ແຂ່ງຂັນສິລະປະສະຫຼອງບຸນພະເຈົ້າ ໄຊຍະເສດຖາທິລາດ

  ການແຂ່ງຂັນສະແດງສິລະປະ-ວັນນະຄະດີປະກວດນັກຮ້ອງສຽງດີຂອງເມືອງໄຊເຊດຖາ ແຂວງອັດຕະປື ໄດ້ຈັດຂຶ້ນໃນຄໍ່າຄືນຂອງວັນທີ 10 ທັນວາຜ່ານມາເພື່ອສະ ເຫຼີມສະຫຼອງວັນບຸນນະມັດສະການລະນຶກເຖິງພະເຈົ້າໄຊຍະເສດຖາທິລາດໂດຍໃຫ້ກຽດເຂົ້າຮ່ວມຂອງທ່ານ ສີໄລ ສີສະເເຫວງສຸກ ເຈົ້າເມືອງໄຊເຊດຖາ, ມີຫົວໜ້າ-ຮອງຫົວໜ້າຫ້ອງການ, ຄະນະກຳມະການ, ພະນັກງານໜ່ວຍສະແດງສີລະປະນັກຮ້ອງສຽງດີພ້ອມດ້ວຍພໍ່ແມ່ປະຊາຊົນບັນດາເຜົ່າພາຍໃນເມືອງໄຊເຊດຖາ ເຂົ້າຮ່ວມຊົມຢ່າງຫຼວງຫຼາຍ.

  ການແຂ່ງຂັນສະແດງສິລະປະ-ວັນນະຄະດີໃນຄັ້ງນີ້ມີນັກຮ້ອງຈາກ ບ້ານ ແລະໝວດໂຮງຮຽນເຂົ້າປະກວດທັງໝົດ 14 ຄົນ, ຜ່ານການແຂ່ງຂັນອັນດັບທີ 1 ໄດ້ແກ່ ນາງ ສຸກລຳພັນ ຕົວແທນຈາກບ້ານໂພໄຊ ໄດ້ຮັບລາງວັນ 3 ແສນກີບ, ອັນດັບທີ 2 ນາງ ມີນາ ສາລັງກອງ ມາຈາກ ມຕ ໃຫຍ່ອຸດົມໄດ້ຮັບລາງວັນ 2 ແສນກີບ, ອັນ ດັບທີ 3 ແມ່ນນາງ ພອນໄພ ກະລຶມມະແສນວົງ ຕົວແທນຈາກບ້ານຄັນໜາກກ່ອງໄດ້ຮັບລາງວັນ 1 ແສນກີບ, ໃຫ້ກຽດຂຶ້ນມອບຂອງຂວັນລາງວັນໂດຍແມ່ນ ທ່ານ ສີໄລ ສີສະເເຫວງສຸກ ເຈົ້າເມືອງໄຊເຊດຖາ.

ສະໜັບສະໜຸນໂດຍ: HONDA

  ທ່ານ ສຸລິກາ ຈັນທະຄຳເມີ ຫົວໜ້າຫ້ອງຖະແຫຼງຂ່າວ, ວັດທະນະທຳ ແລະທ່ອງທ່ຽວເມືອງໄຊເຊດຖາ ໄດ້ກ່າວໃນພິເປີດງານຄັ້ງນີ້ວ່າ: ການຈັດງານບຸນສະເຫຼີມສະ ຫຼອງລະນຶກເຖິງບຸນຄຸນພະເຈົ້າໄຊຍະເສດຖາທິລາດແມ່ນມີຫຼາຍກິດຈະກຳສຳຄັນເປັນຕົ້ນແມ່ນການສະເເດງສິລະປະ-ວັດທະນະທຳ, ປະກວດນັກຮ້ອງສຽງດີ, ປະກວດນາງສາວ ເມືອງອົງການ ແລະ ກິດຈະກຳອື່ນໆ ອີກຫຼາຍຢ່າງຕະຫຼອດໃນງານເລີ່ມແຕ່ວັນທີ 10-14 ທັນວາ 2019 ກິດຈະກຳດັ່ງກ່າວແມ່ນສະເເດງໃຫ້ເຫັນເຖິງການສືບສານວັດທະນະທຳທີ່ເປັນເອກະລັກສະເພາະທີ່ສ້າງຄວາມປະທັບໃຈ ແລະ ສ້າງຄວາມຊົງຈຳໃຫ້ແກ່ຜູ້ທ່ຽວຊົມພ້ອມທັງເປັນການສ້າງໂອກາດຊຸກຍູ້ສົ່ງເສີມການທ່ອງທ່ຽວດ້ານຮີດຄອງປະເພນີທີ່ໄດປະຕິບັດສືບຂານກັນມາຕາມປະເພນີລາວໃຫ້ຄົງຢູ່ກັບຄົນລາວເຮົາຕະຫຼອດໄປ.

__________

ຂຽນໂດຍ: ສາຍນໍ້າ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์