ຊາວໜຸ່ມໂຮງຮຽນເຕັກນິກວິຊາຊີບອຸດົມໄຊບໍລິຈາກເລືອດ

  ທ້າຍອາທິດຜ່ານມາທີ່ໂຮງຮຽນເຕັກນິກວິຊາຊີບແບບປະສົມ ແຂວງອຸດົມໄຊ ມີພິທີຮັບບໍລິຈາກເລືອດໂດຍການສົມທົບກັນລະຫວ່າງຊາວໜຸ່ມແຂວງກັບອົງການກາແດງລາວ ຊຶ່ງເປັນກິດຈະກຳຂອງຂະບວນຊາວໜຸ່ມຕະລຸມບອນ ແຂວງອຸດົມໄຊ ຮ່ວມໃຈບໍລິຈາກເລືອດເພື່ອຊ່ວຍຊີວິດເພື່ອນມະນຸດດ້ວຍກັນໃນສັງຄົມທັງເປັນການສ້າງຂະ ບວນການເພື່ອຂໍ່ານັບຮັບຕ້ອງກອງປະຊຸມໃຫຍ່ຄັ້ງທີ 3 ຂອງຊາວໜຸ່ມທົ່ວແຂວງທີ່ຈະໄດ້ຈັດຂຶ້ນໃນມໍ່ໆນີ້.

 ການລົງເຄື່ອນໄຫວຮັບບໍລິຈາກໃນຄັ້ງນີ້ມີຊາວໜຸ່ມຢູ່ພາຍໃນໂຮງຮຽນດັ່ງກ່າວໃຫ້ຄວາມສົນໃຈ ແລະເຂົ້າມາສະໝັກເພື່ອບໍລິຈາກຫຼາຍຄົນແຕ່ຄົນທີ່ຜ່ານມາດຖານເງື່ອນ ໄຂ, ການກວດຂອງທ່ານໝໍ ແລະໄດ້ບໍລິຈາກຕົວຈິງທັງໝົດຈໍານວນ 15 ຄົນ, ຍິງ 5 ຄົນ ໄດ້ ເລືອດທັງໝົດ 15 ຖົງ, ໂອກາດດັ່ງກ່າວຍັງໄດ້ຮັບຟັງການເຜີຍແຜ່ຄວາມຮູ້ກ່ຽວກັບການບໍລິຈາກເລືອດ, ວິທີ, ຂັ້ນຕອນ ແລະເງື່ອນໄຂຕ່າງໆ ໃນການນໍາໃຊ້ເລືອດຢູ່ ໃນສູນເລືອດຫາກມີຄວາມຈຳເປັນ ແລະຕ້ອງການໃຊ້ລວມທັງມີພິທີມອບໃບຍ້ອງຍໍໃຫ້ກັບກົມກອງລວມໝູ່ ແລະບຸກຄົນທີ່ໄດ້ປະກອບສ່ວນບໍລິຈາກເລືອດ.

  ໃນພິທີທ່ານ ທອງຈັນ ໄຊລືຕາ ຫົວໜ້າອົງການກາແດງແຂວງອຸດົມໄຊ, ທ່ານ ຄຳແບ່ງ ຈັນມະນີ ຮອງເລຂາຄະນະບໍລິຫານງານຊາວໜຸ່ມແຂວງ, ມີຄະນະອໍານວຍ ການໂຮງຮຽນ, ເລຂາໜ່ວຍຊາວໜຸ່ມ ແລະສະມາຊິກຊາວໜຸ່ມພາຍໃນໂຮງຮຽນດັ່ງກ່າວເຂົ້າຮ່ວມ.

----------------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์