ຜົນການແຂ່ງຂັນໂຄງການປັ້ນເຈົ້າໃຫ້ເປັນດາວ

 ໃນໂອກາດເປີດງານວາງສະແດງສູນຝາກຂາຍໂອດ໋ອບລາວ N&N/12 ແລະ ແປ້ງມິສທິນຈຳ ປາລາວ ທີ່ສູນການຄ້າວຽງຈັນເຊັນເຕີ ນະຄອນຫຼວງວຽງຈັນ ສຳລັບກິດ ຈະກຳການແຂ່ງຂັນຜູ້ມີພອນສະຫວັນຄວາມສາມາດພິເສດພາຍໃຕ້ໂຄງການ “ປັ້ນເຈົ້າໃຫ້ເປັນດາວ” ແມ່ນສຳເລັດລົງໄປດ້ວຍດີຊຶ່ງມີ 3 ຄົນທີ່ຊະນະເລີດໄດ້ຮັບລາງວັນດີເດັ່ນ.

  ຮອບຕັດສິນໄດ້ຈັດຂຶ້ນວັນທີ 10 ທັນວາ 2019 ໃຫ້ກຽດເຂົ້າຮ່ວມໂດຍທ່ານຍາປ້າທອງວັນ ສີພັນດອນ ປະທານກິດຕິມະສັກສູນຝາກຂາຍໂອດ໋ອບລາວ, ທ່ານນາງ ປານີ ກິນດາວົງ ຮອງຫົວໜ້າກົມຂະບວນການຊາວໜຸ່ມປະຊາຊົນປະຕິວັດລາວ, ທ່ານ ນາງ ອານິດ ສີວິໄຊ ປະທານສູນຝາກຂາຍໂອດ໋ອບລາວ, ທ່ານ ນາງ ວຽງວິ ໄຊ ປະທານບໍລິສັດມິສທິນກ້າວໜ້າ ລາວ, ທ່ານ ທະວີສັກ ທໍາມະວົງສາ ຫົວໜ້າຄ້າຍເພງ TK ຊາວລາວ ພ້ອມດ້ວຍບັນດາຜູ້ສະໜັບສະໜູນ ແລະ ສື່ມວນຊົນເຂົ້າຮ່ວມ.

ສະໜັບສະໜຸນໂດຍ: HONDA

  ໂຄງການປັ້ນເຈົ້າໃຫ້ເປັນດາວໂດຍແມ່ນສູນຝາກຂາຍໂອດ໋ອບລາວ,ບໍລິສັດມິສທິນກ້າວໜ້າລາວຈຳກັດ,ຄ້າຍເພງ TK ຊາວລາວ ແລະຮ້ານຄ້າອື່ນໆທັງໝົດມີ 8 ພາກ ສ່ວນຮ່ວມຈັດວາງສະແດງຊຶ່ງເປັນກິດຈະກຳສົ່ງເສີມໃຫ້ຜູ້ມີພອນສະຫວັນໃນຫຼາຍຮູບແບບມາຮ່ວມແຂ່ງຂັນສະແດງຄວາມສາມາດພິເສດທີ່ຖະໜັດບໍ່ວ່າຈະເປັນການຕໍ່າຫູກ, ການປຸງແຕ່ງ,  ການຮ້ອງເພງ, ການອອກແບບເສື້ອຜ້າ, ການເດີນແບບ, ການແຕ່ງໜ້າ, ການຈັກສານ, ການວາງຈໍາໜ່າຍສິນຄ້າຜະລິດຕະພັນ ແລະ ການສົ່ງເສີມການທ່ອງທ່ຽວໂດຍແຍກອອກ ເປັນ 3 ລາງວັນຄື: ລາງວັນດາວ ໂອດ໋ອບ, ດາວມິສທິນ ແລະ ດາວທີເຄການບັນເທີງ.

  ຜ່ານການແຂ່ງຂັນຜູ້ຊະນະເລີດລາງວັນດາວໂອດ໋ອບໄດ້ແກ່ນາງ ນະພາ ທາກາຢາກິ, ລາງວັນດາວມິສທິນໄດ້ທ້າວ ຄຳວ້ວນ ເພງຈຳປາ ແລະ ລາງວັນດາວທີເຄການບັນເທີງໄດ້ແກ່ນາງ ເກດດາລາ ເກດວົງສາ ຊຶ່ງທັງສາມໄດ້ຮັບໂລ້ໂກ້ລາງວັນ, ໃບຍ້ອງຍໍພ້ອມໄດ້ຮັບເງິນສົດຄົນລະ 5 ລ້ານກີບ, ນອກນັ້ນຍັງມີລາງວັນພິເສດກໍ່ຄືລາງວັນມວນຊົນການຂຽນຂ່າວດີເດັ່ນຂອງກິດຈະກຳງານວາງສະແດງສູນຝາກຂາຍໂອດ໋ອບລາວໄດ້ແກ່ທ່ານ ສຳນານ ພົມພັກດີ ນັກຂ່າວໜັງສືພິມປະຊາຊົນ.

  ທ່ານ ນາງ ອານິດ ສີວິໄຊ ໄດ້ ກ່າວວ່າ: ໂຄງການນີ້ແມ່ນຈັດຂຶ້ນເພື່ອເປັນສີສັນໃນການສ້າງກິດຈະກໍາຄວາມສົນໃຈໃຫ້ແຂກທີ່ເຂົ້າຮ່ວມພາຍໃນງານພ້ອມທັງເປັນຈຸດເດັ່ນໃນການເປີດໂຕສູນຝາກຂາຍໂອດ໋ອບລາວຢ່າງເປັນທາງການເຊິ່ງເປັນການເປີດໂອກາດໃຫ້ຜູ້ທີ່ມີພອນສະຫວັນສະແດງຄວາມສາມາດສ່ວນຂັນລາງວັນແມ່ນຈະຜະລິດຂຶ້ນມາຈາຝີມືຂອງຄົນລາວເອງ.

__________

ຂຽນໂດຍ: ແພງຕາ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

 

แชร์