ວຽງຈັນສິງຄວ້າແຊ໋ມຣັກບີ້ຍິງດີເຮັສແອລ

   ສະໂມສອນຣັກບີ້ຍິງວຽງຈັນສິງຄວ້າແຊ໋ມການແຂ່ງຂັນຣັກບີ້ຍິງລາຍການຣັກບີ້ດີເຮັສແອລນະຄອນຫຼວງວຽງຈັນ 10 ຄົນ (DHL VIENTIANE10S) ທີ່ນະຄອນຫຼວງວຽງຈັນເປັນເຈົ້າພາບ. ຂະນະທີ່ປະເພດທີມຊາຍແຊ໋ມຕົກເປັນຂອງ Royal Thai Air Ford ແລະປະເພດພັດທະນາຊາຍແຊ໋ມຕົກເປັນຂອງລ້ອຍເອັດຈາກປະເທດໄທ.

  ເມື່ອວັນທີ 27 ມັງກອນຜ່ານມາທີ່ສະໜາມກີລາເຈົ້າອານຸວົງນະຄອນຫຼວງວຽງຈັນ ສປປ ລາວໄດ້ມີການປິດແຂ່ງຂັນຣັກບີ້ດີເຮັດແອວນະຄອນຫຼວງວຽງຈັນ 10 ຄົນ ໃຫ້ກຽດເຂົ້າຮ່ວມເປັນປະທານ ແລະ ມອບລາງວັນໂດຍທ່ານ ແສງພອນ ພົນອາມາດ ຫົວໜ້າກົມກີລາລະດັບສູງກະຊວງສຶກສາທິການ ແລະ ກີລາ, ທ່ານ ວິລາຢຸດ ຣະທິກຸນ ປະທານສະຫະພັນກີລາຣັກບີ້ແຫ່ງຊາດລາວພ້ອມດ້ວຍຄະນະ, ບັນດາຜູ້ໃຫ້ການສະໜັບສະໜູນຫຼັກບໍລິສັດ DHL, ບັນດາຄະນະນຳ, ຄູຝຶກ, ນັກກີລາສະໂມສອນຕ່າງໆເຂົ້າຮ່ວມ.

   ຜ່ານການແຂ່ງຂັນກັນລະຫວ່າງວັນທີ 26-27 ມັງກອນ 2019 ຜົນປາກົດວ່າຮຸ່ນທີມຍິງທົ່ວໄປຊະນະເລີດ (Cup winner) ຕົກເປັນຂອງສະໂມສອນວຽງຈັນສິງຈາກ ສປປ ລາວ, ຊະນະເລີດດີວີຊັ່ນ2 (plate winner) ຕົກເປັນຂອງສະໂມສອນ DAC were dragons bankerbell ແລະຊະນະເລີດດີວີຊັ່ນ 3 (plate winner) ຕົກເປັນຂອງສະໂມສອນ ຊຽງຂວາງ; ຮຸ່ນທີມຊາຍທົ່ວໄປຊະນະເລີດ (cup winner) ຕົກເປັນຂອງສະໂມສອນ Royal Th ai Air Ford ຈາກປະເທດໄທ, ຊະນະດີວີຊັ່ນ 2 (plate winner) ຕົກເປັນຂອງສະໂມສອນວຽງຈັນບັບຟໍໂລສຈາກ ສປປ ລາວ, ຊະນະເລີດດີວີຊັ່ນ 3 (bowl winner) ຕົກເປັນຂອງສະໂມສອນເອັມເອັສຢູ (MSU) ຈາກຮົງກົງ; ແລະປະເພດພັດທະນາຊາຍຊະນະເລີດ (cup winner) ຕົກເປັນຂອງສະໂມສອນລ້ອຍເອັດຈາກປະເທດໄທ, ຊະນະເລີດດີວີຊັ່ນ 2 (plate winner) ຕົກເປັນຂອງສະໂມສອນວຽງຈັນເສືອຈາກ ສປປ ລາວ ແລະຊະນະເລີດດີວີຊັ່ນ 3 (bowl winner) ຕົກເປັນຂອງສະໂມສອນຊຽງຂວາງ2.

   ສຳລັບການແຂ່ງຂັນໃນຄັ້ງນີ້ມີທັງໝົດ 21 ທີມເຂົ້າຮ່ວມຈາກ 4 ປະເທດຈາກປະເທດໄທ, ສສ ຫວຽດນາມ, ຮົງກົງ ແລະ ສປປ ລາວ. ໂດຍຈະແຂ່ງຂັນກັນທັງໝົດ 3 ຮຸ່ນປະກອບມີຮຸ່ນທີມຊາຍທົ່ວໄປ, ຮຸ່ນທີມຍິງທົ່ວໄປ ແລະຮຸ່ນພັດທະນາຊາຍ.

แชร์