ນ້ອງໂອ ຄວ້າຫຼຽນຄຳໃຫ້ທັບນັກກີລາລາວ ຊີເກມທີ່ຟິລິບປິນ

  ນ້ອງໂອ ຫຼື ສຸກັນ 1 ດຽວ ນັກກີລາລາວຄວ້າຫຼຽນຄຳຂອງ ທັບນັກກີລາລາວນັກມວຍຄິກບ໋ອກ ຊີ້ງຂອງລາວ ສາມາດນ໋ອກຄູ່ຕໍ່ສູ້ ຈາກອິນໂດເນເຊຍ ພຽງຍົກທຳ ອິດເທົ່ານັ້ນ! ກາຍເປັນຮີໂຣຂອງ ທັບນັກກີລາລາວກໍຄືຂວັນໃຈຂອງ ພໍ່ແມ່ປະຊາຊົນຊາວລາວທັນທີ່ໃນການເຂົ້າຮ່ວມງານມະຫາກຳກີລາຊີເກມ ຄັ້ງທີ XXX ທີ່ປະເທດຟິ ລິບປິນຮັບກຽດເປັນເຈົ້າພາບລະຫວ່າງວັນທີ 30 ພະຈິກຫາ 11 ທັນວາ 2019.

ນັດຊີງຫຼຽນຄຳມວຍຄີກບ໋ອກ ຊີ້ງ ຮຸ່ນນໍ້າໜັກ-60 ກິໂລກຣາມ ງານກີລາຊີເກມໃນຄັ້ງນີ້ຈັດຂຶ້ນເມື່ອວັນທີ 10 ທັນວາ ຜ່ານມາ ໂດຍແມ່ນທ້າວ ສຸກັນໄຕປັນຍາວົງ ໜຶ່ງຄວາມຫວັງຂອງທັບນັກ ກີລາຂຶ້ນຊົກພົບກັບນັກກີລາຈາກ ອິນໂດເນເຊຍ ໃນຮຸ່ນດັ່ງກ່າວມີນັກກີລາເຂົ້າຮ່ວມແຂ່ງຂັນ 6 ຊາດ ແບ່ງອອກເປັນ 2 ສາຍ ກໍຄືສາຍ ເອ ແລະສາຍບີ ສາຍລະ 3 ຊາດ ແລະສາຍໜຶ່ງແມ່ນຈັບສະຫຼາກ ເພື່ອເອົາເນີດແຂ່ງຂັນ ແລະນ້ອງ ໂອ ເຮັງສາມາດຈັບໄດ້ເນີດໃນສາຍເອ ຊຶ່ງມີກຳປູເຈຍ ແລະຫວຽດ ນາມ ສ່ວນສາຍບີ ມີເຈົ້າພາບຟິລິບປິນ, ມາເລເຊຍ ແລະອິນໂດເນເຊຍ.

ສຳລັບການເຂົ້າຮ່ວມຊີເກມປີນີ້ຂອງນ້ອງໂອ ຕ້ອງແບກຄວາມກົດດັນຂອງປະຊາຊົນລາວທັງປະເທດທີ່ຄອງຄອຍຫຼຽນຄຳຫຼຽນ ດຽວຂອງທັບນັກກີລາລາວໃນຊີ ເກມຄັ້ງນີ້ເນື່ອງຈາກທຸກປະເພດ ກີລາໄດ້ລົງແຂ່ງຄົບໝົດແລ້ວຂຶ້ນສັງວຽນ! ແຕ່ນ້ອງໂອ ກໍບໍ່ເຮັດໃຫ້ປະຊາຊົນລາວທັງປະເທດຕ້ອງ ຜິດຫວັງ!...ສິ້ນສຽງສັນຍານຂອງ ກຳມະການໃຫ້ຊົກນ້ອງໂອ ກໍເປີດ ເກມເຂົ້າໃສ່ແບບບໍ່ສົນໃຈຫຍັງໃນຂະນະທີ່ຄະແນນນ້ອງໂອກຳລັງນຳຢູ່ 1-0 ແລະບໍ່ທັນໝົດຍົກນ້ອງໂອ ກໍເຕະເຂົ້າເຕັມໆຖືກຊວງຂ້າງ ທ້ອງຈົນນັກມວຍອິນໂດເນເຊຍ ຕ້ອງນອນກອງພື້ນສັງວຽນກຳມະການນັບສິບບໍ່ຟື້ນ ຈຶ່ງເປັນຝ່າຍ ຍົກມືໃຫ້ນ້ອງໂອ ເປັນຝ່າຍຊະນະ ແລະໄດ້ຫຼຽນຄຳຫຼຽນທຳອິດໃຫ້ແກ່ທັບນັກກີລາລາວ ປິດສາກໃນ ງານກີລາຊີເກມທີ່ປະເທດຟິລິບປິນ ເປັນເຈົ້າພາບເບື້ອງຕົ້ນນ້ອງໂອຈະໄດ້ເດີນທາງກັບເຖິງຖິ່ນບານເກີດ ເມືອງນອນນະຄອນຫຼວງວຽງ ຈັນ ໃນຕອນແລງວັນທີ 11 ທັນວາ 2019 ແຕ່ຍ້ອນວ່ານ້ອງໂອໄດ້ກາຍເປັນຮີໂຣ ແລະຂວັນໃຈ ຂອງທັບນັກກີລາລາວຈຶ່ງໄດ້ຢູ່ຕໍ່ເພື່ອຈະຖືທຸງຊາດນຳພາທັບນັກກີລາລາວ ເດີນສວນສະໜາມໃນພິທີປິດ ແລະໃນຕອນແລງມື້ນີ້ (12ທັນວາ) ກໍຈະໄດ້ເດີນທາງຮອດ ລາວໃນເວລາ 20:00 ໂມງ.

----------------------

ພາບ ແລະຂ່າວຂາກ: ໜັງສືພິມເສດຖະກິດ-ສັງຄົມ

แชร์