ກຳມະບານສຶກສາຫົວພັນ ໄດ້ຮັບໃບຢັ້ງຢືນ 5 ເປັນເຈົ້າ

ເມື່ອບໍ່ດົນຜ່ານມານີ້ທີ່ຫ້ອງປະຊຸມພະແນກສຶກສາທິການ ແລະກີລາແຂວງຫົວພັນ ໄດ້ມີພິທີມອບ-ຮັບໃບຢັ້ງຢືນ 5 ເປັນເຈົ້າໃຫ້ແກ່ກຳມະບານຮາກຖານພະແນກ ສກຂ ໂດຍພາຍໃຕ້ການເປັນປະທານຂອງທ່ານ ຄຳພັດ ວັດທະນາ ເລຂາກຳມະບານຮາກຖານພະແນກ ສກຂ, ເຂົ້າຮ່ວມຂອງທ່ານ ລິນອານົງ ທອງຄຳມີ ຮອງເລຂາພັກຮາກຖານຮອງຫົວໜ້າພະແນກ ສກຂ, ມີສະມາຊິກກຳມະບານ, 3 ອົງການຈັດຕັ້ງພາຄີແລະພາກສ່ວນທີ່ກ່ຽວຂ້ອງເຂົ້າຮ່ວມ.

ສະໜັບສະໜຸນໂດຍ: HONDA

 ໂອກາດດຽວກັນທ່ານ ຄຳພັດ ວັດທະນາ ໄດ້ຂຶ້ນຜ່ານບົດສະຫຼຸບຮ່າງການປະເມີນ 5 ເປັນເຈົ້າປະຈຳປີຊຶ່ງມີຫຼາຍວຽກງານທີ່ພົ້ນເດັ່ນຈະຕ້ອງໄດ້ຮັກສາມູນເຊື້ອ ແລະຍັງຈຸດຄ້າງຄາບາງດ້ານທີ່ຈະຕ້ອງໄດ້ເອົາໃຈໃສ່ສືບຕໍ່ປັບປຸງແກ້ໄຂໃຫ້ດີຂຶ້ນໃນຕໍ່ໜ້ານອກນັ້ນກໍ່ໄດ້ມອບ-ຮັບໃບຢັ້ງຢືນ 5 ເປັນເຈົ້າໃຫ້ແກ່ກຳມະບານຮາກຖານພະແນກ ສກຂ ຫົວພັນ ໃຫ້ກຽດມອບໂດຍທ່ານ ລິນອານົງ ທອງຄຳມີ ຮອງເລຂາພັກຮາກຖານຮອງຫົວໜ້າພະແນກ ສກຂ ແລະກ່າວຮັບໂດຍທ່ານ ຄຳພັດ ວັດທະນາ ເລຂາກຳມະ ບານຮາກຖານພະແນກ ສກຂ ພ້ອມທັງມອບໃບຍ້ອງຍໍຂອງປະທານກຳມະບານແຂວງ, ໃບຍ້ອງຍໍຂອງຫົວໜ້າພະແນກ ສກຂ ໃຫ້ແກ່ຜູ້ທີ່ມີຜົນງານຕາມລຳດັບ.

-------------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

• 16/12/2019