ຄັ້ງໜຶ່ງຕ້ອງໄດ້ສໍາຜັດຕາດຫ້ວຍແກ້ວ ເມືອງລອງ

 ເມືອງລອງ ເປັນເມືອງໜຶ່ງທີ່ຂຶ້ນຊື່ທາງດ້ານຄວາມສວຍສົດງົດງາມທາງຂອງທໍາມະຊາດ, ປະຫວັດສາດ ແລະ ວັດທະນະທໍາທີ່ອ້ອມກອດໄປດ້ວຍພູຜາປ່າໄມ້ ແລະ ສາຍນໍ້າທີ່ຍັງຄົງຄວາມອຸດົມສົມບູນຢູ່ນອກຈາກນັ້ນຍັງມີສະຖານທີ່ທ່ອງທ່ຽວທາງທໍາມະຊາດໄວ້ໃຫ້ນັກທ່ອງທ່ຽວໄດ້ສໍາພັດຄວາມງົດງາມອີກຫຼາຍແຫ່ງບໍ່ວ່າຈະເປັນການຍ່າງຊົມຕາດ, ທ່ຽວຊົມຖໍ້າ, ລອງເຮືອ, ປິນຜາເພື່ອຊົມວິວທໍາມະຊາດ ແລະອື່ນໆ.

  ຕາດຫ້ວຍແກ້ວ ຖືເປັນອີກສະຖານທີ່ທ່ອງທ່ຽວທາງທໍາມະຊາດທີ່ສວຍງາມອີກແຫ່ງໜຶ່ງຂອງເມືອງລອງ ທັງນີ້ກໍເນື່ອງຈາກວ່າຍັງຄົງມີຄວາມອຸດົມສົມບູນແບບທຳມະ ຊາດເປັນຢ່າງດີ, ບໍ່ວ່າຈະເປັນພູຜາປ່າໄມ້, ຫ້ວຍນໍ້າລຳທານ ແລະໂງ່ນຫີນທີ່ຢູ່ຕາມຕາດກໍຍັງຄົງມີສະພາບເດີມໂດຍບໍ່ໄດ້ມີການດັດສ້າງ ຫຼື ຕົບແຕ່ງແຕ່ຢ່າງໃດເວົ້າໄດ້ວ່າ: “ ຍັງງົດງາມດ້ວຍທຳມະຊາດໂດຍແທ້ ” ຊຶ່ງກາຍເປັນມົນສະເໜ່ດຶງດູດຈິດໃຈຜູ້ທີ່ໄດ້ພົບເຫັນໃຫ້ຄິດຮອດຈົນຍາກທີ່ຈະລືມ, ຕາດທີ່ວ່າຕັ້ງຢູ່ທາງທິດໃຕ້ຂອງບ້ານປ່າຄາໄລຍະທາງຫ່າງຈາກເທສະບານ ແຂວງຫຼວງນໍ້າທາ 112 ກິໂລແມັດ ແລະ ຫ່າງຈາກເທສະບານເມືອງ 6 ກິໂລແມັດ ປະຈຸບັນມີເສັ້ນທາງລົດເຂົ້າເຖິງ 4 ກິໂລ ແມັດ ແລະ ເສັ້ນທາງຍ່າງ 2 ກິໂລແມັດ.

ສະໜັບສະໜຸນໂດຍ: HONDA

------ 

 ຕາມການບອກເລົ່າຂອງຊາວບ້ານໃຫ້ຮູ້ວ່າ: ແຕ່ກອ່ນມີພະຍາຕົນໜຶ່ງສ້າງພະທາດຢູ່ໄກ້ຄຽງບໍລິເວນດັ່ງກ່າວໂດຍບັນຈຸແກ້ວໃສ່ໃນທາດ ແລະເອີ້ນກັນວ່າຕາດນໍ້າພະແກ້ວ, ແຕ່ປະຈຸບັນໄດ້ປ່ຽນຊື່ຈາກຕາດນໍ້າພະແກ້ວມາເປັນຕາດຫ້ວຍແກ້ວຈົນເຖິງທຸກວັນນີ້.

--------------------

ຂຽນໂດຍ: ວົງມະນີ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

ບໍລິການໂຄສະນາທາງເຟສບຸກ ແລະເວັບໄຊ

ໂທ: 021 313645, 316511

แชร์