ຊຳຊຸງກາແລັກຊີເອສ 11 ຈະຖ່າຍພາບກາງຄືນ ດີຂຶ້ນດ້ວຍເຊນເຊີກ້ອງໃໝ່

  ມີຂໍ້ມູນຫຼຸດອອກມາຢ່າງຕໍ່ ເນື່ອງສຳລັບສະມາດໂຟນເຮືອທຸງ ລຸ້ນຕໍ່ໄປຂອງຊຳຊຸງກາແລັກຊີເອສ 11 ໂດຍຫຼ້າສຸດມີການເປີດເຜີຍວ່າຊຳຊຸງໄດ້ຍື່ນຈົດສິດທິບັດແກ່ທາງ EUIPO (European Union Intellectual PropertyOffice) ສຳນັກງານຊັບສິນທາງປັນຍາແຫ່ງສະຫະພາບເອີຣົບ.

 ສິດທິບັດດັ່ງກ່າວມີລາຍລະອຽດວ່າເປັນເຊນເຊີກ້ອງທີ່ເອີ້ນວ່າ Bright Night ຊຶ່ງໃຊ້ສຳລັບສະມາດໂຟນ ແລະແທັບເລັດໂດຍອາດເປັນເຊນເຊີຕົວໃໝ່ສຳລັບຖ່າຍພາບ ແລະບັນທຶກວິດີໂອຕອນກາງຄືນສຳລັບສະມາດໂຟນເຮືອທຸງຊີຣີກາແລັກຊີເອສ 11 ຫຼືອາດເປັນຊື່ເອີ້ນເຊນເຊີຄວາມລະອຽດ 108 ລ້ານພິກເຊລຕົວໃໝ່.

ສະໜັບສະໜຸນໂດຍ: HONDA

 ແຕ່ກ່ອນກ້ອງຂອງສະມາດໂຟນຊຳຊຸງກາແລັກຊີເອສ 10 ແລະກາແລັກຊີໂນຕ 10 ໄດ້ມີໂໝດ Bright Night ຢູ່ແລ້ວ ແລະຈາກຂໍ້ມູນເບື້ອງຕົ້ນກໍສະແດງໃຫ້ເຫັນວ່າທາງຊຳຊຸງພະຍາຍາມນຳມາປັບເປັນຮາດແວຣໃຊ້ໃນການຖ່າຍພາບຢ່າງຈິງຈັງກ່ອນໜ້ານີ້ໄດ້ມີການເປີດເຜີຍພາບເຣນເດີຊຳຊຸງກາແລັກຊີເອສ 11 ຊຶ່ງມາພ້ອມກ້ອງຫຼັງ 5 ຕົວ ໂດຍມີກ້ອງຫຼັກຄວາມລະອຽດສູງເຖິງ 108 ລ້ານພິກເຊລພ້ອມດ້ວຍໂໝດ Director’s View, Night Hyperlapse,Single Take Photo ແລະ Vertical Paronama ແລະຍັງ ສາມາດບັນທຶກວິດີໂອລະດັບ 8K ໄດ້ອີກດ້ວຍ.

ຄາດວ່າຊຳຊຸງຈະເປີດຕົວສະມາດໂຟນເຮືອທຸງຊີຣີກາແລັກຊີເອສ 11 ໃນຕອນກາງເດືອນກຸມພາ 2020.

---------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์