ອົງການຮ່ວມມືສາກົນເກົາຫຼີທົບທວນການຟື້ນຟູໄພພິບັດ ເມືອງສະໜາມໄຊ

      ກອງປະຊຸມທົບທວນວຽກງານຟື້ນຟູໄພພິບັດທີ່ເມືອງສະໜາມໄຊຂອງອົງງການຮ່ວມມືສາກົນເກົາຫຼີ (KOICA) ໄດ້ຈັດຂຶ້ນໃນວັນທີ 6 ພະຈິກ 2019 ໂດຍການເປັນປະທານຂອງທ່ານ ນາງ ອຳຄາສີ ຫາລາດ ຫົວໜ້າພະແນກ ແຮງງານ-ສະຫວັດດີການສັງຄົມ ແຂວງອັດຕະປື ມີທ່ານ ວິໄລ ພົງ ສີສົມຫວັງ ຫົວໜ້າກົມສົງເຄາະ ທ່ານ ນາງ ຢໍ ວອນຢອງ ຜູ້ຕາງໜ້າອົງການ KOICA ສ. ເກົາຫຼີ, ມີຄະນະທີມປະສານງານອົງການ KOICA ສ. ເກົາຫຼີ, ຄະນະທີມປະ ສານງານຈາກບັນດາກະຊວງກ່ຽວຂ້ອງ ແລະ ຄະນະປະສານງານໂຄງການຂັ້ນແຂວງເຂົ້າຮ່ວມ.

ໃນກອງປະຊຸມໄດ້ຮັບຟັງບົດລາຍງານຄວາມຄືບໜ້າໃນການຈັດຕັ້ງປະຕິບັດໂຄງການ KOICA (ໂຄການຟື້ນຟູໄພພິບັດທີ່ເມືອງສະໜາມໄຊ) ຂອງບັນດາຂະແໜງການຕ່າງໆກ່ຽວກັບການຈັດຕັ້ງປະຕິບັດໃນທີ່ຜ່ານມາມີຫຼາຍອັນທີ່ມີຄວາມຄືບໜ້ານອກຈາກນັ້ນຍັງໄດ້ມີສັງເກດເຫັນວ່າໃນຊວງໄລຍະກຳລັງຈັດຕັ້ງປະຕິບັດກໍ່ຍັງມີຫຼາຍສິ່ງຫຼາຍຢ່າງທີ່ເປັນສິ່ງທ້າທາຍໃນການຈັດຕັ້ງປະຕິບັດ, ມີບາງກິດຈະກຳຍັງບໍ່ທັນໄດ້ສຳເລັດ.

ແຜນກິດຈະກຳຂອງໂຄງການຟື້ນຟູໄພພິບັດທີ່ເມືອງສະໜາມໄຊແມ່ນໄດ້ຮັບທຶນຊ່ວຍຈາກໂຄງການ KOICA ປະເທດ ສ. ເກົາ ຫຼີ  ຊຶ່ງເປັນໂຄງການສືບຕໍ່ສ້າງຄວາມເຂັ້ມແຂງໃຫ້ແກ່ລະບົບການຄຸ້ມຄອງຟື້ນຟູຫຼັງໄພພິບັດລວມ ມີ 5 ຂະແໜງການເຊັ່ນ: ວຽກງານກະສິກຳ-ປ່າໄມ້, ວຽກງານສຶກສາທິການ ແລະ ກີລາ, ວຽກງານສາທາລະນະສຸກ, ວຽກງານປົກປ້ອງເດັກ ແລະ ວຽກງານສັງຄົມສົງເຄາະຊຶ່ງຈະໄດ້ສືບຕໍ່ຈັດຕັ້ງປະຕິບັດກິດຈະກຳດັ່ງກ່າວຢູ່ແຂວງອັດຕະປື ອີກ 4 ປີ

ເພື່ອຊ່ວຍເຫຼືອແກ້ໄຂຟື້ນຟູຊີວິດປະຊາຊົນຜູ້ຖືກຜົນກະທົບ, ຜູ້ລອຍໂອກາດໃນທົ່ວແຂວງອັດຕະປືໃຫ້ໄດ້ເຂົ້າສູ່ການຊ່ວຍເຫຼືອໃນດ້ານຕ່າງໆ ແລະ ພັດທະນາຊີວິດເຂົາເຈົ້າໃຫ້ດີຂຶ້ນ.

ກອງປະຊຸມໄດ້ມີການແລກປ່ຽນຄຳຄິດຄຳເຫັນຮ່ວມກັນລະຫວ່າງຄະນະຊີ້ນຳຂອງກະຊວງກ່ຽວຂ້ອງຂັ້ນສູນກາງ; ຄະນະຊີ້ນຳໂຄງການ KOICA ແລະຄະ ນະຊີ້ນຳໂຄງການຂັ້ນແຂວງໃນການຈັດຕັ້ງປະຕິບັດຜ່ານມາຊຶ່ງມີຫຼາຍສິ່ງຫຼາຍຢ່າງຊຶ່ງເປັນຜົນປະໂຫຍດໃນການຈັດຕັ້ງປະຕິບັດໃຫ້ໄດ້ຮັບຜົນດີໃນຕໍ່ໜ້າ ແລະ ຍາວນານ.

ທ່ານ ນາງ ຢໍ ວອນຢອງ ຜູ້ຕາງໜ້າອົງການອົງ KO ICA ສ. ເກົາຫຼີ ໄດ້ຍົກໃຫ້ເຫັນຊີ້ນຳວ່າ: ການຈັດຕັ້ງປະຕິບັດແຜນງານໂຄງການໃນໄລຍະຍາວແມ່ນ ພວກເຮົາຕ້ອງໄດ້ເພິ່ມທະວີປັບປຸງລະບົບກົນໄກໃຫ້ສອດຄ່ອງກັບສະພາບຄວາມເປັນຈິງເຮັດໃຫ້ແຂວງໄດ້ຮັບການຈັດຕັ້ງປະຕິບັດຢ່າງມີປະສິດທິຜົນ ແລະມີຄວາມຍືນຍົງໃນອະນາຄົດ.

----------------

ຂ່າວ: ສາຍນໍ້າ

แชร์