ໂຮງຮຽນການເມືອງ-ການປົກຄອງອັດຕະປື ສະຫຼຸບວຽກປະຈຳປີ

  ໂຮງຮຽນການເມືອງ ແລະ ການປົກຄອງແຂວງອັດຕະປືສະ ຫຼຸບຖອດຖອນບົດຮຽນປະຈໍາປີ 2019 ຊຶ່ງໄດ້ຈັດຂຶ້ນທີ່ຫອ້ງປະຊຸມ ໂຮງຮຽນດັ່ງກ່າວໃນທີ 10 ທັນວາ 2019 ໂດຍການເຂົ້າຮ່ວມ ຂອງທ່ານ ນາງ ມີນາພອນ ໄຊສົມ ພູ ຮອງເລຂາພັກແຂວງຫົວໜ້າຄະນະຈັດຕັ້ງແຂວງອັດຕະປື, ທ່ານ ບຸນປອນ ອອ່ນໄຊວຽງ ວ່າການ ຫົວໜ້າໂຮງຮຽນການເມືອງ ແລະ ການປົກຄອງແຂວງອັດຕະປື ມີຄູ- ອາຈານ ພະນັກງານລັດຖະກອນພ້ອມດ້ວຍພາກສ່ວນທີ່ກ່ຽວຂ້ອງ ເຂົ້າຮ່ວມ.

ທ່ານ ນາງ ອ່ອນໃສ ມຽງ ລາວັນ ຮອງຫົວໜ້າໂຮງຮຽນການ ເມືອງ ແລະການປົກຄອງແຂວງກໍ່ໄດ້ຂຶ້ນຜ່ານບົດສະຫຼຸບຜົນການຈັດ ຕັ້ງປະຕິບັດ, ວຽກງານການຄຸ້ມ ຄອງແລະບໍລິຫານຂອງໂຮງຮຽນ ການເມືອງ ແລະການປົກຄອງ ແຂວງປະຈໍາປີ 2019 ແລະທິດ ທາງແຜນການປະຈໍາປີ 2020 ຊຶ່ງຕະຫຼອດໄລຍະ 1 ປີ ຜ່ານມາຄະນະໂຮງຮຽນການເມືອງ ແລະ ການປົກຄອງແຂວງໄດ້ຖືເອົາການ ສືກສາອົບຮົມການເມືອງ-ແນວຄິດ ໃຫ້ພະນັກງານຄູ-ອາຈານ ແລະ ນັກສືກສາເປັນຕົ້ນແມ່ນໄດ້ເຊື່ອມຊຶມມະຕິຄໍາສັງ, ຂໍ້ກໍານົດ, ກົດລະບຽບຕ່າງໆ ແລະເອກະສານ ສໍາຄັນຂອງພັກຂອງຊາດ, ເຮັດ ໃຫ້ພະນັກງານ, ຄູ-ອາຈານ ແລະ ນັກສືກສາຮັບຮູ້ເຂົ້າໃຈແນວທາງນະໂຍບາຍຂອງພັກ ແລະລະບຽບກົດໝາຍຂອງລັດໄດ້ເປັນຢ່າງດີ ຊຶ່ງສະແດງອອກໃນພຶດຕິກໍາຕົວ ຈິງ ໂດຍສະເພາະໃນປີ 2019 ໄດ້ຈັດຕັ້ງປະຕິບັດການຮຽນ-ການ ສອນທິດສະດີການເມືອງ ແລະ ການປົກຄອງລະບົບຊັ້ນຕົ້ນ 3 ເດືອນໄດ້ 2 ຊຸດ, ມີນັກສືກສາທັງ ໝົດ 93 ຄົນ, ຍິງ 21 ຄົນ, ໃນນັ້ນມີເລຂາພັກບ້ານ, ນາຍບ້ານ 42 ຄົນ ຍິງ 7 ຄົນ, ປະຕິບັດໄດ້ 100%  ແລະລະບົບຊັ້ນກາງ 15 ເດືອນປະຕິບັດໄດ້ 1 ຊຸດມີນັກສືກສາ 50 ຄົນ, ຍິງ 13 ຄົນປະຕິບັດໄດ້ 100% ແລະໄດ້ນໍາໃຊ້ງົບປະມານໃນການຈັດຕັ້ງປະຕິບັດການຮຽນ-ການສອນທັງໝົດ 2 ຕື້ກວ່າກີບ.

ສໍາລັບໂຮງຮຽນການເມືອງ ການປົກຄອງແຂວງອັດຕະປື ໄດ້ກໍ່ສ້າງນັກສືກສາຈົບທິດສະດີການ ເມືອງ ແລະການປົກຄອງລະບົບ ຊັ້ນກາງແຕ່ຮຸ່ນ 1 ຫາຮຸ່ນທີ 7 ມີ ທັງໝົດ 350 ຄົນ, ຍິງ 66 ຄົນ ພາຍຫຼັງຮຽນຈົບສາມາດເຄື່ອນ ໄຫວຈັດຕັ້ງປະຕິບັດໜ້າທີ່ວຽກ ງານໄດ້ຕົວຈິງໄດ້ 224 ຄົນ, ຍິງ 48 ຄົນ ແລະລະບົບຊັ້ນຕົ້ນແຕ່ ຮຸ່ນທີ 1 ຫາຮຸ້ນທີ 10 ໄດ້ທັງໝົດ 572 ຄົນ, ຍິງ 93 ຄົນ, ສາມາດ ເຄື່ອນໄຫວວຽກຕົວຈິງ 330 ຄົນ, ຍິງ 75 ຄົນ.

----------------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์