ບຸນອົບຮົມວິປັດສະນາກຳມະຖານຄັ້ງທີ VII ວັດສາມະຄີທຳ

 ພິທີເປີດງານບຸນອົບຮົມວິປັດສະນາກຳມະຖານຄັ້ງທີ VII ທີ່ວັດສາມະຄີທໍາບ້ານນາຕໍນ້ອຍ ເມືອງໄຊຍະບູລີໄດ້ຈັດຂຶ້ນໃນວັນທີ 5 ທັນວາ 2019 ໂດຍການໃຫ້ກຽດເຂົ້າ ຮ່ວມຂອງທ່ານສົມບັດຈະເລີນມີໄຊປະທານແນວລາວສ້າງຊາດເມືອງ, ທ່ານ ພະອາຈານ ບຸນທຽນ ພຸດພະວະໂລ ປະທານອົງການ ພຸດພະສາສະໜາສຳພັນລາວແຂວງໄຊຍະບູລີ, ມີຫົວໜ້າ, ຮອງຫົວໜ້າຫ້ອງການຂອງເມືອງ, ພະເຖລານຸເຖລະ, ອົງການປົກຄອງບ້ານພ້ອມດ້ວຍນັກປະຕິບັດທຳເຂົ້າຮ່ວມ.

ສະໜັບສະໜຸນໂດຍ: HONDA

  ທ່ານ ວຽງສັກ ວິປະຈັນໂຍ ຫົວໜ້າກຳມາທິການເຜີຍແຜ່ສີລະທຳ ແຂວງໄຊຍະບູລີ ກ່າວວ່າ: ຈຸດປະສົງຂອງການເປີດງານບຸນອົບຮົມວິປັດສະນາກຳມະຖານຄັ້ງທີ VII ໃນຄັ້ງນີ້ກໍ່ເພື່ອປະຕິບັດຕາມຫຼັກສູດຂອງການຮຽນ-ການສອນຂອງສຶກສາສົງຂອງສູນກາງວາງອອກກໍ່ຄືແຜນຂອງກຳມະທິການສືກສາສົງແຂວງວາງອອກໃຫ້ມີຜົນສຳເລັດຕາມລະດັບຄາດໝາຍ, ເຮັດໃຫ້ນັກຝືກອົບຮົມໄດ້ຮັບຮູ້ ແລະເຂົ້າໃຈຢ່າງເລິກເຊິ່ງກ່ຽວກັບຫຼັກທຳຄຳສອນແຫ່ງອົງສົມເດັດພະສຳມາສຳພຸດທະເຈົ້າ, ຊຶ່ງເປົ້າ ໝາຍນັກປະຕິບັດທຳແມ່ນນັກຮຽນພາຍໃນໂຮງຮຽນມັດທະຍົມສຶກສາສົມບູນສົງໄຊຍະບູລີຊັ້ນ ມ4 ແລະມ7 ມີຜູ້ເຂົ້າຮ່ວມທັງໝົດ 179 ຕົນ, ໃນນີ້ພະ 2 ອົງ, ສາມະເນນ 151 ອົງ, ແມ່ຂາວ 25 ຕົນ, ພໍ່ຂາວ 1 ຕົນ.

  ການເປີດງານບຸນອົບຮົມວິປັດສະນາກຳມະຖານຄັ້ງທີ VII ໃນຄັ້ງນີ້ແມ່ນຈະດຳເນີນເປັນເວລາ 10 ວັນຈຶ່ງສຳເລັດ.

---------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์