ຊາວບ້ານຄຳແປງຊື່ນຊົມຕໍ່ແຫຼ່ງທຶນ ທນບ

 ສະຫາຍ ຄອນສະຫວັນ ເລຂາຄະນະພັກຮາກຖານ-ນາຍບ້ານຄຳແປງ ເມືອງຊະນະສົມບູນແຂວງຈຳປາສັກໄດ້ ແຈ້ງໃຫ້ຮູ້ວ່າ: ປະຈຸບັນບ້ານມີ 556 ຫຼັງຄາ, ມີ 676 ຄອບຄົວ ແລະມີປະຊາກອນ 3.043 ຄົນ; ທົ່ວບ້ານມີເນື້ອທີ່ລວມ 2.001 ເຮັກຕາ; ອາຊີບຕົ້ນຕໍຂອງປະຊາຊົນແມ່ນເຮັດນາເປັນສ່ວນໃຫຍ່ ແລະ ຫັດຖະກຳເປັນສຳ ຮອງແມ່ນຫັດຖະກຳຈັກສານ ແລະລ້ຽງສັດ.

ພາບຂ່າວ:

  ບ້ານຄຳແປງໄດ້ສ້າງຕັ້ງກອງທຶນຂຶ້ນໃນປີ 2007 ປະຈຸບັນມີສະມາຊິກທັງໝົດ 740 ຄົນ, ມີຍອດກອງທຶນທັງໝົດ 3,7 ຕື້ກີບຊຶ່ງມີຄະນະບໍລິຫານກອງທຶນ 5 ຄົນ ແລະພາຍຫຼັງທີ່ບ້ານໄດ້ຖືກຮັບຮອງເປັນບ້ານ 3 ສ້າງແລ້ວບ້ານກໍ່ໄດ້ຮັບແຫຼ່ງທຶນເງິນກູ້ຈາກທະນາຄານນະໂຍບາຍ (ທນບ) ສາຂາຈຳປາສັກໂດຍມີຊາວບ້ານຮັບທຶນກູ້ຢືມຄັ້ງທີ 1 ຈຳນວນ 5 ກຸ່ມ, ມີ 34 ຄອບຄົວ, ວົງເງິນກູ້ຢືມທັງໝົດ 675 ລ້ານກີບ ມີເປົ້າໝາຍລ້ຽງງົວ (ເດືອນກັນຍາ 2019); ຈາກນັ້ນ, ຍັງໄດ້ຮັບເງິນກູ້ຈາກທະ ນາຄານນະໂຍບາຍ ສາ ຂາຈຳປາສັກເປັນຄັ້ງທີ 2 ເພື່ອຊຸກຍູ້ການຜະລິດຫັດຖະກຳຈຳນວນ 4 ກຸ່ມ, ມີ 29 ຄອບຄົວ ແລະກູ້ຢືມເງິນຈຳນວນ 145 ລ້ານກີບ, ລ້ຽງໝູຈຳນວນ 4 ຄອບຄົວ ໃນວົງເງິນ 45 ລ້ານກີບ ມາເຖິງປະຈຸບັນບ້ານຄຳແປງໄດ້ກູ້ຢືມເງິນຈາກທະນາຄານນະໂຍບາຍສາຂາຈຳປາສັກຈຳນວນທັງໝົດ 865 ລ້ານກີບ.

ສະໜັບສະໜຸນໂດຍ: HONDA

  ສະຫາຍ ຄອນສະຫວັນ ເລຂາຄະນະພັກ-ນາຍບ້ານຄຳແປງໄດ້ຕາງໜ້າໃຫ້ຊາວບ້ານໃຫຍ່ຄຳແປງຂໍສະແດງຄວາມຮູ້ບຸນຄຸນມາຍັງຂັ້ນເທິງໂດຍສະເພາະທະນາຄານນະ ໂຍບາຍສາຂາຈຳປາສັກ ທີ່ໄດ້ສະໜອງແຫຼ່ງທຶນຢ່າຫຼວງຫຼາຍໃຫ້ຊາວບ້ານຂ້າພະເຈົ້າເຂົ້າໃນການພັດທະນາປະກອບສ່ວນເຮັດໃຫ້ປະຊາຊົນມີຊີວິດການເປັນຢູ່ດີຂຶ້ນເປັນກ້າວໆ.

__________

ຂຽນໂດຍ: ຣັດສະໝີດວງສັດຈະ      
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์