ຟາມພູຕາເວັນເປີດລະດູການທ່ອງທ່ຽວປີ 2020 ຢ່າງເປັນທາງການ

 ເມື່ອແລງວັນທີ 11 ທັນວາ 2019 ທີ່ຟາມພູຕາເວັນ ເມືອງທ່າພະບາດ ແຂວງບໍລິຄຳໄຊ ໄດ້ຈັດພິທີເປີດລະດູການທ່ອງທ່ຽວຂອງຟາມພູຕາເວັນປະຈຳປີ 2020 ຂຶ້ນຢ່າງເປັນທາງການໂດຍການເຂົ້າຮ່ວມຂອງ ທ່ານ ທະວີເພັດ ອຸລາ ຮອງຫົວໜ້າກົມພັດທະນາການທ່ອງທ່ຽວທັງເປັນຜູ້ຈັດການໂຄງການພັດທະນາໂຄງລ້າງພື້ນຖານເພື່ອສົ່ງເສີມການທ່ອງທ່ຽວກະຊວງຖະແຫຼງຂ່າວວັດທະນະທຳ ແລະທ່ອງທ່ຽວ, ທ່ານ ສົນທອງ ວີບຸນກວ້າງ ຮອງຫົວໜ້າພະແນກຖະແຫຼງຂ່າວວັດທະນະທຳ ແລະທ່ອງທ່ຽວແຂວງບໍລິຄຳໄຊ, ມີບັນດາທ່ານແຂກຖືກເຊີນຈາກກົມການທ່ອງທ່ຽວ, ພະແນກການຂັ້ນແຂວງ ແລະເມືອງທີ່ກ່ຽວຂ້ອງຕະຫຼອດຮອດນັກທ່ອງທ່ຽວເຂົ້າຮ່ວມ.

ສະໜັບສະໜຸນໂດຍ: HONDA

  ທ່ານ ນາງ ດາລຸນນີ ດວງປະເສີດ ອຳນວຍການຟາມພູຕາເວັນກ່າວຈຸດປະສົງ ແລະເປີດລະດູການທ່ອງທ່ຽວຟາມພູຕາເວັນປະຈຳປີ 2020 ນີ້ວ່າ: ເພື່ອບັນລຸວິໃສທັດການພັດທະນາການທ່ອງທ່ຽວຂອງແຂວງໃຫ້ປາກົດຜົນເປັນຈິງເວົ້າລວມເວົ້າສະເພາະກໍຄືການພັດທະນາແຫຼງທ່ອງທ່ຽວແບບກະເສດ ແລະ ຮັກສາສິ່ງແວດລ້ອມຂອງຟາມພູຕາເວັນໂດຍມີຫຼາຍພາກສ່ວນມີສ່ວນຮ່ວມໃນການປະກອບສ່ວນເຂົ້າໃນການສ້າງວຽກເຮັດງານທຳໃຫ້ກັບປະຊາຊົນທ້ອງຖິ່ນຟາມພູຕາເວັນແຫ່ງນີ້ແມ່ນສະຖານທີ່ໜຶ່ງທີ່ໄດ້ກາຍເປັນຈຸດເຊື່ອມຕໍ່ສ້າງເປັນວົງຈອນການທ່ອງທ່ຽວລະຫວ່າງນະຄອນຫຼວງວຽງຈັນ ແລະແຂວງບໍລິຄຳໄຊ ເປັນປະຕູຮັບນັກທ່ອງທ່ຽວໃນປະຈຸບັນ ແລະ ໃນຕໍ່ໜ້າຕື່ມອີກ.

  ຟາມພູຕາເວັນເປີດລະດູການທ່ອງທ່ຽວປີ 2020 ນີ້ແມ່ນຈະມີຫຼາຍກິດຈະກຳເພື່ອຕອບສະໜອງໃຫ້ແກ່ນັກທ່ອງທ່ຽວເປັນຕົ້ນໃນມໍໆນີ້ຈະມີກິດຈະກຳສົ່ງທ້າຍປີເກົ່າ 2019 ຕ້ອນຮັບປີໃໝ່ 2020 ໂດຍກິດຈະກຳໃນງານຈະມີການສະແດງສິລະປະຟື້ນບ້ານ ແລະ ແຈກຂອງຂວັນລາງວັນໃຫ້ນັກທ່ອງທ່ຽວໃນນັ້ນຟາມພູຕາເວັນກໍແມ່ນໄດ້ເປີດໃຫ້ນັກທ່ອງທ່ຽວເຂົ້າຊົມສວຍພືດຜັກດອກໄມ້ ແລະຊົມຖ່າຍຮູບໃຫ້ແກ່ນັກທ່ອງທ່ຽວ ແລະ ຈະມີງານເທສະການໂຄມໄຟ ແລະ ເປີດກິດຈະກຳທ່ອງທ່ຽວແບບຄົບວົງຈອນໃນຟາມພູຕາເວັນທຸກໆວັນເສົາ-ອາທິດຕະຫຼອດລະດູການນີ້.

ພາບຂ່າວ:

  ເພື່ອບັນລຸຕາມເປົ້າໝາຍຂ້າງເທິງນັ້ນຟາມພູຕາເວັນກໍຫວັງຢ່າງຍິງວ່າທາງພາກລັດ ແລະເອກະຊົນຕະຫຼອດຮອດນັກທ່ອງທ່ຽວຈະມີສ່ວນຮ່ວມເຂົ້າມາທ່ຽວຊົມຟາມພູຕາເວັນໃຫ້ຫຼາຍຂຶ້ນ ແລະເພື່ອເຮັດໃຫ້ວຽກງານພັດທະນາການທ່ອງທ່ຽວຂອງແຂວງເວົ້າລວມເວົ້າສະເພາະກໍຄືຟາມພູຕາເວັນໄດ້ມີບາດກ້າວອັນໃໝ່ໃນຕໍ່ໜ້າ.

____________

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์