ້າທາຍສົມຄວນຊຶ່ງເປັນເວລາທີ່ແຮ່ທອງສະສົມເລີ່ມຫຼຸດລົງຢ່າງວ່ອງ ໄວ, ຄຸນນະພາບສິນແຮ່ຫຼຸດລົງ ແລະທັງສັບປົນກວ່າເກົ່າ, ໃນເວລານັ້ນຄາດວ່າຈະຢຸດການຜະລິດໃນປີ 2020, ແຕ່ວ່າດ້ວຍຄວາມຊຳນານໃນການຂຸດຄົ້ນຄຳ ແລະ ນະວັດຕະກຳທາງດ້ານເຕັກໂນໂລຊີຂອງຊືເຟິງຈຶ່ງໄດ້ສ້າງແຜນຂຶ້ນຈົນສຳເລັດແນໃສ່ສືບຕໍ່ດຳເນີນການຜະລິດໂດຍຫັນຈາກການຂຸດຄົ້ນ-ຜະລິດທອງມາເປັນການຂຸດຄົ້ນ-ຜະລິດຄຳຊຶ່ງຈະນຳອະນາຄົດທີ່ສົດໃສສຳລັບໂຄງການເຊໂປນ ແລະ ຜູ້ມີສ່ວນຮ່ວມທຸກພາກສ່ວນ, ການຜະລິດຄຳຈະສືບຕໍ່ສ້າງວຽກເຮັດງານທຳສຳລັບພະນັກງານ ແລະ ສ້າງລາຍໄດ້ກໍຄືປັບປຸງຊີວິດການເປັນຢູ່ຂອງຊຸມຊົນເຈົ້າພາບຂອງພວກເຮົາ, LX ML ຈະສືບຕໍ່ປະກອບສ່ວນໃສ່ການພັດທະນາເສດຖະກິດ-ສັງຄົມຂອງ ສປປ ລາວໄປໄດ້ອີກຢ່າງຕໍ່າ 7 ປີ ໂດຍຄາດວ່າຈະຜະລິດຄຳແທ່ງໄດ້ປະມານ 200,000 ອອນຕໍ່ປີພ້ອມທັງລົງທຶນຫຼາຍຂຶ້ນໃສ່ການສຳຫຼວດເພື່ອຍືດອາຍຸການຂຸດຄົ້ນບໍ່ແຮ່ໃຫ້ຍືນຍາວໄປອີກຢ່າງຕໍ່າ 10 ປີ, ໃນປະຈຸບັນພວກເຮົາສືບຕໍ່ດຳເນີນການສຶກສາ ແລະ ວຽກງານພື້ນຖານຢູ່ພາກສະໜາມເພື່ອເລັ່ງການອະນຸມັດໂຄງການຄໍາ ແລະ ກ້າວເຂົ້າສູ່ໄລ ຍະຕໍ່ໄປຂອງໂຄງການຄຳ-ທອງເຊໂປນ.

  ປີນີ້ໂຄງການເຮົາໄດ້ອີງໃສ່ຍຸດທະການດຳເນີນງານແບບສອງເສົາຫຼັກ, ໃນຂະນະທີ່ພວກເຮົາກະກຽມວຽກງານພື້ນຖານເພື່ອໃຫ້ສາມາດລິເລີ່ມໂຄງການຄຳໃນໄຕມາດທີ 3 ຂອງປີ 2020 ພວກເຮົາກໍຍັງໄດ້ຮັບປະກັນໃຫ້ການຜະລິດທອງມີຄວາມຕໍ່ເນື່ອງໂດຍບໍ່ຂາດຕົກບົກຜ່ອງຊຶ່ງເຮົາຄາດວ່າຈະບັນລຸໄດ້ເກີນຄາດໝາຍທີ່ຕັ້ງ ໄວ້ໃນທຸກໆດ້ານຄື: ບັນລຸການຜະລິດທອງໃຫ້ໄດ້ກວ່າ 72 ພັນໂຕນ (4% ລື່ນຄາດໝາຍ) ແລະການປ້ອນແຮ່ເຂົ້າໂຮງງານກວ່າ 3 ລ້ານໂຕນ ເປັນການສ້າງສະຖິຕິໃໝ່ໃນວຽກ ງານຂຸດຄົ້ນຂອງພວກ ເຮົາ (ບົດແຮ່ໄດ້ຫຼາຍກວ່າ 2,2 ລ້ານໂຕນ), ຜົນງານພົ້ນເດັ່ນນີ້ບັນ ລຸໄດ້ກໍຍ້ອນແນວຄວາມຄິດທີ່ຕ້ອງການປັບປຸງຢ່າງຕໍ່ເນື່ອງຂອງທີມງານຝ່າຍດຳເນີນງານຂອງພວກ ເຮົາຜູ້ທີ່ຍາມໃດກໍຊອກຫາໂອກາດປັບປຸງ ແລະ ປະຕິບັດງານໃຫ້ດີກວ່າ ເກົ່າເລື້ອຍໆ, ນອກຈາກນີ້ພວກເຮົາກໍໄດ້ມີມາດຕະການຫຼຸດຜ່ອນຕົ້ນທຶນຄ່າໃຊ້ຈ່າຍໂດຍຄາດວ່າຈະສາມາດປະຢັດຄ່າໃຊ້ຈ່າຍໃນການຜະລິດໄດ້ເກືອບ 50 ລ້ານໂດລາຕໍ່າກວ່າງົບປະມານທີ່ວາງໄວ້, ຖານຕົ້ນທຶນ-ຄ່າໃຊ້ຈ່າຍນີ້ຈະເປັນພື້ນ ຖານໃໝ່ໃຫ້ແກ່ການຫຼຸດຜ່ອນຕົ້ນທຶນ-ຄ່າໃຊ້ຈ່າຍຢ່າງຕໍ່ເນື່ອງ ແລະສະໜັບສະໜູນໂຄງການຄຳທີ່ສ້າງກຳໄລໃນອະນາຄົດ.

  ນັບຕັ້ງແຕ່ເລີ່ມດຳເນີນງານໃນປີ 2002 ໂຄງການຄຳ-ທອງເຊໂປນໄດ້ສ້າງຜົນປະໂຫຍດໂດຍກົງຫຼາຍກວ່າ 1,4 ຕື້ໂດລາໃຫ້ແກ່ ສປປ ລາວ ໂດຍຜ່ານການຈ່າຍພາ ສີ-ອາກອນ, ພາສີຊັບພະຍາ ກອນແຮ່ທາດ ແລະເງິນປັນຜົນ, ໃນປີ 2003 ກໍຄືໄລຍະທີ່ໄດ້ມີການນຳໃຊ້ກຳລັງແຮງງານສູງສຸດ, ໂຄງການຄຳ-ທອງເຊໂປນໄດ້ສ້າງວຽກເຮັດງານທຳໄດ້ຫຼາຍກວ່າ 5 ພັນຄົນ ແລະ ໄດ້ລົງທຶນຫຼາຍຮ້ອຍລ້ານໂດລາເຂົ້າໃສ່ການພັດທະນາ ແລະການຝຶກອົບຮົມພະນັກງານ, ໃນຊຸມຊົນເມືອງວິລະບູລີໄດ້ມີປະຊາ ຊົນກວ່າ 14 ພັນຄົນໄດ້ຮັບຜົນປະໂຫຍດຈາກກອງທຶນພັດທະນາບ້ານແລະກອງທຶນພັດທະນາຊຸມຊົນຂອງໂຄງການຄຳ-ທອງເຊໂປນລວມມູນຄ່າ 13 ລ້ານໂດລາ ແລະລາຍໄດ້ຂອງກຸ່ມທຸລະກິດທ້ອງຖິ່ນກໍໄດ້ທະວີຄູນຂຶ້ນເປັນ 32 ລ້ານໂດລາ,ພາຍໃຕ້ການນຳພາຂອງບໍລິສັດຊືເຟິງ, LXML ໄດ້ຮັບປະກັນໃຫ້ຜົນປະໂຫຍດເຫຼົ່ານີ້ສືບຕໍ່ເສີມຂະຫຍາຍຂຶ້ນໄປ ແລະທັງຈະວາງພື້ນຖານດ້ານເສດຖະກິດ-ສັງຄົມທີ່ເຂັ້ມແຂງໃນໄລຍະໂຄງການ ແລະ ຫຼັງການປິດບໍ່ແຮ່ເຊໂປນ, ຄວາມມຸ່ງໝາຍຂອງພວກເຮົາໄດ້ນຳໄປສູ່ຜົນຮັບທີ່ພົ້ນເດັ່ນຫຼາຍປະການ.

  ການປ່ຽນແປງທາງດ້ານອົງກອນໃດໆທີ່ເກີດຂຶ້ນຢູ່ໂຄງການຄຳ-ທອງເຊໂປນກໍຈະຄຳນຶງເຖິງຄວາມມຸ້ງໝັ້ນຂອງບໍລິສັດໃນການຫຼຸດຜ່ອນ ແລະ ຈັດການກັບຜົນກະທົບຕໍ່ພະນັກງານທ້ອງຖິ່ນໃຫ້ມີໜ້ອຍທີ່ສຸດ LXML ຈະສືບຕໍ່ໃຫ້ບູລິມະສິດແກ່ພະນັກງານທ້ອງຖີ່ນຢ່າງເຕັມທີ່ໃນການຮັກສາ ແລະ ຈ້າງງານພ້ອມທັງຈະສືບຕໍ່ຮັກສາພະ ນັກງານຄົນລາວເປັນສ່ວນໃຫຍ່ຕະຫຼອດອາຍຸການຂອງໂຄງການຄຳ-ທອງເຊໂປນໂດຍອີງຕາມແຜນການຄຸ້ມຄອງການຈ້າງງານທ້ອງຖິ່ນຂອງພວກເຮົາແຜນການນີ້ຄຽງຄູ່ກັບການເອົາໃຈໃສ່ສືບຕໍ່ເລັ່ງໃສ່ການຝຶກອົບຮົມ ແລະການພັດທະນາບຸກຄະລາກອນໄດ້ສົ່ງຜົນໃຫ້ພະນັກງານທັງໝົດທີ່ເປັນຄົນລາວໄດ້ກວມເອົາ 95%, ໃນນັ້ນ 75 % ແມ່ນຄົນມາຈາກ ທ້ອງຖິ່ນ ແລະ 20% ແມ່ນແມ່ ຍິງ, ອີງຕາມແຜນການຫັນໄປ ສູ່ການຂຸດຄົ້ນ-ຜະລິດຄໍາໃນອະ ນາຄົດ, ພະນັກງານຈະສືບຕໍ່ມີວຽກເຮັດງານທຳ, ມີລາຍໄດ້ ແລະ ມີຄວາມກ້າວໜ້າໃນໜ້າທີ່ການງານ, ຍິ່ງໄປກວ່ານັ້ນພະນັກງານຈະສາມາດຖ່າຍທອດ ແລະ ໝູນໃຊ້ທັກສະ ແລະ ປະສົບການທີ່ສືບຕໍ່ເກັບກ່ຽວຢູ່ໂຄງການເຊໂປນໄປຍັງບ່ອນເຮັດວຽກອື່ນໆໃນອະນາຄົດ.

  ຊຸມຊົນສືບຕໍ່ໄດ້ຮັບຜົນປະໂຫຍດຈາກແຜນງານພັດທະນາຊຸມຊົນໃນປີນີ້ໄດ້ຫັນມາເລັ່ງໃສ່ປັງປຸງການສຶກສາ,ສາທາລະນະສຸກ ແລະຄວາມໝັ້ນຄົງດ້ານສະບຽງອາຫານຂອງຄອບຄົວຜູ້ດ້ອຍ ໂອກາດທີ່ໄດ້ຮັບຜົນກະທົບໂດຍກົງ ຈາກໂຄງການເຊໂປນ, ອັນນີ້ໝາຍຄວາມວ່າ 70% ຂອງງົບປະມານປະຈຳປີສຳລັບກອງທຶນພັດທະນາຊຸມຊົນຂອງ LXML ແມ່ນຈະໝູນໃຊ້ເຂົ້າໃນວຽກງານສາມເສົາຫຼັກນີ້ເພື່ອສ້າງຜົນປະໂຫຍດໂດຍກົງໃຫ້ແກ່ຊຸມຊົນທ້ອງຖິ່ນກວ່າ 14.000 ຄົນໃນຂະນະທີ່ການລົງທຶນໃສ່ພື້ນ ຖານໂຄງລ່າງຈະຄ່ອຍໆຫຼຸດລົງ, ໃນຕໍ່ໜ້າຈະຮັກສາການລົງທຶນໃສ່ແຜນງານພັດທະນາຊຸມຊົນຂອງພວກເຮົາຊຶ່ງ ຈະເອົາໃຈໃສ່ຕອບສະໜອງຕາມຄວາມຕ້ອງການຂອງຊຸມຊົນຫຼາຍ ຂຶ້ນ ແລະ ກໍຈະຈັດຕັ້ງປະຕິບັດແຜນງານເຫຼົ່ານີ້ແບບໂປ່ງໃສ, ເປີດເຜີຍ ແລະ ມີສ່ວນຮ່ວມກວ່າເກົ່າ.

ສະໜັບສະໜຸນໂດຍ: HONDA

 ກຸ່ມທຸລະກິດທ້ອງຖິ່ນ 30 ກຸ່ມ ສືບຕໍ່ໄດ້ຮັບລາຍໄດ້ຈາກການສະໜອງການບໍລິການ ແລະສິນຄ້າໃຫ້ແກ່ໂຄງການເຊໂປນ,ໂດຍໄດ້ສ້າງລາຍຮັບລວມຫຼາຍກວ່າ 32 ລ້ານໂດລາ ແລະ ວຽກເຮັດງານທຳໃຫ້ແກ່ຄົນທ້ອງຖິ່ນປີນີ້ມີສອງທຸລະກິດໃໝ່ທີ່ໄດ້ເຂົ້າມາຮ່ວມກຸ່ມທຸລະກິດທ້ອງຖິ່ນ, ບໍລິສັດໜຶ່ງແມ່ນສະໜອງໄຂ່ໄກ່ ແລະອີກບໍລິສັດແມ່ນສະໜອງເສັ້ນເຂົ້າປຸ້ນໃຫ້ແກ່ LXML. LXML ຊື້ສິນຄ້າ ແລະ ການບໍລິການລວມມູນຄ່າ 3 ລ້ານໂດລາຕໍ່ປີຈາກກຸ່ມທຸລະກິດທ້ອງຖິ່ນຊຶ່ງ 75% ແມ່ນໝາກໄມ້, ຜັກ ແລະ ຜະລິດຕະພັນທ້ອງຖິ່ນ, ໃນໄລຍະຍາວກຸ່ມທຸລະກິດທ້ອງຖິ່ນເຫຼົ່ານີ້ກໍຈະໄດ້ເກັບກ່ຽວປະສົບການໃນການພົວພັນ, ບໍລິການເຮັດວຽກກັບບໍລິສັດໃຫຍ່ລະດັບສາກົນ ແລະ ໂອກາດໃນການສ້າງເຄືອຂ່າຍຕະຫຼາດທ້ອງຖິ່ນ, ພາຍໃນ ແລະ ຕ່າງປະເທດຊຶ່ງອາດເປັນຜົນດີຕໍ່ເຂົາເຈົ້າໃນອະນາຄົດ.

  ນັບຕັ້ງປີ 2008 ເປັນຕົ້ນມາ, LXML ໄດ້ລົງທຶນຫຼາຍກວ່າ 1,3 ລ້ານໂດລາ ເຂົ້າໃນການສະໜັບສະໜູນການອະນຸລັກປະຫວັດສາດລາວ ແລະ ມໍລະດົກວັດທະນະ ທຳ ກວ່າ 3.000 ປີ ຜ່ານແຜນງານຄົ້ນຄວ້າດ້ານບູຮານຄະດີກັບກະຊວງຖະແຫຼງຂ່າວ, ວັດທະນະທຳ ແລະການທ່ອງທ່ຽວ, ມະຫາວິທະຍາໄລແຫ່ງຊາດລາວ ແລະ ມະຫາວິທະຍາໄລເຈມສ໌ຄຸກຂອງອົດສະຕຣາລີ, ໃນເດືອນນີ້ພວກເຮົາໄດ້ອຳນວຍຄວາມສະດວກ ແລະສະໜັບສະໜູນກົມມໍລະດົກຂອງລາວ ແລະສະຖາບັນບູຮານຄະດີຂອງຢູ່ໜານແຫ່ງ ສປ ຈີນ ໃນວຽກງານການຄົ້ນຄວ້າບູຮານຄະດີຢູ່ພາກສະໜາມບໍ່ຄຳ-ທອງເຊໂປນ.

   ບໍລິສັດ ຊືເຟິງ ຈີຫຼົງຂຸດຄົ້ນຄຳ ຈຳກັດ (ຊືເຟິງ) ແມ່ນບໍລິສັດທີ່ຈົດທະບຽນໃນຕະຫຼາດຮຸ້ນຊຽງໄຮ້ໃນນາມບໍລິສັດຜູ້ຜະລິດໂລຫະແຮ່ທາດທີ່ມີສຳນັກງານໃຫຍ່ຕັ້ງຢູ່ເມືອງຊືເຟິງມົນລັດມົງໂກນໃນ ສປ ຈີນ, ບໍລິສັດຊືເຟິງເປັນຜູ້ນຳໜ້າໃນການຜະລິດຄຳໃນ ສປ ຈີນ ແລະມີຄວາມຊຳນານໃນການຊື້ກິດຈະການຂຸດຄົ້ນ-ຜະລິດຄຳ, ການສະກັດຊັບພະຍາກອນແບບປະສົບປະສານ ແລະ ການນຳໃຊ້ຊັບພະຍາກອນໃຫ້ເປັນປະໂຫຍດສູງສຸດ, ນັບຕັ້ງແຕ່ວັນທີ 1 ທັນ ວາ 2018, ບໍລິສັດຊືເຟິງໄດ້ຮັບໜ້າທີ່ເປັນເຈົ້າຂອງບໍລິສັດລ້ານຊ້າງມິເນໂຣນສ໌ລິມິເຕັດພາຍຫຼັງທີ່ທາງບໍລິສັດ MMG ໄດ້ສຳເລັດການຂາຍຮຸ້ນ 90% ຂອງຕົນໃນ ລຊມລ, ບໍລິສັດຊືເຟິງຖືຮຸ້ນ 90% ແລະ ລັດຖະບານລາວຖືຮຸ້ນ 10% ໃນບໍລິສັດ ລຊມລ.

----------------

ໜັງສືພີມເສດຖະກິດ-ສັງຄົມ

แชร์