ແຂ່ງຂັນຊ່ວງເຮືອປະຈຳປີ ທີ່ອ່າງເກັບນໍ້າເຊສາລາລອງ

 ໃນລະຫວ່າງວັນທີ 6-8 ທັນວາ 2019 ທີ່ອ່າງເກັບນໍ້າຊົນລະປະທານເຊສາລາລອງເມືອງ ທ່າປາງທອງ ແຂວງສະຫວັນນະເຂດ ໄດ້ຈັດງານບຸນປະເພນີຊ່ວງເຮືອປະ ຈຳປີ ໂດຍໃຫ້ກຽດເຂົ້າ ຮ່ວມຂອງທ່ານ ຄຳມະນີ ອິນທິລາດ ລັດຖະມົນຕີ ກະຊວງພະລັງງານ ແລະບໍ່ແຮ່, ທ່ານ ຈັນສອນ ແສນບຸດຕະລາດ ຮອງລັດຖະມົນຕີກະຊວງພະລັງງານ ແລະບໍ່ແຮ່, ທ່ານ ພູວັງ ເກດແກ້ວພົມພອນ ເຈົ້າເມືອງທ່າປາງທອງ, ມີບັນດາທ່ານສະມາຊິກສະພາແຫ່ງຊາດປະຈຳເຂດເລືອກຕັ້ງທີ 13 ແຂວງ ສະຫວັນນະເຂດ, ສະມາຊິກສະພາປະຊາຊົນແຂວງ, ການນໍາຂັ້ນເມືອງຈາກເມືອງຕ່າງໆພາຍໃນແຂວງ ແລະຕ່າງແຂວງ, ນັກທຸລະກິດ, ພໍ່ຄ້າຊາວຂາຍ ແລະມ່ວນຊົນເຂົ້າຮ່ວມເປັນຈຳນວນຫຼວງຫຼາຍ.

ສະໜັບສະໜຸນໂດຍ: HONDA

  ທ່ານ ຄຳປະສົງ ຂົງຄຳ ຮອງເຈົ້າເມືອງທ່າປາງທອງ ໄດ້ລາຍງານການຈັດງານແຂ່ງຂັນເຮືອຊ່ວງປະຈຳປີ 2019 ວ່າ: ການງານແຂ່ງຂັນຊ່ວງເຮືອປະເພນີປະປະຈຳປີ 2019 ມີເຮືອເຂົ້າຮ່ວມ ການແຂ່ງຂັນທັງໝົດ 33 ລຳ, ໄດ້ຈັດການແຂ່ງຂັນເຮືອ 2 ປະເພດຄື: ປະເພດ 12 ສີພາຍ ແລະປະເພດ 4 ສີພາຍ, ໃນນີ້ປະເພດ 12 ສີພາຍ ມີ 11 ລໍາເຮືອຊ່ວງພາຍ ໃນເມືອງ 9 ລໍາ ແລະ ມາຈາກຕ່າງ ເມືອງ 2 ລໍາ, ປະເພດ 4 ສີຟາຍ  22 ລໍາ, ຜ່ານການແຂ່ງຂັນຊະນະ ເລີດປະເພດເຮືອ 12 ສີຟາຍ: ຊະນະເລີດໄດ້ແກ່ເຮືອເຈົ້າແມ່ຫົງຄຳ ມາຈາກເມືອງພີນ ໄດ້ຮັບລາງວັນເງິນສົດ 5 ລ້ານກີບ ພ້ອມຂັນ 1 ໜ່ວຍ, ອັນດັບ 2 ເຮືອເຈົ້າພໍ່ຜາ ແດງຂົງເຂດ ປກຊ-ປກສ ເມືອງ ໄດ້ຮັບເງິນສົດ 3 ລ້ານກີບ ພ້ອມຂັນ 1 ໜ່ວຍ, ອັນດັບ 3 ເຮືອສາວ ນ້ອຍກຸດລຳພັນ ບ້ານກຸດຮີ (ຄຸ້ມກຸດລຳພັນ) ໄດ້ຮັບລາງວັນເງິນ ສົດ 2 ລ້ານກີບ ພ້ອມຂັນ 1 ໜ່ວຍ,ອັນດັບ 4 ເຮືອຍາຄູ ເພັດພະຈຸມຮຸມ ບ້ານທົ່ງປາງ ໄດ້ຮັບລາງວັນເງິນສົດ 1,5 ລ້ານກີບ.

  ສຳລັບເຮືອປະເພດ 4 ສີຟາຍ ຊະນະເລີດໄດ້ແກ່ເຮືອກຸ່ມບ້ານທີ 3 ຫ້ວຍໝື່ນ ໄດ້ຮັບລາງວັນເງິນສົດ 2,5 ລ້ານກີບ ພ້ອມຂັນ 1 ໜ່ວຍ, ອັນດັບ 2 ເຮືອເຈົ້າແມ່ບຸນ ຫຼາຍສາຍຊຶ້ງ ບ້ານຫ້ວຍໝື່ນ ໄດ້ຮັບເງິນສົດ 1,5 ລ້ານກີບ ພ້ອມຂັນ 1 ໜ່ວຍ, ອັນດັບ 3 ເຮືອເຈົ້າພໍ່ຜາ ແດງ ປກຊ ເມືອງ ໄດ້ຮັບເງິນສົດ 1 ລ້ານກີບ ພ້ອມຂັນ 1 ໜ່ວຍ, ອັນດັບ 4 ເຮືອຍາຄູເພັດພະຈຸມຮຸມ 2 ບ້ານທົ່ງປາງ ໄດ້ຮັບເງິນສົດ 7,5 ແສນກີບ.

----------------------

ພາບ ແລະຂ່າວຈາກ: : ໜັງສືພິມເສດຖະກິດ-ສັງຄົມ

แชร์