ຊາວກະສິກອນເມືອງຫີນບູນຕົກກ້ານາແຊງໄດ້ 40%

  ການຜະລິດເຂົ້ານາແຊງຂອງຊາວກະສິກອນເມືອງຫີນບູນແຂວງຄໍາມ່ວນ ສົກປີ 2019-2020 ນີ້ ຄາດຈະສູ້ຊົນຜະລິດໃຫ້ໄດ້ 1 ພັນເຮັກຕາ, ຊຶ່ງປະຈຸບັນລົງມືຕົກກ້າໄດ້ແລ້ວ 40% ແລະຄາດວ່າຈະໃຫ້ສຳເລັດການຕົກກ້າໃນເດືອນທັນວານີ້.

   ທ່ານ ໂຮມມາ ສີບຸນເຮືອງ ຫົວໜ້າຫ້ອງການກະສິກໍາ ແລະ ປ່າໄມ້ເມືອງຫີນບູນໃຫ້ຮູ້ວ່າ: ເມືອງຫີນບູນໄດ້ມີຜົນສຳເລັດໃນການຜະລິດໂດຍສະເພາະແມ່ນການປູກເຂົ້ານາປີ ແລະ ນາແຊງ ໃນປີ 2019 ຜົນຜະລິດສະເລ່ຍໃສ່ປະຊາກອນໃນທົ່ວເມືອງໄດ້ 665 ກິໂລຕໍ່ຄົນຕໍ່ປີ, ພ້ອມດຽວກັນນັ້ນອໍານາດການປົກຄອງເມືອງໄດ້ເອົາໃຈໃສ່ຊຸກຍູ້ການຜະລິດຂອງປະຊາຊົນບັນດາເຜົ່າໃຫ້ເປັນສະບຽງອາຫານ ແລະ ການຜະລິດເປັນສິນຄ້າຊຶ່ງເຫັນວ່າເນື້ອທີ່ທຳການຜະລິດມີການເພີ່ມຂຶ້ນໃນແຕ່ລະປີ, ສໍາລັບການຜະລິດເຂົ້ານາແຊງ ສົກປີ 2019-2020 ນີ້ແມ່ນຈະສູ້ຊົນຜະລິດໃນເນື້ອທີ່ 1 ພັນເຮັກຕາຊຶ່ງຂະແໜງການທີ່ ກ່ຽວຂ້ອງໄດ້ລະດົມໃຫ້ປະຊາຊົນ ແລະ ອົງການ

ຈັດຕັ້ງທຸກພາກສ່ວນໄດ້ມີສ່ວນຮ່ວມໃນການປັບປຸງ, ສ້ອມແປງລະບົບຊົນລະປະທານ, ຄອງເໝືອງ ແລະ ລະບົບຫົວງານຕ່າງໆ ເພື່ອເຮັດໃຫ້ການຜະລິດຂອງພໍ່ແມ່ປະ ຊາຊົນໄດ້ທັນກັບລະດູການ ແລະ ຮັບປະກັນສະໜອງນໍ້າໄດ້ພຽງພໍກັບຄວາມຕ້ອງການໃນເນື້ອທີ່ຄາດຄະເນໄວ້, ຊຶ່ງໃນທົ່ວເມືອງມີໂຄງການຊົນລະປະທານທັງໝົດ 25 ໂຄງການ ໃນນັ້ນ ໂຄງ ການຊົນລະປະທານແບບນໍ້າໄຫຼເຂົ້າເອງ 3 ໂຄງການອັນເປັນເງື່ອນໄຂເຮັດໃຫ້ການຜະລິດໃນທົ່ວເມືອງຫີນບູນໄດ້ມີຜົນສຳເລັດ, ມາຮອດປະຈຸບັນຊາວກະສິກອນລົງມືຕົກກ້າໄດ້ແລ້ວ 40% ແລະ ຄາດວ່າຈະໃຫ້ສຳເລັດການຕົກກ້າໃນເດືອນທັນວານີ້.

ສະໜັບສະໜຸນໂດຍ: HONDA

  ສະເພາະການປູກພືດລະດູແລ້ງໃນເນື້ອທີ່ແຜນການ 1.730 ເຮັກຕາ ມາຮອດປະຈຸບັນແມ່ນປະຕິບັດໄດ້ແລ້ວ 30% ຂອງເນື້ອທີ່ແຜນການໃນນັ້ນເດັ່ນກວ່າໝູ່ແມ່ນການປູກມັນຕົ້ນໂດຍໄດ້ຮັບການສະໜັບສະໜູນທຶນຈຳນວນໜຶ່ງຈາກໂຮງງານແປ້ງມັນຕົ້ນຄຳມ່ວນ ພັດທະນາທີ່ໄດ້ສົ່ງເສີມປະຊາຊົນຄາດວ່າໃນປີ 2019 ນີ້ຈະຜະລິດໃຫ້ໄດ້ 150 ເຮັກຕາ ຂຶ້ນໄປ (ສະເພາະເນື້ອທີ່ີໆນອນຢູ່ໃນໂຄງການດັ່ງກ່າວ) ແລະ ໃນທົ່ວເມືອງແມ່ນຄາດວ່າຈະມີເນື້ອທີ່ຜະລິດເຖິງ 500 ເຮັກຕາຂຶ້ນໄປສຳລັບເນື້ອທີ່ປູກມັນຕົ້ນ.

_________

ຂຽນໂດຍ: ນໍ້າເໝີຍ    
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  

แชร์